استفسار وكل يدخل ياهل الاند واليوكن والنيسان

[ابراهيم 2003]

السلام عليكم ورحمه الله وبركاته
حياكم الله يا اعضاء ومشرفين
انا حاب اخذ اسششاره في السياره العائليه ومحتار ماريكم باليوكون او التاهو الصغير او الاندكروز اونيسان ابي كل واحد منكم يعطني رايه
لاني سمعت عن التاهو واليوكون موب عملى ولاند غالى والنيسان بالمثل ابي رايكم وانا ناوي اشتري سياره بس مدري وش انا اصمل عليه وياليت تعطوني وش العذريب

[سحاب الريم]

تاهو دبل لك وللزمن سيارة عملية

[هاوي بلادي]

تاهو دبل

لك وللزمان

وعليه عرض ممتاز

وعندك في 5 رمضان

عندهم عروض حلوه

وبالتوفيق لك

[hightech]

يعتمد على طريقة استخدامك للسيارة وعدد أفراد أسرتك الله يحفظهم يعني ان كأنك رجال

سواقتك راكدة ودائم على الخطوط المزفلته وعائلتك كبيرة خلك على يوكن او تاهو وان كان

ان سواقتك فيها عفاشه وراعي بران ومطامر وكرف وعائلتك توهم صغيرين فخلك على نيسان

او لاندكروزر ،

الأندكروزر وال باترول ما عليها كلام بس معاد تنطال وفي نفس الوقت ماشوف انها تصلح

للعايلة

[يالبى الهلا]

انتظر نزول يوكون 2015 موتر تحطيييييم للياباني فخامة الامريكي في الخط ورساوة الالماني في المنعطفات ومميزات ماتحصلها باللكزس والسعر بالنسبة عال العال

[MSAN]

هلا بك..

مثل ماقالوا الاخوان.. الاستخدام هو الي يحدد.. ولو اني مكانك ماراح أفكر في الباترول أو اللاندكروزر أبو اكسسوارات صينية ودينمو دبل صيني

التاهو أو اليوكن أفضل خيار اذا انك منتب راعي بران ومطامر


بالتوفيق

[ابوراكان تبوك]

ماشاء الله عليك رصيت كل السيارات العائليه

فيه فرق
انت محدد سيارات بر وسيارات خطوط

يعتمد على استخدامك

لو انك صامل فعلا عرفت ايش تختار

ولو حددت سياره بعينها فصفصوها لك الاعضاء واعطوك كل عذاريبها

[ابراهيم 2003]

السلام عليكم ورحمه الله وبركاته
اخواني اشكركم على التفاعل وان اشاء الله صملت الفتك 4800 قيمته في السوق 160 الف وش رايكم فيه

[العابر2222]

معاي تاهو له اكثر من سنه

امسك فيه خط وبر ودوام يوميا ومشاوير يوميا

بالنسبه للاستخدام والله انه غطى على الاندكروزر مدري عن الباترول الجديد ما جربته

والدبل فيه ممتااااااز جدا وقوي ونشاط غير طبيعي
ودخلت فيه اماكن ما قدر يدخل فيها الاندكروزر

عيبه شي واحد ديكوراته الداخليه مع الكرف تقرقع

غيره ما شفت فيه عذروب

[Nasser33]

والله ان الفتك موتر جبار وعليك بالتماتيك
اريح من العادي اشتره ولاتشاور

[شاق النفد]

الفتك موتر رايق وقوي وما عليه كلام بس عليك بابو مكيفين وثلاجة

[سيف111]

الفتك موتر رايق وقوي وما عليه كلام بس عليك بابو مكيفين وثلاجة

الفتك هذا أش يطلع ؟
الشكل القديم والا الجديد؟
ممكن صوره يالربع