أسباب إرتفاع فشق الشوزن

[ورد الربيع]

السلام عليكم ورحمة الله وبركاته
إخواني كما هو في العنوان ماهي أسباب إرتفاع فشق الشوزن
علما أنه في دول مجاورة أقل من نصف قيمتها هنا
يعني معقولة دسته ب 180 و200 ريال !!
وجنبنا ب 90 ريال ؟؟؟
وبعدين سالفة المحلات اللي تبي تفتح وش صار عليها ؟
حسب معلوماتي قربت معهم إلى بداية 1436 1 محرم
وسمعت من شخص ثقة أنه تم الإتفاق مع وكلاء هنا
وكان هناك خلاف على قيمة الوكالة طالبين مبالغ رهن شركات الفشق
وأنه اتفقوا وخلاص بس باقي التصدير ؟ هل هناك معلومات أدق

[FJ3230]

الأسباب كثرة الدخلاء على الصيد

وإلي عنده قروش زايدة

[ابو سفيان]

لان هناك مغفلين يشترون هذا اهم سبب

[هيوماكس]

انا اتمنى الدسته تصير بأكثر من 200 ريال
علشان حقين الاسراف والمفاخره في الصيد يعقلون ويحسون بقيمة الطيور اللي ذبحوها بلا سنع
الشعبان صارت مليانه وتحصل الصغير قبل الكبير ولابد تحصل مشكلة او مشكلتين لاجاء الواحد يطلع يقنص
والحسد بدأ ينتشر بشكل غريب
اللي يبي يصيد .. يصيد على قده وقد فشقه

وانا اشوف ان الاسعار راح تزيد سواء في مواسم الصيد او لا
وماراح تنزل ابد

[عبار درب]

مرت سنين ما نعرف الا الديانا و نصيد القميري و الصفار و الضبان بالديانا و الي عنده شوزن الشياب بس و ما تطلع من جرابها الا نادر من تالي كلا معه ام خمس اذا شراها بعشرين الف او خمس و عشرين الف ما يرده ثلاثة الاف او اربعة الاف قيمة صندوق فشق و يدور اي شيء يرميه لو هدهد

[شرق المغيب]

السبب حصر القشق وبيعه عن طريق تجار معينين ؟؟
ثانيا هالجيل الي مايحسب بس يرمي هوا
الثالث طرق التهريب مكشوفه والمنافذ متشدده

ننتضر التصريح للمحلات الر سميه ...

[تساهيل1]

خذوها مني الحين

لو تفتح وكاله بيصير الدسته ب 400

ترا الشق اكبر من الرقعه واللي ماسك السوق
بيقفل التهريب من الكويت ويبي يتواسا لكم صح

الله المستعان

[سحب ممطرة]

خذوها مني الحين

لو تفتح وكاله بيصير الدسته ب 400

ترا الشق اكبر من الرقعه واللي ماسك السوق
بيقفل التهريب من الكويت ويبي يتواسا لكم صح

الله المستعان


عز الله انك صادق

ان شاء ماتفتح محلات الاسلحة عندنا

اذا انت زعلان الحين ان العلبة ب 180 صدقني ماتشتريها 400 ريال من المحل و على كذا الشريطي اللي الان يقولك تعال ب 180 راح يلعبها صح ويقولك تبغى العلبه ب 350 ريال ولا رح للمحلات واشتر .

صدقوني هذا اللي بيسير

وانا والله لاني شريطي ولا شي


( خلك على.... لايجيك اللي .... منه :D

[سحب ممطرة]

و اقرب دليل شوفوا الساكتون الهوائية كم كانت اول وشوف الحين بعد ما سمحو للمحلات ببيعها كم وصل سعرها


اللي مايعرف اول كم كانت ..


كانت اول ب500 وافضل نوع 600 ريال و الحين ب2000 ريال وازود بعد !!

[الخزيمkzeem]

السلام صحيح السوق مفتوح احسن قابل للزياده والنقص
اما المحلات والله تشوف الغلا لتاخذ الدسته الماشي 200 والي عليه الكلام 350 و400 وانا اقول خل يغلا من شان ماياخذه الا راعي الصيد والولع

[SZSZ]

انت لا تقارن نفسك مع دول مجاوره الظاهر انك موفاهم شي اولا,,انت الفشق عندك ممنوووووع نهائي تجي تقول الفشق عندهم ب٩٠ ريال وحنا ٢٠٠ ريال وتتذمر احمد ربك ان فيه فشق عندك,, يجيك بطريقه غير مشروعه وراح يرتفع وبعدين مافيه قانون يصرح للفشق وشلون لمحلات الفشق جبت الكلام منين انا لا اؤيد ذلك بسبب قله الوعي والثقافه وانقراض الطيور والزواحف وراح يكون خطر عل الجميع شكرا

[ابو سفيان]

اذا فتحت محلات رح ترخص غصباً عنهم ليش
لانه لو فتح محل وباعت الفشق الدسته مثال ٣٥٠ ريال كاكا عند خوينا الي ناخذ من عنده ب ٢٠٠ ارخص من المحل ويسير المحلات تبيعه غصب عنها ب باقل من السوق السوداء يعني في بالك انت وياه ان اذا فتحت المحلات خلاص ماعاد فيه سوق سوداء

هرج تجيبونه مدري من فين تخترعوه
المهم محلات ماهي فاتحه ريحو اعماركم
ميدان رمايه سمعت بيفكون تدخل صالة الرمايه وتدفع ٢٠٠ ريال تاخذ لك بندق ودسته فشك ابو غزال ترمي بالدسته الي اخذتها وترجع البندق وتروح بيتك هذا الي سمعت عنه اذا اذا اذا فتحو لنادي ههههههه

[FJ3230]

عساهم مايفتحون المحلات ولا عز الله السلاح طاح بيد كل من هب ودب
كذا الحصول عالاسلحة وذخيرتها صعب شوي ومو اي احد يقدر يدبرها

[PATROL]

ول ول ول اشوف الشريطيه زعلانين مايبون شركات السلاح تفتح عندنا وكل هذا عشان يتلاعبون بسعر الفشق على كيفهم!!!
بالعكس ان شوف انه من المصلحه العامه فتح المحلات بشكل رسمي ولاسباب ومن ضمنها:
١-رخص سعر البيع بفارق كبير عن السوق السوداء وذلك لوجود اكثر من شركه منافسه بحيث ان الكل يريد كسب اكبر عدد من الزباين وذلك عن طريق تقديم افضل العروض الترويجيه وبإسعار تنافسيه .
٢- البيع للاشخاص المصرح لحهم وفقا للعمر القانوني وعدم بيعه لصغار السن.
٣-وجود وكاله تضمن لك السلاح في حالة تلف السلاح ووجود قطع غيار متوفره وبسعر رخيص.
وفي الختام ان شاء الله بتفتح الوكالات عندنا واذا فتحت روحوا قشروا بصل.

[مقدام الشهري]

والله معليش اذا سمح للمحلات بيع الفشق بيتنافس الوكلاء ويجيك انواع كثيره وبترخص مستحيل ترتفع الا اذا اكتفو بوكلاء محدودين

لكن لو كثرالوكلاء بترخص رخص طيب
والله يا الشريطي ما ىيلقى احد يشتري منه يضطر يسوي عروض اشتر دسته ودسته مجانا :D

لكن ما اعتقد ابد بيسمحون لهم

[هزبر بن قسوره]

عساها تنقطع او تصير الدسته 10000 ريال
يارجل وش حصلنا منها غير الإباده الجماعيه
الحمدلله انقطعت عندنا وكثرت الطيور

[الخزيمkzeem]

السلام ابشركم في هذه الحياة مافيه شي ينقطع الا عند الموت
مدام الله معافينا الحمدلله والشكر على هذه النعمه

[مكشات المدينة]

أنا اشوف لو كل واحد اقتصد في استخدام الالقفوش
من غير إسراف
او استخدم البديل لها
وهذيك الساعة كل واحد من الشريطية ينزل سعرة غصب عنه من فوق خشمة ولا يحتفض بالقفوش عندة

وجهة نظر مني ،،،

[قناص الصحرآء]

وينهم اللي يبيعون فشق لي اسبوع ادور !!!!!!!
انا مأيد فتح المحلات وبشدة

[بحرالقلزم]

سمعنا فيه نزول في الاسعار

[المتلولس]

الاسباب العام الماضي انقطع الفشق فترة وغلاء الفشق، يوم رجع الفشق وصار متوفر التجار استمرو على البيع غالي والمشكلة حنا نساعدهم على هالشي ونشري

[الخزيمkzeem]

غلا لايمكن يرجع ...............

كل شي بديرتنا غالي كل سنه بزووووود

الله يعين

[متولع البر]

فيه نزول في الاسعار واضح
قبل فتره الدسته وصلت الى اضعاف سعرها الاولي
الحين نزلت الاسعار والاغلبيه حس بهالشي
والسبب ان الناس قامت تحافظ على الفشق مو مثل اول كل طير بفشقه سواء يستاهل او لا