الفزعه يا اخوان. بخصوص كشاف مح لايت لا احد يبخل علينا

[المحترف ابو ا]

السلام عليكم ورحمة الله وبركاته


عندي استفسار بخصوص كشاف مج لايت

فيه البطاريه حقته شحن ويبدوا انها خربانه ما عاد تشحن
اذا فيه احد يقدر يفيدنا وين نلقا قطع غيار
البطاريه
الشاحن
اللنمبة

الصراحة الكشاف بطل غني عن التعريف
يعمل تحت جميع الظروف

ارجوااا. المساعده من الاخوه الاعضاء في الحصول على القطع ولكممني جزيل الشكر

[الصخرة]

اللي يجيبه المصباح أسألهم

[الهواوي_1]

المصباح فرع المعيقليه....عندهم صيانه

[عرنان الشمال]

فعلاً وكيله (( المصباح )) وموقعهم بأسواق المعيقليه بالرياض

[اصيل نجد]

وفيه محل كبير مره خلف بنك الرياض بشارع عمر المختار انت متجه شرق لصرت باول شارع عمر المختار وحقين الكفرات خلفك يجي بنك الرياض يمينك هو خلف البنك تشوف لوحته كبيره اللى عنده كله كشافات مج لايت بانواعها ومقاساتها بس بالنسبه لقطع الغيار ماني متاكد اذا كان لك مرور للشارع هذاك مر عليه او رح للمضمون اللي وصفولك الجماعه

[نقا الحوميات]

مثل ماقالوا الشباب .... المصباح بالمعيقلية البرج اللي فيه عطورات ومواد تجميل .....

انا عندي واحد .. لكن بعد الكشافات الصينيه شمعة لد .. ... طاح كرت الماق لايت .. ولا افكر انقله معي .
اول شي ان نوره اصفر ..
ثاني شي يصرف بطارية وبطاريته سعرها 140 ريال
ثالث شي عجراء كبيير وثقيل ..
راح وقتــــه وراح زمانــــــه ..
اول مانزل السوق فرحنا به لان ماكان فيه الاهــــو .... عام 1417هـ عند وكيله الاول بعماير الراجحي .....
سعر البطارية اللي بتشريها من المصباح اشتر به كشاف جديد افضل لك .

[المحترف ابو ا]

شكر الله لكم جميعا على ما قدمتم من الاجابات

وكلامك صحيح اخي انه بعد ظهور كشافات اللد طاح كرته
ولاكن لا تنسى ان الجوده تبقى حتى لو ظهر البديل

اكرر شكري لكم