توني شاري باترول - مساعدتكم يالذيابه

[iBaaSel]

السلام عليكم ورحمة الله وبركاته


أخواني منتدي مكشات ياليت مساعدتكم بكم استفسار بسيط
انا توني شاري ربع 91 باترول - وفيه كم مشكله وماعندي خبره كثيره فيه

المشكله الاولئ / السياره تدعس لها وانت معشق نمره ولا كنك تدعس طبعن طلع دزق وكلتش ( سؤالي كم يكلف فك و تبديل الدزق والكلتش والفحمه مع اسعار القطع ؟)

المشكله الثانيه / السياره مهي صافيه خصوصا اذا كانت واقفه تحس انها تبي تطفي وأنبير الار بي ام ثابت علي واحد. ( شنو تنصحوني اسوي ؟ )

المشكله الثالثه / لما اشغل المكيف ينزل عداد الار بي ام يصير اقل من واحد
والسياره توصل حرارتها احيانن فوق النص مع العلم انو بدون المكيف السياره ثابته الحراراه علي ربع
( اش ممكن تكون المشكله ؟)



بارك الله فيكم ونفع بكم

[داموك 1]

الله يعطيك خيره ويكفيك شره
اعمل تصفيه شامله بواجي واسلاك بواجي وفلتر هوى
والكلربيتر اعمل له صيانه وصفايه بنزين وشيك على الزيوت اما القطع والتكلفه
ماعندي علم كم هم ان شاء الله يفيدونك الشباب

[هم الشمالي]

أخوي انت متأكد من الدسك والصحن على حسب كلامك الله العالم عندك راس المكينه اما احد البلوف واقفه او البواجي منعدمه ماتوصل كهرب او الراس يبيله توضيب
تأكد قبل ماتغير الدسك والصحن وتخسر وتطلع المشكله من الراس وده لمكانيكي فاهم وخله يفحصلك راس المكينه قبل كل شي

والمشكله الثانيه والثالثه على حسب كلامك من الكبريتر

[ابو فهد...]

فك القير وتغير الكلتش ٥٥٠
الكلتش والدزق ٨٠٠
مشاكل الباقيه من الكربريتر تراه اذا انحاس انس يرجع

[يالبى الهلا]

أخوي انت متأكد من الدسك والصحن على حسب كلامك الله العالم عندك راس المكينه اما احد البلوف واقفه او البواجي منعدمه ماتوصل كهرب او الراس يبيله توضيب
تأكد قبل ماتغير الدسك والصحن وتخسر وتطلع المشكله من الراس وده لمكانيكي فاهم وخله يفحصلك راس المكينه قبل كل شي

والمشكله الثانيه والثالثه على حسب كلامك من الكبريتر

فعلا هذا هو الحاصل الراس رايح لابد من اصلاح الاعطال عند ميكانبكي فاهم وليس نصااااااااااب

[SGL]

أخوي أول شي غير الصحن والدزق والفحمة وبعدها مثل ماقالوا لك غير البواجي وبليتين وبوبينا وأسلاك البواجي مع سلك الكويل وصفاي البنزين مع فلتر الهوا والكربريتر لاتقربه نهائي بعدين نشوف سالفته إذا الموتر ماضبط :D
أما مشكلة الحرارة مع المكيف وإنت واقف أول شي شيك على كلتش المروحة ﻻزم يكون تمام ثاني شي وضروري تسويه وهو سبب في رفع الحرارة وهو إن الموتر يضعف مع تشغيل المكيف والأصل يرتفع صوته مع تشغيل المكيف وهذا حساس تلقاه راكب في الكربريتر فوق الدعسة والثاني تحت الكبوت قريب من الإستكر الي فيه رقم المكينة ولون السيارة فيه سلكين كهرب شيك عليهن وفيه لي يركب فيه ويروح للحساس الثاني فوق دعسة البنزين واللي الثاني يركب تحت الكربريتر تحت مسمار ميزان الهوا وترا موترك دعسته زايده المفروض بدون مكيف تحت الواحد أو على ثالث خط

[SGL]

نسيت أقولك ركب مروحة خلف الشبك تشتغل مع المكيف :D:good2:

[sgl2002]

مشاكل الاخيره من الكلبريتر


المكيف اذا شغلته لابد يرتفع ضغط المكينه والا يسبب حراره وضعف تبريد

[iBaaSel]

داموك 1 - هم الشمالي - ابو فهد... - يالبى الهلا -sgl - sgl2002
بيض الله وجيهكم ماقصرتو - اشهد ان ينشد فيكم الضهر يامنتدي مكشات :good2:

-------------------------------

بالنسبه للمشكله الاوله - طلعت من الدزق منسحق ويبيله تبديل وهذا بعد مافكينا المكينه وطلعناه - وقمت بتبديله بـ ( دزق وصحن وفحمه ) تكلفة القطع 550 ريال

طبعن بتسألوني ليه تفك المكينه !! لي ماتفك القير !!
لاني انا فاكها فاكها = لاني بغير كراسي المكينه والطبات و وجه الكرتير
-----------

بالنسبه للمشاكل الثانيه - بس يركبون المكينه ان شالله بسوي الي قلتولي عليه وادعي الله انها ماتطلع من الكربريتر - مع ان راعيه الاول يقولي شاريه جديد !!

[sgl2002]

في الكلبريتر مسمار عليه زي النابض هذا تفره عكس عقارب الساعه يخلي الموتر يرتفع اذا شغلة المكيف

والصفاوه شكلها من البليتين

[الذاهب]

الله يكون بعونك ويطربك ممشاه

[الوسم]

داموك 1 - هم الشمالي - ابو فهد... - يالبى الهلا -sgl - sgl2002

بيض الله وجيهكم ماقصرتو - اشهد ان ينشد فيكم الضهر يامنتدي مكشات :good2:

-------------------------------

بالنسبه للمشكله الاوله - طلعت من الدزق منسحق ويبيله تبديل وهذا بعد مافكينا المكينه وطلعناه - وقمت بتبديله بـ ( دزق وصحن وفحمه ) تكلفة القطع 550 ريال

طبعن بتسألوني ليه تفك المكينه !! لي ماتفك القير !!
لاني انا فاكها فاكها = لاني بغير كراسي المكينه والطبات و وجه الكرتير
-----------

بالنسبه للمشاكل الثانيه - بس يركبون المكينه ان شالله بسوي الي قلتولي عليه وادعي الله انها ماتطلع من الكربريتر - مع ان راعيه الاول يقولي شاريه جديد !!








شكرا على إهتمامك بالرد والربع ما قصروا وعطوك اللي عندهم ولا تنسى ترجع وتبشرنا إن الموتر صار مثل الساعه 000

[جني صغير]

لا تنسى تركب مراوح سوبارو بدال مروحة الشد بلد

لا تنسى تشيل كبليتر الباترول وتسقط كبليتر التيما او غير الايبر الكبليتر من باترول الى التيما


لا تنسى تركب ديلكو اكتروني








طبعا الأول عشان ما تتعقد من تماتيك المروحة الشد بلد


الثاني عشان ما تتعقد من شرب البانزين والتقطيعات والكربون وتحس بصفاوه


الثالث عشان ما يبهذل بتغيير البليتين والقروشه حقته


الله يعطيك خيره ويكفيك شره

[هاوي بلادي]

الشباب ماقصروا



معك



والله يعطيك خيرها ويكفيك شرها



فالك التوفيق

[محب الهيف]

ولا نسى تركب فرار الدبل يخفف الرجة عندك ويخف الموتر

[iBaaSel]

جني صغير - هاوي بلادي - محب الهيف
بيض الله وجيهكم كلكم .عزالله ماقصرتو


ابشركم زان الموتر ماشالله وطلعت المشكله ( وزن بلوف وبدلت البواجي اصلي ) صار علي قولة الشباب زي الساعه :)

وبالنسبه للمكيف لقو سلك الحساس حقه مفصوول وبوديه الكهربائي يركبه لي وان شالله يضبط

[الوسم]

الحمد لله 000 يعني المشكله اللي تخللي السيارة تحتر طلعت وزن البلوف ؟؟
صح ؟؟

[iBaaSel]

الحمد لله 000 يعني المشكله اللي تخللي السيارة تحتر طلعت وزن البلوف ؟؟
صح ؟؟

وزن البلوف عشان مشكلة التفتفه والتقطيع

اما مشكلة حرارة السياره مع المكيف هي من الحساس حق المكيف بالكربريتر

[الوسم]

وزن البلوف عشان مشكلة التفتفه والتقطيع

اما مشكلة حرارة السياره مع المكيف هي من الحساس حق المكيف بالكربريتر
ممتاااااااااااااززز ومشكور على التوضيح
وبالنسبة لحرارة السيارة
يعني قصدك قطعة الكهرب اللي ترفع سرعة دوران المحرك اللي في الكلبليتر مع تشغيل المكيف ؟؟
صح !!

[اليامي قطر]

ماشاءلله تبارك الله

مبروك والله يعطيك خيره ويكفيك شره

[الوسم]

http://www.mekshat.com/pix/upload06/images/2014/06/mk15940_carboraetor 1.jpg

[الوسم]

http://www.mekshat.com/pix/upload06/images/2014/06/mk15940_carb110.jpg

[الوسم]

في إنتظار الأخ صاحب الموضوع للإفادة

[ابو محمد64]

معليش ابي اسأل انا معي 3 قطع بركبها الصحن الي زي المراوح بداخله ومعي شي بعد دائري زي ريشة الصاروخ تمسكه كانه فحم وشي ثالث دائري صغير هل العدة كاملة صحن ودزق وفحمه الصحن الي زي المراوح ولفحمة اتوقع اتوقع الكبيره لاكن الدزق ذا مدري هل هو الصغير؟

[almagren]

الأخ العزيز
الله يبارك لك في سيارتك ويعطيك خيرها ويكفيك شرها
أولا الدزق والصحن يكلف تقريبا 1100 مع القطع وشغل اليد اذا القطع اصلي
بعدين الحرارة طبيعي النيسان مع المكيف ترتفع حرارته اذا كان واقف او يمشي بسرعه قليله
راس المكينة لوكان فيه شيء كل ما زادت السرعة زادة الحرارة