وأخيرا .... لقيت لباس واقي عن المطر ..

[(نجم سهيل)]

السلام عليكم ورحمة الله وبركاته

باركولي يا شباب ..

من ززززززمان وأنا أدور عن لبس واقي عن المطر .. لأنه لما نخيم بأجواءا مثل هالجو اللي عندنا هالأيام ..

أمطار وأرزاق نسأل الله الكريم من فضله .. نتوهق بملابسنا وبالرطوبة اللي مستحيل تجف مع هالخير ..

وبالصدفة رايح أمس لمحل (برق الحيا.)..أجيب بعض الأغراض ...وسألتهم وين ممكن ألقاه ..؟؟

والحمد لله اللي صار متوفر عندهم .. لقيت عندهم بالطو كااامل مع قبعة عازل عن المطر ..

لا يفوتكم يا أخوان ...

[أبو ستري]

كويس جداً

كم سعره وهل هو نفس اللي يباع في محلات أدوات البناء اللي لونه أصفر وأخضر ؟

[أبو المثنى]

عطنا له كم صورة

[عاشق الزلفي]

اللباس موجود عند المحل اللي بالركن في تقاطع الشافعي مع المية وسعره تقريبا 20 عشرون ريالا ولونه أخضر ويختلف إختلاف كلي عن ملابس العمال يشبه مثل إللي في الأفلام

[ابوعزيزm]

لو حصل صور . .

[أبو ستري]

يبه حنا من الشرقية واللي من مكان ثاني ..!!
يعني ما يفيدنا التوصيف ..

شوف لنا صور على الأقل بالجوال ..

[عشانا]

اعتقد والله العالم انه يوجد عن محلات ابو ريالين وقيمته 5 ريالات
ولكن عيبه ان الازرار الخاصة به تتقطع عند كثرة الاستعمال
وهو ياتي شفاف و بعدة الوان واحجام

[(نجم سهيل)]

آآآآآآسف يا أخــــــــوان على التأخير ..

بالنسبة للبس مثل ما سبق وقلت لكم ينفع للرحلات اللي يكون فيها مطر أو ديم .. يحفظ لكم ملابسكم من البلل ..

وبالنسبة للي أشتريته.. لبس جيشي بالطو كامل مع قبعة .. ما هو شفاف مثل ماقال بعض الأخوان .. وأزراره كبس

ومبين أنها قوية .. وطبعا ماهو خفيف بحيث يخترق الماء سطحه ..

ويوم أشتريه .. خيروني بين مجموعة كبيرة من الألوان .. وأنا أخترت الجيشي طبعا ..

وبرأيي الشخصي أنه يخددددم صاحبه .. ويفي بالغررررض ..

وقريبا أن شاء الله أنزل صورته ..

وعقبال ما أوريكم صوووورتي معه وأنا لابسه وقاعد أطق لكم ذاك المخيم بالتنهات وألا الصمان ..

[الليث]

يعطيك العافية

وما قلت لنا كم سعره