مشكلةالطبلون والسوتش والمسجل وزر الديل

[sahralall]

مشكلة عند شحن بطارية السيارة راف فور تم عكس السالب والموجب وحصلت مشكلة الطبلوم والسوتش والمسجل وزر الدبل لم يشتغل ماهو الحل واضاء لمبة تحذير 4wd
الرجاء من لدية حل يفيدنا جزاكم الله خير

[هم الشمالي]

شيك على الفيوزات تلقاها محترقه

[يالبى الهلا]

شيك على الفيوزات اذاسليمة فعندك لمبات الطبلون محترقة اهم شئ ااسيارة تشتغل واشتغالها صافي حتي تضمن سلامة الكمبيوتر

[يالبى الهلا]

دايما تحترق لمبات الطبلون اهم شئ اشتغال السيارة هل هو سليم وماتغيرت عليك فالامور بسيطة تغير لمبات الطبلون والحمدللة على السلامة

[m1122gl]

اولا افصل البطاريه وبعدها ب فتره اشبكها وشغل السياره وخذ مشوار تظبط الامور باذن الله

[الوسم]

السلام عليكم
صارت علي نفس المشكلة في لاند كروزر ووديته لورشة البيان الجديد وزينوه بس ما أنتبهو للبطاريه لأنها إنعدمت على طول وهي ما كملت شهر عموما اللي زينوه ثلاث حاجات رئيسيه
1 فيه مجمع فيوزات عند اصبع البطاريه الموجب لونه أسود غيروه كامل لأنه هو كله فيوز كبير
2 في علبة الفيوزات غيرت انا بنفسي أكثر من خمسة فيوزات محترقه
3 يقولون لي انهم فكوا الدينمو وغيرو فيه قطعه ولا أدري وشهي ولا علموني عنها ولكن بحسب خبرتي الضعيفه أنها العظمة وهي قطعه تحويل كهرب وتبريد أيضا لأنها حجر أبيض بس هم ما علموني عنها ويقولون زينوه وبس
وخذو على شغلهم أكثر من ألف وميتين ريال
والحمد لله صار تمام بعد ما حطيت له بطاريه جديده
ملاحظه : فحصت كومبيوتر عندهم ويقولون سليييييييم 00 قبل التصليح وبعده 00 علشان تعرف ان حتى فحص الكمبيوتر ما هو دائم يطلع العله حتى لو أنها كهرب

[يالبى الهلا]

للرفع لبيان حل المشكلة من صاحب الموضوع ﻻنه مهم جدااا

[الوسم]

الله يجزاه خير ما أدري وش الله سوى عليه ولا علمنا وش اللي صار وأكيد معه عذره الله يعينه

الله يهديهم 000 يطلبون فزعات ولا يردون على المواضيع وتخللي الواحد ما يتحمس معه ويحاول يحل له مشكلته فإذا كان هو ما يرد في موضوعه اللي يبي فيه الفزعه وشلون نفزع له ؟؟
طبعا الكلام ليس لصاحب الموضوع ولكن للتذكير فقط

[sahralall]

معليش ياخوان لعدم الرد ﻻني والله منشغل اﻻن ومشكور لكل من شارك لوجود الحل ومقدر تجاوبكم معي وان شاالله في اقرب وقت افيدكم بما جد معي

[الوسم]

الله يجزااااااك خير وييسر أمرك