بيترالسروات
09/06/2014, 11:43 AM
السلام عليكم ورحمة الله وبركاته
اسعد الله أيامكم واسأل الله العلي العظيم أن يبلغنا وإياكم شهر رمضان ونحن وانتم بأحسن حال
اعتذر أولا لإخواني الذين أتحفوني بردودهم على أي سالفة اكتبها ويعلم الله ان ضيق الوقت هو ما يؤخر الرد
والمعذرة على الاخطاء الاملائية كتبت على عجل
يقول .. موقع عملي يقع قرب طريق يؤدي الى مكان للتخييم يرتاده الناس ....
وفي يوم اربعاء لا يوجد الا انا وقليل من الزملاء بالموقع اذا بسيارات فخمه تمر من جانب الموقع وهي متجهه الى البر ...
بحدسي الذي لا يخيب قلت هذا هامور او امير بيخيم في الموقع الفلاني وهو ليس بعيد عنا ....
بعدها بساعات قررت الذهاب للموقع للتأكد وبالفعل وجدت العالم مشغوله بتركيب الخيام .. وتجهيز الموقع ..
وقفت وسلمت عليهم وسالت احدهم بتخيمون هنا .. ققال أي نعم ....
قلت ما شاء الله عليكم مخيمك وشغلكم راهي قال هذا مخيم للامير ....فلان بن فلان.......
قلت أي والله اني اجيب العلم من شفت سيارتكم عرفت ان المخيم لرجال راهي ....
عرضت عليهم المساعده وشكروني وسالت متى يجي الامير ... قالوا قرب المغرب ....
قلت اذا احتجتوا ماء يا الربع موقعنا فيه موقع شركتنا فيا شيب مروني وابشروا بالخير . وبالفعل مروني وعبينا لهم ماء ..
ساعدتهم بالي اقدر عليه في نصب الخيام واستأذنت ... وقرب المغرب وانا لابس لبس العمل ..
شغلت موتري وتوجهت لهم لعلمي ان الأمير وصل .. وصلت الى المخيم ودخلت وسلمت على الامير ورحبت فيه ...
وقهوونا الربع وقالوا للامير الرجال هذا يقصدوني عبا لنا ماء وساعدنا وما قصر... وانا ارد عليهم واجب ومالي منه ...بعدها واحنا نسولف اسمع الأخوي رايحين ورادين وحسيت ان عندهم مشكلة ....
وجاء واحد وقال للامير ما اشتغل طال عمرك .....
تلقفت وقلت ابشروا بالفزعة وشو الي ما اشتغل .... قالوا الدش ما عرفناله دش التلفزيون ...
قلت ابشروا بالخير وانا اطمر.. جيت الا فيه عربة مخصصة لنوم الامير ...
وفيها شاشة كبيره والربع مادين الاسلاك ورسيفرهم اول مره اشوفه ...
حورفت يمين ويسار وحسيت اني وهقت نفسي ودقيت صدري على الفاضي ...
فكرت بسرعة وقلت انتظروني شغلت موتري ورحت لعزبتي عندي دش ورسيفر اعرفلهم زين
من كثر ما تعبثت فيها وانا اقلع الدش من جذوره وافصل الرسيفر واحمله بالموتر
واجيهم واركب دشي ورسيفري ودقائق الا قناة العربية تبرق برق استأنسوا الربع ...
ورجعنا للأمير وقالوا له السالفة وللأمانة كان شاب ولكن في قمة التواضع شكرني ..
و قلت لهم خلوه عندكم وانتم شادين مروني فيه وإلا جعله فدا ......
بعده وبعد صلاة الأخير كلمت الأمير وقلت انأ والله ما جيت الا اقوم بواجبكم وطلبته هو وخوياه في عشاء او غدا ..
اعتذر وعزموا علي بالعشاء ولكني اعتذرت .. قال الامير مرنا بكرة لي فيك عازه اذا ما نكلف عليك ...
قلت ابشر ... اليوم الثاني عصرية مريتهم ورحبوا فيني وتقهويت مع سموه ..
وبعدها اخذ بيدي ورحنا نتمشى ويسال عن الديار والفياض والإعشاب الموجودة وأخوكم أبدوي ...
ولد بر وخبير وارد عليه واعلمه ... استانس وعزم علي بالعشاء ولكني اعتذرت لارتباطي بالدوام وهو يبعد عنهم فوق الاربعين كيلو بر ....
يوم الجمعة وانا في دوامي اشوف مواترهم ناصيتنا في الشركة ...
مروا علي وعطوني جراكل عبيتها لهم ماء ورسيفري ودشي .. وكرت للأمير وقالوا الأمير عازمك يوم
الأحد القادم في قصره ويحلف عليك الا ان تجيه ......
بعد الاستخارة رحت يم الرياض وحست حوس حتى وصلت لقصره ... قلطنا وكان فيه ناس كثير ...
وعشونا الربع عشاء طيب ويوم قربت الساعة إحدى عشر وعليها قلت لواحد من الاخويا ودي استأذن من
طويل العمر لان وراي دوام اخر ليل ......خبرواه شوي الا يوم جاني الامير وعزم علي
بالنوم عندهم لكني اعتذرت واخذ بيدي الى باب القصر ...
ويقول بيض الله وجهك على ضيافتك لنا وما قصرت وانأ أقوله واجب ومن هذا الكلام الطيب ...
وشوي الا طلع هاك الظرف وحاول يدخله في جيبي وقاومت ولكن الرجال حالف ويقول اعذرنا ..
وانت عرفت محلي وترانا اذا نوينا طلعة مرة ثانية تراك بتخاوينا ..قلت فكني من السوبر فايزر وابشر لو تبي
على طول .... خرجت من القصر العامر ولا اخفيكم فيني اعجله ابي اشوف وشوا في الظرف ..
لكني سويت نفسي ثقيل في حوش الامير ...ومع اول لفة يمين وافتح الظرف الا هو شيك وليس بظرف ومبلغ
عشرون الف ريال .......................
انتهت
وصل الله وسلم على سيدنا محمد وعلى اله وصحبه اجمعين
.
اسعد الله أيامكم واسأل الله العلي العظيم أن يبلغنا وإياكم شهر رمضان ونحن وانتم بأحسن حال
اعتذر أولا لإخواني الذين أتحفوني بردودهم على أي سالفة اكتبها ويعلم الله ان ضيق الوقت هو ما يؤخر الرد
والمعذرة على الاخطاء الاملائية كتبت على عجل
يقول .. موقع عملي يقع قرب طريق يؤدي الى مكان للتخييم يرتاده الناس ....
وفي يوم اربعاء لا يوجد الا انا وقليل من الزملاء بالموقع اذا بسيارات فخمه تمر من جانب الموقع وهي متجهه الى البر ...
بحدسي الذي لا يخيب قلت هذا هامور او امير بيخيم في الموقع الفلاني وهو ليس بعيد عنا ....
بعدها بساعات قررت الذهاب للموقع للتأكد وبالفعل وجدت العالم مشغوله بتركيب الخيام .. وتجهيز الموقع ..
وقفت وسلمت عليهم وسالت احدهم بتخيمون هنا .. ققال أي نعم ....
قلت ما شاء الله عليكم مخيمك وشغلكم راهي قال هذا مخيم للامير ....فلان بن فلان.......
قلت أي والله اني اجيب العلم من شفت سيارتكم عرفت ان المخيم لرجال راهي ....
عرضت عليهم المساعده وشكروني وسالت متى يجي الامير ... قالوا قرب المغرب ....
قلت اذا احتجتوا ماء يا الربع موقعنا فيه موقع شركتنا فيا شيب مروني وابشروا بالخير . وبالفعل مروني وعبينا لهم ماء ..
ساعدتهم بالي اقدر عليه في نصب الخيام واستأذنت ... وقرب المغرب وانا لابس لبس العمل ..
شغلت موتري وتوجهت لهم لعلمي ان الأمير وصل .. وصلت الى المخيم ودخلت وسلمت على الامير ورحبت فيه ...
وقهوونا الربع وقالوا للامير الرجال هذا يقصدوني عبا لنا ماء وساعدنا وما قصر... وانا ارد عليهم واجب ومالي منه ...بعدها واحنا نسولف اسمع الأخوي رايحين ورادين وحسيت ان عندهم مشكلة ....
وجاء واحد وقال للامير ما اشتغل طال عمرك .....
تلقفت وقلت ابشروا بالفزعة وشو الي ما اشتغل .... قالوا الدش ما عرفناله دش التلفزيون ...
قلت ابشروا بالخير وانا اطمر.. جيت الا فيه عربة مخصصة لنوم الامير ...
وفيها شاشة كبيره والربع مادين الاسلاك ورسيفرهم اول مره اشوفه ...
حورفت يمين ويسار وحسيت اني وهقت نفسي ودقيت صدري على الفاضي ...
فكرت بسرعة وقلت انتظروني شغلت موتري ورحت لعزبتي عندي دش ورسيفر اعرفلهم زين
من كثر ما تعبثت فيها وانا اقلع الدش من جذوره وافصل الرسيفر واحمله بالموتر
واجيهم واركب دشي ورسيفري ودقائق الا قناة العربية تبرق برق استأنسوا الربع ...
ورجعنا للأمير وقالوا له السالفة وللأمانة كان شاب ولكن في قمة التواضع شكرني ..
و قلت لهم خلوه عندكم وانتم شادين مروني فيه وإلا جعله فدا ......
بعده وبعد صلاة الأخير كلمت الأمير وقلت انأ والله ما جيت الا اقوم بواجبكم وطلبته هو وخوياه في عشاء او غدا ..
اعتذر وعزموا علي بالعشاء ولكني اعتذرت .. قال الامير مرنا بكرة لي فيك عازه اذا ما نكلف عليك ...
قلت ابشر ... اليوم الثاني عصرية مريتهم ورحبوا فيني وتقهويت مع سموه ..
وبعدها اخذ بيدي ورحنا نتمشى ويسال عن الديار والفياض والإعشاب الموجودة وأخوكم أبدوي ...
ولد بر وخبير وارد عليه واعلمه ... استانس وعزم علي بالعشاء ولكني اعتذرت لارتباطي بالدوام وهو يبعد عنهم فوق الاربعين كيلو بر ....
يوم الجمعة وانا في دوامي اشوف مواترهم ناصيتنا في الشركة ...
مروا علي وعطوني جراكل عبيتها لهم ماء ورسيفري ودشي .. وكرت للأمير وقالوا الأمير عازمك يوم
الأحد القادم في قصره ويحلف عليك الا ان تجيه ......
بعد الاستخارة رحت يم الرياض وحست حوس حتى وصلت لقصره ... قلطنا وكان فيه ناس كثير ...
وعشونا الربع عشاء طيب ويوم قربت الساعة إحدى عشر وعليها قلت لواحد من الاخويا ودي استأذن من
طويل العمر لان وراي دوام اخر ليل ......خبرواه شوي الا يوم جاني الامير وعزم علي
بالنوم عندهم لكني اعتذرت واخذ بيدي الى باب القصر ...
ويقول بيض الله وجهك على ضيافتك لنا وما قصرت وانأ أقوله واجب ومن هذا الكلام الطيب ...
وشوي الا طلع هاك الظرف وحاول يدخله في جيبي وقاومت ولكن الرجال حالف ويقول اعذرنا ..
وانت عرفت محلي وترانا اذا نوينا طلعة مرة ثانية تراك بتخاوينا ..قلت فكني من السوبر فايزر وابشر لو تبي
على طول .... خرجت من القصر العامر ولا اخفيكم فيني اعجله ابي اشوف وشوا في الظرف ..
لكني سويت نفسي ثقيل في حوش الامير ...ومع اول لفة يمين وافتح الظرف الا هو شيك وليس بظرف ومبلغ
عشرون الف ريال .......................
انتهت
وصل الله وسلم على سيدنا محمد وعلى اله وصحبه اجمعين
.