طارة الباترول ثقيلة

[ابو محمد64]

السلام عليكم :

يا اخوان الباترول م99 طارته ثقيله وغيرت علبه جديده وبرضها وذا دعسة بنزين وهي واقفه تخف وكل ما زدت دعستي خفت وسارت ريشه وش السواه؟؟

[هم الشمالي]

هاذا الثقل من الدوده حقت الدرقسون خربانه

[ابو محمد64]

بس لما ادعس بنزين تخف

[هم الشمالي]

بس لما ادعس بنزين تخف

الدوده اذا خربت تسوي كذا كل ماتدعس بنزين تخف واذا رفعت رجلك عن البنزين ترجع ثقيله

[ابو محمد64]

الله يستر عليك مشكور

[شرق المغيب]

اذا انت مغير مستعمل الاكثر تحصلها ياباني يعني مغيره في الموتر السابق ماهي وكاله وتسوي صوت وثقل
شيك على الدوده وتأكد من سلامتها ..

ملاحضة : بعض الاشخاص يغيرون مواصير العلبه النحاس بلي هوز

انا جربتها الاهواز بدال الموصير وصارت تطلع صوت وخاصه لاصار الموتر واقف

اضف اليها ثقل في الطارة

[SGL]

أخوي أبو محمد جرب الطريقة هذي وإن شاء الله يضبط
أرفع الموتر من الأمام خلي كفراته الأماميه باالهوا وبعدين عبي علبة الزيت فل وضروري يكون معك أحد تخليه يشغل الموتر ويلف الطاره يمين ويسار الى أخر شي عاد إنت خذ معك مفك مقاس 10 أو 8 وروح عند الدودة راح تحصل مسمار صغير حق تنسيم نفس مسمار تنسيم الفرامل الي في الكليبر المهم تخلي خويك يلف الطاره يسار أخر شي ويوقف وإنت بسرعة تحل في هذا المسمار وترجع تربطه بعدين تخليه يلف يمين أخر شي ويوقف وإنت تحل المسمار شوي وتربطه إلين تشوف الزيت يطلع من هذا المسمار بقوه وبدون هوا أو أي شي كررها 4 أو 6 مرات بس ﻻزم بعد كم محاوله تطفي الموتر وتروح تزيد الزيت وتكمل شغلك وإنتبه تفك غطى العلبه والموتر شغال وبعد ماتخلص خذلك مشوار كم لفه وإن شاء الله يضبط

[أحمد محمد1429]

أخوي معه 98 وغير العلبه ولا نفع وغير الدوده ولا نفع قلتله إذا كان عندك اديتر للدركسون غيره أجل

[احساس مجهوول]

طريقة الاخ sgl ممتازة
يمكن معبية هواء لكن جرب الطريقة

[ابو فهد...]

فيه الشخال داخل احد اليات يصير منسد فكه ونظفه

[بدوي666]

انا عندي نفس المشكله بس تدوس بنزيم ااو ماتدوس ثقيله
وديتهاا عند واحد قالي االعليه ضعيفه
ف هل كلامو صحيح

[أحمد محمد1429]

انا عندي نفس المشكله بس تدوس بنزيم ااو ماتدوس ثقيله
وديتهاا عند واحد قالي االعليه ضعيفه
ف هل كلامو صحيح

قله غيرها على حسابك ولك 200 زود على قيمتها وشغلك

[بدوي666]

يعني المشكله مو من العلبه

[يآسر]

اذكر كانت عندي مشكله كذا قبل فترة طويلة باحدى السيارات وبعد عناء اكتشفت احد السيور ممسوح ومختفيه سنته وللمعلوميه مالى بالشغله حبيت انقل تجربتي وشكرا

[super_safari]

و عليكم السلام


أبو محمد.. ثقل الدركسون مع سماع حنة الطرمبة يعني عدم انسياب الزيت من الطرمبة إلى الدودة. و لهذا أسباب:
* وجود هواء في دورة الزيت , و التنسيم سهل.
* الزيت ناقص عن الحد الأدنى (min). كما أخذر من زيادته فوق الحد الأقصى (max). و ضرر الزيادة أكثر من ضرر النقصان.
* شفرات الطرمبة انتهى عمرها و تآكلت. كل شيء له عمر افتراضي. هنا ليس لك إلا التوضيب , و لا أنصح أبدًا بالمستعمل. و الموضب يمشيك 4 سنوات على الأقل إن شاء الله. و الشيء مجرب.
في مراكز الهيدروليك الكبيرة , التوضيب الكامل يشمل:

القلب , السلندر , الشفرات , طقم إصلاح
و عليك تشري علبة زيت بس.
هذا شكل الطرمبة إذا انفك غطاها:

http://imagizer.imageshack.us/v2/xq90/689/steeringpumpcamringroto.jpg

http://imagizer.imageshack.us/v2/xq90/163/steeringpump6camringand.jpg

و هنا الأجزاء مفككة:
http://imagizer.imageshack.us/v2/xq90/834/steeringpumpinnerparts.jpg

القلب يدور بفعل دوران السير , و على محيطه تجد الشفرات عمودية عليه.
لاحظ الشفرات , هذي عي الي تدفع الزيت إلى الدودة. و عندما تتآكل عي و السلندر (القطعة البيضاوية التي حولها) يصير تبويش و ما يندفع الزيت , و بالتالي عدم وجود قوة تساعد السائق على تحريك الدودة.

هذا توضيح عملها باختصار. و بعد هذا أقول:
إذا كان ثقل الدركسون بدون صوت الحنة فهذا من الدودة.
و إذا مع الصوت فالمشكلة من الطرمبة. و للمعلومية سبب الصوت هو: احتكاك الشفرات بالسلندر.
حبيت أشرح طريقة عملها لكي يُفهم معنى هذا الصوت.

[ابو محمد64]

جزاكم الله خير والاخ سوبر سفاري ما قصر الله يعطيه العافيه