سالفة:دراعتي والجلال والدوشق..قوافي

[قوافي ( أم نهار )]

http://files2.fatakat.com/2010/11/12905284251451.gif

مشرفينا أخواني أخواتي


حياكم واسعد الله صباحكم / مسائكم بكل خير


زمان كانت الوالده الله يحفظها وكل حريم اول يشرون طاقة القماش ..


ويلبسونها كل اللي بالبيت يعني الام تخيط له دراعه وتخيط لبناته وان زاد يسوى جلال او تلبيسة دوشق تجديد يعني والدوشق هو اللحاف وبعضهم يسميه مطرحه يعني ما فيه شي يضيع والباقي بيز مثل اللي بالصوره لكن هذا حافاته كشخه وبيزنا نفس القماش ولكن حافته مثلثات من ثوب حدى اخواني واحيانن زري يبلص يطلعونه للمناسبات فقط يعني مب للأستخدام اليومي(( كاشخين)):


http://scontent-a.cdninstagram.com/hphotos-xfa1/t51.2885-15/914293_231370367052815_2067864417_n.jpg


،،،


البيز تمسك به الدله ولين قدم يحال تقاعد للمطبخ :D..


والغريب انه شي عادي الام وبناته صافين وزامرين (مطقمين تقل فناجيل عراقيه كله الوان وزخارف) والله ياحبيلنا طيبتنا لا توصف وبساطه راحت مع المستورد والجاهز والخياط..


حتى من العوايد لين جا عرس اهل العروس يشرون خمس او ست طاقات قماش زري مزخرف ويقصقصونه قطع من مترين لثلاثه بعدد الحريم والاقارب ويوزعونه كهدية العرس لهن ،،همن لين جا العرس نصير كنا مستنسخين بالالوان;) لكن ما كنا نراها غير قمه بالوناسه والمشاركه والقماشه اللي تجي هديه غالباً تصير غاليه وهي من عرس فلانه وطبعا التقدير حسب المعزه:p..


،،،،،،،،،،،


نبداء بسالفتنا عن الطقم المزخرف ومظاعفات طاقت القماش وين وصلت:


شرت امي طاقة قماش بعد مشاورتي وش اللون اللي ابيه وكانت الطاقه اللي بنشريها شراكه مع وحده من عماتي وبناته وانا وامي وجدتي رحمة الله على الحي والميت منهم..


اخترت لون أخضر قريب من لون علف ارانب عمتي وشالت امي طاقة القماش على راسه من سوق اسمه الحميديه وهو مقابل سوق اشيقر بالديره وان كنت مب واهمه السوق احترق وماعاد بنوه ..


وصلنا بيتنا وجت عمتي عقب المغرب وقسمنا القماش أستعداد لطقم الفناجيل بعزيمه نبي نحضره كلنا..


خاطت امي دراعته ودراعتي وعمتي وبناته وجدتي ورحنا ولكن:eek::eek::eek::


صدمت العمر :mad::mad::mad:


وصلنا بيت اللي عازميننا قعدنا وكان وقت صلاة المغرب ،،يوم فلت راعية البيت المصلى ولاالجلال نفس القماشه واللون،، ودوشق مدري المطرحه حقات الجده قاصين عليه قماش جديد نفس القماشه ،، والباقي كيس للوساده وقعدنا وصار الشكل فل الفل :D فناجيل وطوفريه..


يوم اصالهم وانا الخشم بالسما؟؟

بغاير بنتهم الجوهره دراعتي جديده لكن خساره ما حصلي وماتمنيت هاك اليوم إلا يطفي الكهرب عشان ما يشوفن احد وراحت سالفه وخوذو عاد من سعة الصدر:


:D تخبرون عزيمة فلانه


أي عزيمه؟؟


اللي كانت به فلانه وفلانه لابسين مثل الدوشق والجلال:mad::mad::mad: ثلاث وجيه منقهره وماتكفي..


تحياتي وتقديري واحترامي


..قوافي..

[نجم القوافي]

وعليكم السلام ورحمة الله وبركاته

اسأل الله رب العرش العظيم ان يحفظ أمهاتنا مهما كتبنا لن نوفيهم

الله على تلك الأيام بالفعل ايام جميله ايام لا تنسى

الأخت قوافي والله أني سعيد بهذا المشاركة

لقد أبحرت بي السطور لمسافات وأيام لها ماضي جميل

وتاريخ مجيد مهما كان من تطور ورقي لن أنسا تلك الأيام

ان شاء الله سوف تكون لي بصمات بهذا لقسم

خالص تحياتي

[شهاب الظلام]

هههههههههه السلام عليكم اختي قوافي,
الله أكبر مأزين هاالسوالف الزينة .
وبصراحة سالفة في قمة الرووعة . ورجعتينا 40 سنة أو أكثر. ومأحلاها من أيام ويازين أهلها.ويازين وقتهم .واشكرك على هاالسالفة المميزة جدااا
الله ذكرتيني بالدواشق والبيزات والتفصيل . وكله من شغل البيت والامهات أول كل أم وراعية بيت تلقاها عندها مكينه خياطةأم أسد والله مانسيتها. وتفصل وتقص وتخيط من اروع مايكون وموديلات بعد. وفعلا الدواشق ( المطارح ) والمخاد وكلها من القماش الزايد من اللبيت .ويطلعون من اروع مايكون . ولا أحد يستنكر أو يستغرب هاالأمور هكاالوقت الله المستعان وكانو ينقشون النقش على المخاد الاخضر والزهري والازرق ومهارة في النقش بعد رسمه في القلم المرسم .والقماش أبيض , ويطلع في غرفة الجلوس النسائية من اجمل مايكون والله كني اشوفها اللحين وفي خيالي للحين ,ههه وسالفتك فل الفل طقم فناجيل وطوفريه ههههههههه يازينها من قصة وابدعتي في السرد .ويعطيك العاافية على هاالسالفة الاكثر من جميلة ورائعة .
اخوكم شهاب الظلام .

[التعـ King ـديل]

الله يرحم ذيك الايام

الحين الاخوات لو فساتينهم بمليون ريال مايلبسون نفس الشكل عندها استعداد تلبس فستان ارخص ولا تلبس مثل اختها

الله يرحم اجدادنا وابوي ويسكنهم فسيح جنته

[قوافي ( أم نهار )]

وعليكم السلام ورحمة الله وبركاته

اسأل الله رب العرش العظيم ان يحفظ أمهاتنا مهما كتبنا لن نوفيهم

الله على تلك الأيام بالفعل ايام جميله ايام لا تنسى

الأخت قوافي والله أني سعيد بهذا المشاركة

لقد أبحرت بي السطور لمسافات وأيام لها ماضي جميل

وتاريخ مجيد مهما كان من تطور ورقي لن أنسا تلك الأيام

ان شاء الله سوف تكون لي بصمات بهذا لقسم

خالص تحياتي
حياك الله نجم القوافي
اللهم آمين الله يحفظهم ويطول عمارهم برضى رب العالمين
كلام صحيح الوالدين مهما قلنا وفعلنا لا نوفي حقهم وسبحان من حملهم اعظم صفه ومن اعطانا برهم ورحمتهم..
الله يسعدك بالدارين وانا ومن بالخيمه سعيدين بحظورك الكريم وبما سطرته اناملك ونحمد الله على سلامتك داعين رب العالمين ان يتمم شفائك اللهم آمين..
الذكريات عنواننا التائه بزحمة التطور ونحن اليه كلما وجدنا بصيص من ثغره نستطيع العبور منها فكريا للعوده قليلا للماضي الحبيب..
ان شاء الله ونحن نرحب بك وننتظر ابداعك
دمت بحفظ الله واشكرك لمرورك الكريم وحظورك المميز وردك الجميل
تحياتي وتقديري واحترامي
..قوافي..

[باسم 2009]

جميل هو الماضي رغم بساطته
حلو وإن قسى علينا بقلة امكانياته
رائع وان لم يكن لنا سوى تقبله
ولو ترك لنا الخيار اليوم ماخترنا سواه
ممتع هو حتى في استرجاع صوره الباقية
ممتعٌ حد البكاء..
حفظك المولى ياقوافي وأسعدك في الدارين
كما أسعدتينا بعيش هذه اللحظات

[النبهاني]

وعليكم السلام والرحمه
حيا الله مشرفتنا الفاضله قوافي
سالفه مطرزه بزري يبلص زاهيه من مجاميعه
موضوع جميل ينال اعجاب شريحه عظيمه بل اغلب الناس
انت حطيتي 3 وانا لو احط عشره مايسدن لانه حصلي حول ما حصلك
كنت حول 7 سنين بالعمر وجانا رجل تاجر من الجماعهالله يرحمه وحققنا ونصيبي زايد مدري هكالوقت المهم حقاقي 6 ريال
واعطيهن امي الله يحفظه ويحفظ والدتك وكل مسلم وتشري لي بهن قماش وقالت رح لفلانه الله يغفر له خله تفصل لك ثوب
رحت وفصلت وطلع الثوب واثر صار زود وحطته سروال وحنا بالشتاء واللون خضر الحمد لله
المهم طقمت واذا صرت لحالي فرحت وان صار به عيال انحرج من الزود لانه طويل شوي ما يغبا والاولين يقولون الزود اخو النقص وعبرت الحياة
شكرا جزيلا اخيتي وعذرا على الاطاله

[Al3rands]

هههههههه لا فض فاك بس طقم فناجيل هذي لحاله

[قوافي ( أم نهار )]

هههههههههه السلام عليكم اختي قوافي,
الله أكبر مأزين هاالسوالف الزينة .
وبصراحة سالفة في قمة الرووعة . ورجعتينا 40 سنة أو أكثر. ومأحلاها من أيام ويازين أهلها.ويازين وقتهم .واشكرك على هاالسالفة المميزة جدااا
الله ذكرتيني بالدواشق والبيزات والتفصيل . وكله من شغل البيت والامهات أول كل أم وراعية بيت تلقاها عندها مكينه خياطةأم أسد والله مانسيتها. وتفصل وتقص وتخيط من اروع مايكون وموديلات بعد. وفعلا الدواشق ( المطارح ) والمخاد وكلها من القماش الزايد من اللبيت .ويطلعون من اروع مايكون . ولا أحد يستنكر أو يستغرب هاالأمور هكاالوقت الله المستعان وكانو ينقشون النقش على المخاد الاخضر والزهري والازرق ومهارة في النقش بعد رسمه في القلم المرسم .والقماش أبيض , ويطلع في غرفة الجلوس النسائية من اجمل مايكون والله كني اشوفها اللحين وفي خيالي للحين ,ههه وسالفتك فل الفل طقم فناجيل وطوفريه ههههههههه يازينها من قصة وابدعتي في السرد .ويعطيك العاافية على هاالسالفة الاكثر من جميلة ورائعة .
اخوكم شهاب الظلام .

حياك الله شهاب الظلام

اسعدني حضورك بالسالفه وعوداً حميداً بإذن الله ..

الرائع وقوفك بمتصفحي وردك الكريم..

ماكينة أم أسد صديقه منزليه وماكانو يستغنون عنها وفعلن كانت بكل بيت واللي عنده إمكانيه يشري ((سنجر))..

على انها تطريزات يدويه لكن كانت مصدر فخر واعتزاز وتقدير للنفس ويدل على ذوق راعية البيت واتقانها واللي يدفعها لهالعمل الشاق ((حبها لبيتها ومحاولاتها إظهاره بشكل مختلف عن البيوت ))..



وسالفتك فل الفل طقم فناجيل وطوفريه ههههههههه

:D:):D:):D:):D

الله يعافيك ويحفظك ربي وأطمع بسالفه من قديمك اللي ذكرته موقف منا ولا منا ،،ماشاء الله من المؤكد لاتخلو الجعبه من جمال الماضي وها أنت ذكرت جزء ونطمع بالأجزاء المتبقيه..

تحياتي وتقديري واحترامي

..قوافي..

[بيترالسروات]

كالعادة مبدعة انا اتخيل الطقم ولا استطيع ان امسك نفسي من الضحك

سالفة تحيي عبق من الماضي الجميل

تسلمين مشرفتنا

[قوافي ( أم نهار )]

الله يرحم ذيك الايام

الحين الاخوات لو فساتينهم بمليون ريال مايلبسون نفس الشكل عندها استعداد تلبس فستان ارخص ولا تلبس مثل اختها

الله يرحم اجدادنا وابوي ويسكنهم فسيح جنته



حياك الله مشرفنا الفاضل

اللهم آمين يرحمنا ويرحم امواتنا ..

كلام صحيح كل شي تغير وما ادري وش المشكله بكون اثنين نفس اللون والشكل وحتى الصغيرات طالهم حبل المنافسه (( :eek::eek: من أحسن :eek::eek: ))..

اشكرك لحضورك الكريم وردك المميز ..

تحياتي وتقديري واحترامي

..قوافي..

[طوق بنفسجي]

ياحليل ذاك الزمان ،،،

[قوافي ( أم نهار )]

جميل هو الماضي رغم بساطته
حلو وإن قسى علينا بقلة امكانياته
رائع وان لم يكن لنا سوى تقبله
ولو ترك لنا الخيار اليوم ماخترنا سواه
ممتع هو حتى في استرجاع صوره الباقية
ممتعٌ حد البكاء..
حفظك المولى ياقوافي وأسعدك في الدارين
كما أسعدتينا بعيش هذه اللحظات
حياك الله

الله يجمل حالك برضى رب العالمين

صدقت لو خيرنا ما اخترنا سواه ولكن مشيئة الله فوق كل شيئ والعلم عنده ..

يحفظك ربي واشكرك جزيل الشكر على ثنائك ..

الله يسعدك ويسعد كل مسلم في بقاع الارض..

اسعدني مرورك الكريم وردك الجميل

تحياتي وتقديري واحترامي

..قوافي..

[قوافي ( أم نهار )]

وعليكم السلام والرحمه
حيا الله مشرفتنا الفاضله قوافي
سالفه مطرزه بزري يبلص زاهيه من مجاميعه
موضوع جميل ينال اعجاب شريحه عظيمه بل اغلب الناس
انت حطيتي 3 وانا لو احط عشره مايسدن لانه حصلي حول ما حصلك
كنت حول 7 سنين بالعمر وجانا رجل تاجر من الجماعهالله يرحمه وحققنا ونصيبي زايد مدري هكالوقت المهم حقاقي 6 ريال
واعطيهن امي الله يحفظه ويحفظ والدتك وكل مسلم وتشري لي بهن قماش وقالت رح لفلانه الله يغفر له خله تفصل لك ثوب
رحت وفصلت وطلع الثوب واثر صار زود وحطته سروال وحنا بالشتاء واللون خضر الحمد لله
المهم طقمت واذا صرت لحالي فرحت وان صار به عيال انحرج من الزود لانه طويل شوي ما يغبا والاولين يقولون الزود اخو النقص وعبرت الحياة
شكرا جزيلا اخيتي وعذرا على الاطاله



الله يحييك ويبقيك ابو سالم

الله يجمل حالك ويرفع قدرك ويحفظك رب العالمين

الزود اخو النقص وعبرت الحياة

الاولين ما خلو للتالين شي،، مقوله اعتز فيها وصحيحه،، الزود اخو النقص ..

الله يطول بعمر الوالده..

:D الزود ولو انه احيانن مشكله لكنه بالنسبه لنا وحنا صغار كشخه كل شي طقم (المقطع والجلال والبيز):D..

المكان مكانك يابو سالم واسعدني حضورك بالسالفه واشكرك على مداخلتك الجميله..

تحياتي وتقديري واحترامي

..قوافي..

[المحتار111111]

في الجنوب يسمون البيز . جعال . او طمره . او وقاية