للخبراء بالترموستات والحرارة يتفضلوا

[hussien18]

السلام عليكم ورحمة الله وبركاتة

يآشباب انا موتري كآبرس أس أس 2007

ترموستات الوكالة رقمه 190 (يفتح عند 86 درجة مئوية)

وحبيت اركب ترموستات رياضي رقمه 160 (يفتح عند 72 درجة مئوية)

السبب في تركيب البلف الرياضي هو ان المكيف يصير تبريده كآنك في فريزر

خويي معه نفس موتري وركب الترموستات 160 والتبريد صار ما شاء الله عنده ممتاز

وخذيت منه الترموستات وركبته بسيآرتي ،، والتبريد صار ممتاز جدا جدا
بعز الظهر والشمس الحاره عندنا تركب السيارة مثل لفريزر بارده جدا


حبيت اعرف قبل لا اشتري الترموستات الرياضي هذآ

هل يقصر عمر المكينة او يسبب اي ضرر على السيارة اذا ركبته؟

ويعطيكم العافيه

[يالبى الهلا]

بالعكس مريح للمكينه لان مايقصف عمر المكينة الا الحرارة
حاول بقدر المستطاع لاتحرك الا بعد تسخين الزيت وان شاء الله شغلك في السليم

[الوسم]

يا حسيييييييين
يا حسييييييييييييييييييييييين
الله يجزاك خير ما هنا خلاف إن شاء الله
الله ينجينا من عذاب النار هالأيام ودك تخيط للمكينه خيشة رز وتركب عوامه وناقوط ماء يبرد عليها

[هاوي بلادي]

وضعك بالسليم



واهم شي لاتمشي



الا بعد تسخين الموتر



ويرتفع الزيت



وفالك التوفيق

[محمدالعريني]

اخوي وين احصل هالبلف وهل يركب على الباترول ال ٤٨٠٠

[يالبى الهلا]

تحصلة في محلات الترهيم او التزويد ومحل لااذكر اسمة في شارع الملك سعود مقابل الرامز عند الاشارة يسارك وانت داخل الشارع محل كبير جدا خاص بالامريكي

[محمدالعريني]

تحصلة في محلات الترهيم او التزويد ومحل لااذكر اسمة في شارع الملك سعود مقابل الرامز عند الاشارة يسارك وانت داخل الشارع محل كبير جدا خاص بالامريكي

بيض الله وجهك
كم اسعاره انا بركبه على فتك
عندي حراره مع السرعات العاليه والمكيف تبريده وسط
ومابقي شي ماغيرته والراس سليم

[يالبى الهلا]

سعرة من200الى 240 ريال كانك من اهل الدمام تلقاة في شارع الملك سعود

[zayed98]

المشكله في البلف لو انك خليت سيارتك بدون بلف في الشتا

ممكن ينشعط عليك راس المكينه او مااتقدر تشغل السياره لانها مثثلجه

[أبو اريام]

اخوي تركيب بلف أقل من بلف الوكاله في حال انك تمشي بالسيارة في داخل المدينه عادي لكن إذا كنت راعي خطوط وسرعة عاليه في الخط راح ترتفع معك الحراره في السرعات العاليه
الكلام من واقع تجربه
ركبت للمرسيدس بلف 65 و 71 و 80 وكان ال 80 اثبتهم في الحراره

[اابو مياس]

اخوي دور المشكله وحلها احسن من الترهيم والماكينه من الوكاله موضوع لها درجه حراره معينه لتعمل على اكمل وجه وصدقني راح تستهلك بنرين اكثر والعادم يكون اكبر