فزعتكم يا اهل البتروول الاجازه لاتضيع

[ابو غياهب]

السلام عليكم ورحمة الله وبركاته
يعطيكم العافيه يا اهل المنتدى الاكثر من رائع

ولثقتي بالاعضاء المتميزين اردت ان اسال بخصوص سيارة لصاحبي باترول 99 بخاخ
ترتفع حرارتها فل اذا زادت السرعه عن 120 مع فقدان الماء ولا ندري تهنا مع الورش هل المشكله في طرمبة الماء او المشكله براس المكينه ارجو الرد لاهنتوو

[شرق المغيب]

شيك على الرأس ماهو معقول يروح الماء
المشكلة كبيرة اذا الماء يروح
لاتمشون على الموتر نصيحه لين تتطن عليه
الحرارة مشكلة

[تساهيل1]

اول شي ابدا بالاخف
شيك على
تماتيك المروحه
الخراطيش احيان تكون قديمه زمع الضغط تهرب زي البخار
غطاء الاديتر بدله ب جديد..وصيخ الاديتر ضروري


الخطوه الثانيه
غير طرمبة الماء اذا ما نجح

افحص الراس والله يعينك

[هم الشمالي]

اذا انت تقول الماء ينقص ابحث عن المشكله وشي هل هو شق في الرديتر او تهريب بالأهواز او الغطاء حق الرديتر فيه تنسيم لأن اذا نقص الماء اكيد ان الحراره ترتفع

[العطاوي a511]

الباترول له ليات ومواصير ماء صغار واغلب المشاكل منها يبيلها تبديل كامل وتكلف 400 ريال والرديتر سيخه وتماتيك المروحه والهوايه حقت الرديتر تاكد منها

[ابوسند9]

وعليكم السلام
اهم نقطه فك الاديتر واعمل له تسييخ ,,بعد ذالك خل الورشه تفحص الاديتر بالهواء لا يكون فيه تهريب لان التهريب احينا يكون بسيط ويتبخر الماء مع السرعه,,بعد ذالك دام فكيت الاديتر فك طرمبة الماء وشيك على ريشها مع تبديل البلف با اصلي وكاله ,,
وانا استبعد تماتيك المروحه
هذي اهم النقاط واللي المفترض تعمل كل سنتين

[أ ط ب 3311]

انت تمشي بالسبارة بدون ماتحمي
صدقني المشاكل كلها ماتجي الا من كذا

خااصه الامريكي ماتحمي ودع الثلاجه

[ابو غياهب]

الله يعطيكم العافيه لجميع الاعضاء
بنسبه للماء قليل الذي يتبخر والزيت صافي مابه شي بس شي انا لاحظته فيه غطاء يجي خلف المروحه عند السيور ويتحرك بشكل بسيط ما ادري يمكن منه ارجو الافاده

[شاق النفد]

مشكلته من الراس ينسم ويحتاج خرط
اذا تعدى 120 يبدى لماء يطلع من القربة
وهذا دليل تنسيم الراس

[sgl2002]

الحراره مع السرعه من الرديتر

والماء اللي ينقص هل هو ينقص اذا ارتفعت الحراره فقط يعني اذا تعديت ١٢٠ نقص والا النقص يصير بشكل يومي ولا له علاقه بالسرعه

ترى فيه ليات في الباترول تهرب مويه ماتدري عنها

انا عندي نقص في المويه بسيط ازبده كل شهر من احد الليات لكن الحراره ماترتفع

[البرفسوررر]

اخوي اذا الراس فيه شي فك غطا الرديتر وخله شوي حتا يفك البلف ودوسله اذا الراس فيه شي الما يفور من الديتر يعني يفور فواق من الرديتر

[أحمد محمد1429]

غير اديتر وريح رأسك اردني ب 300 من وكيله بالصناعيه

[4200]

يمــــــــــــــــكــــــــــــن تــكون طـــــــــــبــــــــــــة تهرب ماء ويتبخر من حراره الماكينه
الله يعينكم

[ابو غياهب]

الله يعطيكم العافيه لجميع الاعضاء الي ساعدوني ببداء من ابسط شي لين ما اوصل لراس المكينه الله يعين
اكرر شكري لكم جمعا

[الوسم]

كلامك صحيح بس لا تنسانا وعلمنا وش سويت
ما هو تشاورنا ولا ترد علينا

[يالبى الهلا]

الراس ماله علاج الا المسح والحرارة تبدا من 130 وشكرااا

[الوسم]

شوي شوي على الرجال يا الربع .... خلاص قررتوا انه الراس...
حبه حبه يا علااااام
ابدأ بالأخف والأسهل حتى الأصعب ولا تستعجل وتغير قبل ما تتأكد أن اللي تغيره خربان فعلا
والله يدللك على الخير

[ابو محمد64]

خذ مني العلم البلف مسدود وما يفك عشان كذا ترتفع فوق 120 وسارت معي يوم ادبل فوق 120 طلع من البلف غيره وسبب نقص الماء اللي ناااااشف ويبخر مع قوة الحرارة اتش

[ابو محمد64]

غير الليات اهمها لي الكوع الكبير ورا اللديتر تلقاه متنفخ وعاد انتم باين عليكم تدرسون يوم قلت الاجازة واظن انكم حق تدبيلات وحرق والجيب ما يبيله كذا لانه وزن ويجهد المكينه وتحتر الاول وثاني لا تحرق نمر الثالث طير محد يمك غير ساهر ونا مو مسئوول هههههه

[الوسم]

غير الليات اهمها لي الكوع الكبير ورا اللديتر تلقاه متنفخ وعاد انتم باين عليكم تدرسون يوم قلت الاجازة واظن انكم حق تدبيلات وحرق والجيب ما يبيله كذا لانه وزن ويجهد المكينه وتحتر الاول وثاني لا تحرق نمر الثالث طير محد يمك غير ساهر ونا مو مسئوول هههههه

اهههه
طلعت الخبرة !!!
كفوووو يا ابو محمد

[ابو محمد64]

يرجال هي هواية + نشبة للمهندس اركب زووم بعيني يوم يغير القطعه وقله عطني القديمه عشان اتاكد فزمن ماله امان

[الوسم]

يرجال هي هواية + نشبة للمهندس اركب زووم بعيني يوم يغير القطعه وقله عطني القديمه عشان اتاكد فزمن ماله امان

عز الله إنك جيد يا أبو محمد