مشكله في البنلي فينشي لا اعرف لها حل

[راعي الحمره]

السلام علكم ورحمة الله وبركاته

شباب عندي مشكلة في شوزني وحاولت طرق عديدة لحلها ولكن بلا نتيجة مثل تنظيفها و تزيتها بزيت خفيف , هذا الفيديو للتوضيح


https://www.youtube.com/watch?v=64xeaQ2FF2o&noredirect=1#!!

[عشقي دحروج]

وعليكم السلام ورحمة الله وبركاته

طيب غير الفشق وجرب يمكن يكون نوعه ردي

[ابو محمد 50]

المشكله مع كل الفشق ولا نوع واحد

[benelli11]

غير الفشق الى 36/6 وجرب
وحط بالسان من جوا لحسه فازلين وجرب

[راعي الحمره]

الله يجزاكم خير على الردود يا اخواني , وانا جربت تغيير الفشق بس المشكله مع كل الفشق وجربت تنظيف اللسان وضربته بوليش خاص للحديد والستيل وصار ناعم ولكن بدون فايده .

عندي استنتاج واحد بس وبشاوكم فيه هل تظنون ان السبرنق الخاص في تدوير الاقسام صار ضعيف ؟ ويجب تبديله ؟

[ابوس11م]

اذا ترمي في عيار 32 جرام وتشكل فيها عيب اعتقد مثل ماتفضلت السبرنق يجوز فيه مشكله جرب بدل السبرنق اذا مانفع بدل الاقسام كامله يجوز فيها عيب مصنعي بالخراطه

[راعي الحمره]

ابوس11م

حياك الله يا خوي , البندق عندي من 2010 ولا واجهت منها هذي المشكله الا شهر 4 الي طاف

[الفيصلْ]

اخوي تأكد ان اللسان يرفع الفشق بصوره سليمه لبيت النار اتوقع منه يمكن ضعيف مايرفع الفشق بطريقه صحيحه

[نديم الخيال]

مشكلتك بسيطه يالغالي
غير سبرنق المخزن لانه خلاص نام ولاعاد يدفع الفشق بشكل قوي
ايضآ عندك سبرنق اللسان الي تحصله اذا فكيت مجموعة الزناد على الجنب داخل بخابور صغير قد يكون ارتخى وصار دفع اللسان ضعيف
اول شي غير سبرنق المخزن ون ماضبطت غير السبرنق الصغير ب 150 تحصله هو والخابور الي فيه ترى يمكن الخابور منعفط ان كنت ترمي بضغوط عاليه

مشكلتك بالنقطتين هذي
سو الي قلت لك ورد لي خبر لاهنت ون كانك بالرياض راسلني خاص

[مجنـ قطا ــون]

وعليكم السلام ورحمة الله

أخوي قبل لأفيدك عندي كم سؤال...

الشوزن تقريبا كم رمت صندوق وهل السلاح تزيته بأستمرار

جاوبني وانشاءالله أبعطيك مشكلتها

[ابن كديميس]

وعليكم السلام
الخلل هذا من مجموعة الزناد شيك على اللسان وشيك على السبرنق الخلفي لترباس
وهذا اغلب مايحصل بالبنلي

[الوسم]

السلام عليكم 000
كم مررة نظفتها من بداية الإستخدام ومتى بدأت التنظيف ؟؟
هل أجريت أي تعديلات عليها من أي ناحيه وكم إستمر التعديل وهل كنت تنظفها أثناء التعديل وهل أزلت التعديل منها أم هو باق حتى الآن ؟؟؟
ما هي كيفية التنظيف !! بالفك الكامل أم التزييت مثل البخاخات وغيره فقط بدون فك أو الفك جزئي ؟؟
بعد ما تجاوب بإذن الله أفيدك ماهي المشكله 00

[بدر الظفيري]

صارت معاي بالستوقر ٢٠٠٠ وفيكتها وطبقتها عدل وظبطت

واشك والله العالم انه من السبرنق اللي يدخل بالمخزن حق المسطره

[راعي الحمره]

شباب الله يجزاكم خير جميعاً على الردود الطيبة شرواكم وما قصرتوا ، امس وديتها لمحل الصياد وفحصها قالي البندق مافيها شي بس مشكلتك مع الزيت وفشق ليبرو اليوناني ، كنت انظفها ب W
D40 وقالي هذا ما ينفع للتنظيف وزيتها اما بزيت ثقيل او زيت خفيف لمكائن الخياطه .

اليوم انشالله بزيتها بزيت خاص للسلاح وبجرف فشق نوبل سبورت وانشالله اعطيكم النتيجة بأقرب وقت وشاكرلكم جميعاً

[الوسم]

ننتظرك يا راعي الحمرة ؟؟؟

[أبوصالح9]

حتى لو زانت معك يمكن ترجع مشكلتها - البلا عندك بمجموعة الزناد - السبرنق