تكرار عطل دينمو الكهرب في سيارتي

[عبدالعزيز4]

السلام عليكم ورحمه الله وبركاته
اخواني انا عندي باترول موديل 1999 مرهم عليه مكينة لكزس 1997
المشكلة الان غيرت الدينمو لحوالي 9 مرات وكل مره اغيره يخرب بعد شهرين الي ثلاثة وعجزت اعرف المشكله انا وكم كهربائي الي قد مرت عليه المشكلة ولقى حلها او يقدر يفيدني بحل يعلمني تكفون طفشت

الموتر عليه بطارية إضافية بس الكهربائيين يقولون مالها دخل لان لها كتاوت اذا عبت تقفل والبطاريتين 80 امبير وجدد

اسف على الاطاله وشكراً لكم

[م.سعيد]

اعتقد لازم تركب دينمو اقوى يناسب التعديل عندك في السيارة..بطاريتين واضافات كهربائية على السيارة ما يتحملها الدينمو الاساسي..

[هاوي بلادي]

الذى مكينة بخاخ

حقت لكزس

اعمل فحص كمبيوتر مبدئ

واحتمال عندك ضعف في كهرباء الموتر

وان شاء الله تقدر العله كامله

وبالتوفيق لك

[ms662]

مانتب خسران لو تجرب فتره تفصل بدون البطاريه الاضافية

[يالبى الهلا]

ركب دينمو بوليسي او حق سيارة اسعاف ﻻزم 200 امبير

[عبدالعزيز4]

المشكله عندي في كل الدينموات الي احترقت وحده هي ان القبيبينه او مايسمونه البلاطه الي تطلع الكهرب تحترق
ومسأله دينمو بوليسي وحق اسعاف يركب ولا مايركب انا ماقد سمعت عنها في مكينه الكزس
والبطاريه الاضافيه دائماً مليانه ماتفضى يعني مايعبيها

[اسدهم]

انا كنت ابحث عن دينمو الاسعاف وحصلت الاسعاف دينموة شدبلد زي مواترنا بس مركبين له محولات اضافية فقط
وبنسبة الدينمو شفلطك بوليسي حق الفورد انا محصلة 1500جديد بشحمة
انشد اشيخ قوقل وهو يدبرك

[عبدالعزيز4]

دينمو الشفر يركب يعني ؟
اي موديل

[SGL]

فيه خطاء في أسلاك الكهرب
الإحتمال الثاني وهو الي أبيك تسويه ﻷنه صار معنا بس لحقنا على الدينمو قبل يودع وهو إنك تغير البطارية جرب أي بطارية مؤقتآ وشوف في فرق ترا بعض البطاريات تكون ملتمسه من داخل

[ابوراكان تبوك]

مشكلتك ان الدينمو ضعيف وعليه ضغط وهذا سبب احتراقه الاول

افصل البطاريه الثانيه كحل مؤقت

[MSAN]

لا يكون يجي عليه زيت.؟

تأكد.. الدينمو اذا جا عليه زيت يخرب


بالتوفيق