المساعد الشخصي الرقمي

مشاهدة النسخة كاملة : طرمبة الزيت سببت لي مشكلة


أ ط ب 3311
04/06/2014, 09:15 AM
بسم الله الرحمن الرحيم

السلام عليكم ورحمة الله وبركاته..

صبحكم الله بالخير ..

يالربع عندي ونيت سلفرادو ..الموديل 2008

عداد طرمبة الزيت تحت الربع قريب من الصفر فوقه 3شرطات اذا دعست قبل النص يجي
المشكله اني غيرت طرمبة زيت من الوكاله والصوفه والى الان المشكله المكانيكي قال عقب ماقلتله اني موظبها قال عندك فضاوه او تهريب زيت داخلي مثلي بسبايك يدخل الزيت ويهرب داخل السبايك ومايضرب الحساس يقولي الطرمبة شغاله 100٪ لكن المشكله داخل المكينه يقول امش عليها سنه سنتين ثلاثه اللين تخرب وغيرها ..
هل كلام الميكانيكي صحيح وهل عندكم حل يمكن تزبط والله ماعاد اطمئنت بروحة المشارير البعيده ملاحظه تم فحص حساس الطرمبه وشغال ..
أ ط ب 3311
04/06/2014, 02:32 PM
85 ولارد غريبه
أبوشريدح
04/06/2014, 02:50 PM
الله يعينك عليها
لا تعتمد على كلامه
حاول تعرف المشكلة
ممكن يحتاج برمجة او من هذا القبيل
سؤال:اول ما تشغل السيارة الصباح هل يصدر صوت ؟
الله ييسر لك امرك
أ ط ب 3311
04/06/2014, 02:53 PM
لا
امين وياك
هم الشمالي
04/06/2014, 05:03 PM
اذا طرنبة الزيت شغاله مثل ماتقول 100% لاتخاف تلقى المشكله يمكن التماس في الأسلاك او نفس العداد خربان
ابو محمد64
09/06/2014, 09:58 AM
انا غيرت طرمبة الزيت قبل كم يوم ووضبت المكينه وسبب الطرمبه ما وصلت الزيت
اسدهم
09/06/2014, 12:22 PM
شف افصل البطارية يوم همن اشبكها نوبه اخراءاذاماجت نتيجة انقز او طمر لصناعية القديمة ورح عبدالرحمن الجميح وهو يسنعك ببرمجة يمسح الرسائل القديمة ؟؟
0راعي الجبيل0
09/06/2014, 07:08 PM
الميكانيكي صادق اذا انت خارط عمود الكرنك ولااضبطوه المخرطة يصير الفراغ اكثر من السبيكة اللي مركب ..واكثر مايطش ضغط الزيت هو عمود التيمن اذا نحاساته ماغيرتها او الورشة لاعبة بالكام ( عمود التيمن ) وخارطة منطقة lobe فهو ينزل الضغط كثير للزيت لان عمود التيمن يشتغل كانه طرمبة زيت مساعده
الحل يعتمد على شغلتين التاكد من lube clearance حق السبائك الثابته وايضا عمود الكام اذا هي مقبولة فيه حل ارخص وهو انك تشتري طرمبة زيت اعلى كمية ضخ وموجودة في الانترنت وانصحك تشوف شركة engine tech عندهم مضخات اعلى تدفق وتساعد انها تغطي بدل الفاقد بسبب كبر الفراغ بين السبائك وهذي طرمبة شاريها لدوج موضبه ومغير سبائكة من نوع clevite الخاصة بالناسكار tri metal وتجي الشفة للزيت في السبائك ثلاثة ارباع البوصة ..

المهم هذي صورة للسبائك والطرمبة الاعلى تدفق hi flow oil pump

http://img.tapatalk.com/d/14/06/10/u4userug.jpg

http://img.tapatalk.com/d/14/06/10/mytavata.jpg



تم الإرسال من جهازي GT-I9300 بواسطة تاباتوك 2