تكتيم الباترول

[ابو محمد64]

السلام عليكم:
يا اخوان انا عندي باترول 4500 موديل 99 بخاخات ماشي 980 الف ملاحظ الفتره الاخيره كان الشكمان يطلع صوت طلق نار وفيه نار مع الصوت وذي ما قلت عليها شي جاني الأسوأ الموتر فجأة يكتم ادعس بنزين اخر شي كانه مطفي ما يتحرك وصوت يكتم وفجأة صوت فرقعه من الكبوت وريحة ويرجع تمام بعدها وش السالفه لحد يقلي رح لميكانيكي لأنهم سباكين وممكن يتفلسف ع راسي وكسر ركبته ف ابي اعرف وش السبب؟

[داموك 1]

اخي الله يعطيك العافيه 980 الف كيلو مسافه ماهي ببسيطه
اتمنى لو عند الوكاله تقدير وتشجيع للعملاء ان يحتفوا بك ويمنحوك
سياره جديده تقديرا لك كعميل قديم ويستفيدو من ذلك كدعايه لسيارتهم
عند بلوغ المليون كيلو
نرجع للمشكله
اخوي تاكد من البخاخات افصل اسلاك البواجي بالتتابع والبوجي اللي مايتغير صوت المكينه لما تفصل سلكه
اغلب الظن بخاخه غير شغال طفي السياره وافصل السالب ثم افصل فيش البخاخ ورجعه واشبك اصبع البطاريه
وشغل اذا ماراحت المشكله فك البخاخ ونظفه او بدله نفس الشي حصل معي امس وراحت المشكله

[شرق المغيب]

شيك على البواجي واسلاكها
وحساس فلتر الهواء والفلتر
واذا فيه طقطقه بلوف اوزن بلوفه

[sgl2002]

شكله حساس الهواء والله واعلم

[هاوي بلادي]

شيك على البواجي واسلاكها
وحساس فلتر الهواء والفلتر
واذا فيه طقطقه بلوف اوزن بلوفه





وبالتوفيق لك

[MSAN]

أولا ماشاء الله تبارك الله.. 980 ألف كيلو هذي شبه معجزة في عالم السيارات.. الله يعطيك خيره ويكفيك شره


المشكلة عندك في الإشعال (الاحتراق) داخل المحرك وبالتالي الوقود يحترق خارج المحرك (الشكمان أو الثلاجة والفلتر)

وهي وحدة من التالي:
1- بواجي
2- أسلاك بواجي
3- كويل
4- ديلكو
5- حساس الكرنك
مافيه شي في السيارة يتدخل في الإشعال غير هذي الأشياء الخمسة..


أو ان عندك زيادة في كمية الوقود الداخلة للمحرك بشكل أكبر من ما يحتاجه والسبب هو:
1- حساس الدعسة AirMass أو MAF
2- حساس رأس المكينة (في الأمريكي.. ومنيب متأكد اذا انه موجود في النيسان أو لا)
3- حساس ضغط الهواء داخل الثلاجة MAP


بالتوفيق

[ابو محمد64]

الله يجزاك خير ونا ترا حق خطوط من المدينه للشمال للجنوب ولشرقيه و الامارات و الاردن وكذا لاكن الفتره الاخيره خلاص طاابت معي ومن بعدها الموتر فتح فمه