مشكله المكيف يحتر في الزحمات

[الهدد الاشهب]

السلام عليكم ورحمه الله وبركاته
عندي مشكله في جيب لاندكروزر جكس 2007 بالمكيف هالايام في الظهر وانا امشي زي الحلاوه و الحراره على الربع ماترتفع ملي واحد لكن من يوم اوقف او اطب بزحمات يقلب المكيف صحراوي و الحراره تصير تحت النص بشوي مع اني معبي فريون اصلي honeywell 134a
و مغير كلتش المروحه قريب جديد اصلي
و مروحه المكيف اللي ورا الشبك تشتغل

وش المشكله منه يا اخوان ؟

[sulaiman.fj40]

لو كنت مكانك اثبت المروحه بالصيف وإذا جامعة الشتا ارجع كلتش المروحه- حرارة هذا الصيف لاتطاق كفانا الله وإياكم نار جهنم-

[sulaiman.fj40]

صحيح - وإذا جاء الشتاء-

[عميد آسيا]

هل السيارة إذا كانت واقفة لكن في غير زحمة يكون التبريد طبيعي؟
الشيء الثاني هل البراد يقطع مرة وحدة إذا شلت رجلك عن الدعسة ؟
لإن بعض الأحيان براد المكيف ما يزبط إلا بالمشي أو إذا دعست و تكون المشكلة نقص فريون أو ضعف في الكمبروسر

نصيحة لا تثبت المروحة عزم السيارة بيقل و صرفية البنزين تزيد لكن تأكد من صلاحية الرديتر و الماء و لا تنسى تنظف شبك أو زعانف رديتر المكيف يعني تشيل الغبار و العاوئق اللي عليه لإنها تعيق مرور الهواء لرديتر المكينة و إذا تشتكي من الحرارة ركب مروحة اضافية

[هم الشمالي]

المكيف يقلب حار لأن الحراره معاك ترتفع اضبط الحراره وإن شاء الله يرجع المكيف يبرد
وأول شي شيك عليه الرديتر هل هو سليم مافيه تهريب مويه وغطاء الرديتر اذا كان فيه تنسيم يسبب بعد ارتفاع بالحراره وشيك على تماتيك المروحه

[جني صغير]

سؤال لما توقف الكمبورسر يقول شغال ولا طافي

طيب اذا دعست بانزين وانت واقف يتغير تبريده وتحس انه يبرد او لا

[ms662]

افي الزحمه الازفلت تحتك نار
والسياره الي قدامك تنفخ نار ومراوحك تشفطه
غير حراره الجو نفسه
رايي انك تاخذ بسيارتك مشوار ثمن توقفها الظهر في شمس والمكيف شغال وشف هل تجيها الحاله الي تجيها في الزحمه او لا

[أبوساري 99]

قد صار معي نفس المشكله وتضح انه من البلف حق التعبئة الفريون شيك عليه لعلى وعسى

[ابوراكان تبوك]

قد صار معي نفس المشكله وتضح انه من البلف حق التعبئة الفريون شيك عليه لعلى وعسى








:good2::good2::good2::good2:

صحيح اتفق معك في هذا الكلام

وترا مكيف اللاند اذا كان مظبوط تبريده قوي حتى على اقل درجه وهو واقف

فيه شيء ثاني سببه حساس الدعسه حق المكيف اللي يرفع صوت السياره اذا اشتغلت اذا مايرتفع صوت المحرك والسياره واقفه اثناء تشغيل المكيف فممكن تحتاج وزن للحساس بالعاده يكون مؤشر rpm على اخر شرطيتن قبل 1


فيه سبب ثاني ضعف الكمبرسور
ابيك اذا مسكت خط على سرعه 100 والمكيف شغال تشغل الثلاجه اذا خف التبريد معناه ياضعف الكمبروسر او بلوف الفريون مسكره تحتاج تنظيف

سبب اخر
الثلاجه اللي تحت الدرج ممكن تحتاج تنظيف

واحتمال مروحه المكيف اللي خلف الشبك ماهي شغاله ودائما تخرب من مشبك الفيش انت شغل المكيف وراقبها تراها تشتغل حدود 5 ثواني وتفصل مو على طول شغاله

الكهربائي الجيد يقدر يحدد السبب بمجرد نظره الى علبه الفريون اللي خلف الشبك جهه اليسار فوق الماسوره قزازه دائرية تشبه اللي تجي ع البطاريات يقدر من خلالها الكهربائي ملاحظة شكل الفريون اثناء اندفاعه في المواسير اذا كان قوي معناه البلوف عندك تمام واذا ضعيف اكيد فيه خلل يا من البلف اللي في العلبه او غيره
وفي نظام مكيف اللاند 4 بلوف
واحد للعبله اللي وراء الشبك والثاني عند الثلاجه تحت الطبلون والثالث في الثلاجه بالوسط والرابع حق المكيف الخلفي
غير كذا ما اظن فيه اي سبب آخر الا نقص الفريون خلي الكهربائي يركب الساعه وانت واقف معه لازم يعطيه الفريون من 35 الى 40psi بعض ناس يعبوه الى 60 وهذا يفجر صوفه الكمبرسر الداخلية

[الهدد الاشهب]

اشكر كل من شارك بدون استثناء
دورة الماء جميعها مشيك عليها توني شاري الموتر ونافضه خراطيش غطاء رديتر بلف مويه تويوتا والباقي مقطر و كلتش مروحه
والفريون انا واقف على راسه وهو يعبيه حطه على 35 قلت له ليه ماتخليه 40 قال بس على مسؤوليتك لان ضغط الكمبرسر عندك ضعيف قلت اجل خله على ماتشوفه مناسب و كان يشوف عدسه قدام رديتر المكيف يقول ناظر خلاص فل وانا اهز راسي مدري والله وش ذا العدسه مكانها وانت مواجه الموتر وفاتح الكبوت طل ورا الشبك تلقى على اليمين شيء زي العين السحريه حقت بيبان الشقق يقول ذي حقت الفريون ؟

الشيء الثاني نسيت اذكره بالموضوع الكمبرسر فيه صوت خفيف ( قرررررررررررر ) مستمر لين يفصل واذا شبك ثانيه نفس الحاله ( قرررررررر )

والار بي ام ممتاز على وصفك يابو راكان شرطتين تحت 1

اما الثلاجه اشغلها على الماكس و اطق مكيف مالاحظت عليها شيء بس قبل لا اعبي فريون يوم كان ناقص ما اقدر اشغل الثلاجه و المكيف سوا اذا شغلتهن جميع احتر المكيف بس يوم عبيت فريون اشغلهن جميع عادي بس لازم احطها هاي عشان تبريد العصيرات والمويه و تطوول انا خابر معي 2002 قبل ذا ثلاجته ماشاء الله فريزر و مكيفه يطق اصبع للسبلت مايعرف زحمه ولا خط

[اليامي قطر]

طبيعي طبيعي طبيعي

لايصدع راسك من كثر التصليحات

عندي اخووه وموترين بعد نفس الشي

بالزحمه يقلب صحراوي وبالخط يثلج

والحمدلله ماشي على هالحال ولافيه احلى منه

لاتصلح حاجه ولاتخسر خساير على الفاضي

[الهدد الاشهب]

طبيعي طبيعي طبيعي

لايصدع راسك من كثر التصليحات

عندي اخووه وموترين بعد نفس الشي

بالزحمه يقلب صحراوي وبالخط يثلج

والحمدلله ماشي على هالحال ولافيه احلى منه

لاتصلح حاجه ولاتخسر خساير على الفاضي

ياولد عمي ماني جديد على اللاند اخبر مكيفه زين على زين ماشاء الله ثلاججه
بس المشكله هاللحين انه يطول وهو محتر يعني شيء ماهوب معقول لو هي دقيقه او نص دقيقه نقول ماشي بس ياخذ له ربع ساعه او ثلث ساعه المكيف حار لين امشي مسافه دعسه وحده يبدأ يبرد

[الهدد الاشهب]

قد صار معي نفس المشكله وتضح انه من البلف حق التعبئة الفريون شيك عليه لعلى وعسى


ابو ساري وين مكان البلف الله يحفظك كنت براسلك على الخاص لكن مشاركاتي ماتسمح

[سقم المعادي 1]

شد السير و ماتشوف شر ان شاء الله

[sgl2002]

لاتخسر نفسك يالحبيب


عندنا لاندكروزر وعندي باترول


لاوقفت وطولت بالزحمات يضعف تبريد المكيف

لان مروحته على السير ماهي كهربائية

[الهدد الاشهب]

لاتخسر نفسك يالحبيب


عندنا لاندكروزر وعندي باترول


لاوقفت وطولت بالزحمات يضعف تبريد المكيف

لان مروحته على السير ماهي كهربائية

وانا اخوك عارف ان الموتر مروحته على السير ولا هي اول مره يجي معي كروزر الحاصل ان المكيف يبتل حار ياخذ حول 20 دقيقه و ربما اكثر و اللي عبا لي الفريون قال عندك ضعف كمبرسر
و رحت مغسله و فتحت له الكبوت خليته يرش بالمرش دفع قوي على رديتر المكيف كان مليان حشرات قلت عساه يتحسن ونفس الشيء ولا هين عارف ان الموتر اللي مراوحه كهرب مايفرق زحمه او خط لكن مهما كان المراوح اللي على السير مهيب لهالدرجه تاخذ اكثر من 20 دقيقه و المكيف ( حاااار ) مهب بروده خفيفه لا هواء و حارر هذا الشيء مستحيل يكون طبيعي مجرب الكروزر اكثر من 8 سنوات وهذا ثاني واحد اشتريه يعني ابخص بمكيفه زين والامر ذا متاكد انه مهب طبيعي لكن وش البلا مدري تخبر دورة التكييف لو تنفضها بتاكل مبلغ وقدره و ماودي اتسرع لعلها مسأله بسيطه و تساعدوني بها

[الهدد الاشهب]

صوت الكمبرسر

-HMjGdpjvmE


http://youtu.be/-HMjGdpjvmE

[اليامي قطر]

يالهدد الاشهب الظاهر ان الموتر يحتاج كمبرسر جديد

وتنظيف دوره المكيف كاامله لكن فيه حاجه بسيطه ماتكلف 15 ريال

موتري اللي بالتوقيع احتر مكيفه فجأه والكمبرسر جديد

رحت لواحد كهربائي وغير قطعه صغيره كأنها نص ريال داخل الكمبرسر

والحمدلله برد المكيف

جربها يمكن يتحسن الموتر ان شاءلله

[hail_ksa]

لاتخسر نفسك يالحبيب


عندنا لاندكروزر وعندي باترول


لاوقفت وطولت بالزحمات يضعف تبريد المكيف

لان مروحته على السير ماهي كهربائية

الباترول فيه قطعه بالركن يسار الكبليتر هي المسئوله عن التبريد
إذا كان اللي (الهوز) اللي يوصل بينها وبين الكبليتر مفصول فما يبرد المكيف والموتر واقف لكن التبريد ممتاز مع الممشى .. وإذا كانت عطلانه القطعه مايبرد المكيف مع الوقوف
التويوتا ماعندي به خبره لكن يمكن في تشابه بينه وبين النيسان

[الهدد الاشهب]

يالهدد الاشهب الظاهر ان الموتر يحتاج كمبرسر جديد

وتنظيف دوره المكيف كاامله لكن فيه حاجه بسيطه ماتكلف 15 ريال

موتري اللي بالتوقيع احتر مكيفه فجأه والكمبرسر جديد

رحت لواحد كهربائي وغير قطعه صغيره كأنها نص ريال داخل الكمبرسر

والحمدلله برد المكيف

جربها يمكن يتحسن الموتر ان شاءلله

اتوقع انك تقصد رمان ؟

http://img.montada.haraj.com.sa.s3-website-eu-west-1.amazonaws.com/imgdir-s3/5311a5d6c14a2.png

مكانه خلف الكلتش صحيح ؟ لاني اتوقع الصوت من الرمان بس مدري هل يسبب ضعف او لا

[sgl2002]

وانا اخوك عارف ان الموتر مروحته على السير ولا هي اول مره يجي معي كروزر الحاصل ان المكيف يبتل حار ياخذ حول 20 دقيقه و ربما اكثر و اللي عبا لي الفريون قال عندك ضعف كمبرسر
و رحت مغسله و فتحت له الكبوت خليته يرش بالمرش دفع قوي على رديتر المكيف كان مليان حشرات قلت عساه يتحسن ونفس الشيء ولا هين عارف ان الموتر اللي مراوحه كهرب مايفرق زحمه او خط لكن مهما كان المراوح اللي على السير مهيب لهالدرجه تاخذ اكثر من 20 دقيقه و المكيف ( حاااار ) مهب بروده خفيفه لا هواء و حارر هذا الشيء مستحيل يكون طبيعي مجرب الكروزر اكثر من 8 سنوات وهذا ثاني واحد اشتريه يعني ابخص بمكيفه زين والامر ذا متاكد انه مهب طبيعي لكن وش البلا مدري تخبر دورة التكييف لو تنفضها بتاكل مبلغ وقدره و ماودي اتسرع لعلها مسأله بسيطه و تساعدوني بها



لا صار الوضع كذا يطلع هوا حار تسن المكيف طافي ويبطي لا اجل به مشكله

انا احسبك تقصد يضعف التبريد لان اللي كنت اقصده انه يضعف التبريد مره بس مايوصل لدرجة الهواء حار مره


دام عندك ضعف بالكمبروسر فهو اللي يسبب المشكله لان تلقى ضغطه ضعيف ولايقوى الا مع المشي

[الهدد الاشهب]

الباترول فيه قطعه بالركن يسار الكبليتر هي المسئوله عن التبريد
إذا كان اللي (الهوز) اللي يوصل بينها وبين الكبليتر مفصول فما يبرد المكيف والموتر واقف لكن التبريد ممتاز مع الممشى .. وإذا كانت عطلانه القطعه مايبرد المكيف مع الوقوف
التويوتا ماعندي به خبره لكن يمكن في تشابه بينه وبين النيسان

الله يعطيك العافيه و ان شاء الله يستفيد اخونا sgl2002

[sgl2002]

الباترول فيه قطعه بالركن يسار الكبليتر هي المسئوله عن التبريد
إذا كان اللي (الهوز) اللي يوصل بينها وبين الكبليتر مفصول فما يبرد المكيف والموتر واقف لكن التبريد ممتاز مع الممشى .. وإذا كانت عطلانه القطعه مايبرد المكيف مع الوقوف
التويوتا ماعندي به خبره لكن يمكن في تشابه بينه وبين النيسان

الظاهر انك تقصد الهوز اللي يخلي ضغط المكينه يرتفع

انا موتري بخاخ والمشكله نفس جيوب استخدمتها اول منها شاص 2010
لا طولت واقف والحراره من 40 وفوق يضعف التبريد


الا الددسن الكلبريتر لو اوقف السنه كلها ما تحتر ولا يضعف المكيف

[الهدد الاشهب]

لا صار الوضع كذا يطلع هوا حار تسن المكيف طافي ويبطي لا اجل به مشكله

انا احسبك تقصد يضعف التبريد لان اللي كنت اقصده انه يضعف التبريد مره بس مايوصل لدرجة الهواء حار مره


دام عندك ضعف بالكمبروسر فهو اللي يسبب المشكله لان تلقى ضغطه ضعيف ولايقوى الا مع المشي

الله ينور عليك
انا استعجلت بكتابه الموضوع كنت ناشب بالزحمه والمكيف محتر و ماوضحت كل شيء الخطأ خطأي
لكن شف الفيديو اللي انا حاطه صوت الكمبرسر مزعج و عالي ( قرررر ) بشكل مستمر واذا فصل سكت طبعاً
هل للصوت علاقه بالضعف تهقى ؟ يعني افك الكمبرسر و اوضبه شغلته بسيطه ؟ انا شاك انه رمان بس ما اجزم
والا الضعف شغله ثانيه يعني ماتسوى توضيب كمبرسر وهو مندمر اغيره واريح راسي ؟

[اابوبدر]

شيك على الريتدر ممكن يحتاج تصييخ او الاهواز ممكن ضعيفه وتضغط على بعض وقت الوقوف
اتوقع ماتتعدا هالامرين

[ابوراكان تبوك]

الله ينور عليك
انا استعجلت بكتابه الموضوع كنت ناشب بالزحمه والمكيف محتر و ماوضحت كل شيء الخطأ خطأي
لكن شف الفيديو اللي انا حاطه صوت الكمبرسر مزعج و عالي ( قرررر ) بشكل مستمر واذا فصل سكت طبعاً
هل للصوت علاقه بالضعف تهقى ؟ يعني افك الكمبرسر و اوضبه شغلته بسيطه ؟ انا شاك انه رمان بس ما اجزم
والا الضعف شغله ثانيه يعني ماتسوى توضيب كمبرسر وهو مندمر اغيره واريح راسي ؟

الصوت مايجي الا عند تشغيل المكيف معناه شداد السير تمام
الصوت اللي بالمقطع يا صاحبي من الكمبروسر
دام الثلاجه مع المكيف تمام لاتستعجل بالحكم ان الكمبروسر خربان

قريت كل ردودك واللي اتضح بالنسبه لي ان الرديتر حق المكيف فيه سدد وهو اللي يضغط ع الكمبروسر ويسبب صوت
مجرد رأي قابل للخطأ
مشكلة مكيف اللاند مجرد فك الفريون انك تضحي كل مره بحدود 300 ريال
انا عن نفسي خسرت عليه 4000ريال بسبب رديتر لو تدخل ملفي تلقى الموضوع اللي كتبته بالتفصيل
لــــــــــكن
لو فيكت الفريون خلي الكهربائي يفحص الرديتر ويطلعه برا انفخ بنفسك في مجرى الفريون ولاحظ الهواء يروح بسرعه ولا ثقيل

الرديتر المضبوط مجرد ماتنفخ فيه يروح الهواء بسرعه

لكن لاصار هناك ضيق في مجاري الفريون على طول يطلع الكمبروسر ويحتر

[الهدد الاشهب]

الصوت مايجي الا عند تشغيل المكيف معناه شداد السير تمام
الصوت اللي بالمقطع يا صاحبي من الكمبروسر
دام الثلاجه مع المكيف تمام لاتستعجل بالحكم ان الكمبروسر خربان

قريت كل ردودك واللي اتضح بالنسبه لي ان الرديتر حق المكيف فيه سدد وهو اللي يضغط ع الكمبروسر ويسبب صوت
مجرد رأي قابل للخطأ
مشكلة مكيف اللاند مجرد فك الفريون انك تضحي كل مره بحدود 300 ريال
انا عن نفسي خسرت عليه 4000ريال بسبب رديتر لو تدخل ملفي تلقى الموضوع اللي كتبته بالتفصيل
لــــــــــكن
لو فيكت الفريون خلي الكهربائي يفحص الرديتر ويطلعه برا انفخ بنفسك في مجرى الفريون ولاحظ الهواء يروح بسرعه ولا ثقيل

الرديتر المضبوط مجرد ماتنفخ فيه يروح الهواء بسرعه

لكن لاصار هناك ضيق في مجاري الفريون على طول يطلع الكمبروسر ويحتر


صبحك الله بالخير يابو راكان
كلامك صحيح الله يطول عمرك غيرت الرديتر حق المكيف طلع متسدد و حالته حاله و الكمبرسر ناقص زيت شوي طبعاً خليته يفك الخراطيش و ينفخ المجاري بالهواء و عباه فريون من جديد و التبريد الآن 100% لكن الصوت ما راح نهائياً خف اكثر من اول يقول من الكمبرسر نفسه لكن مايضر و اليوم الظهر ان شاء الله وانا طالع من الدوام نجرب و عسى خير

شكراً للجميع الله لا يهينكم

[joblak]

الله لا يخسرك ان شاء الله
لكن انا اقول المشكله ماهي من التكييف دامك اذا وقفت ترتفع الحراره الى تحت النص وهذي ماهي الحراره الطبيعيه للجيب وفي نفس الوقت ما تضره اكثر الجيوب حرارتها كذا وما ضرتها
الحراره الطبيعيه للجيب على الثلث ودام المكيف بارد اذا برد الموتر معناتها مشكلتك ماهي من المكيف
انت تقول تماتيك المروحه جديد اخذها مني ولا تخسر صيخ راديتر الماء وشيك على بالمره قبل لا تخسر شي واجد والامر بسيط

ورد لنا خبر وش صار معك

[راعي الرود]

ركب مروحه ثانيه ورا الشبك نفس مروحه البلد و اعزل اهواز المكيف فيه عازل مكيفات السبلت ينباع في محلات ادوات السباكه والكهرباء و ادع لي و لوالديني

[عشانا]

تاكد من مروحة المكيف هل هي تدفع الهواء للخارج ام للداخل
حط منديل فاين على مروحة المكيف وانضر هل المنديل ينسحب للداخل او الخارج
انا مثلك الباترول بهذلني تغيير كمبرسر وتنضيف وتعبئة فريون وحساس
وبالاخير طلع البلاء من مروحة المكيف كانت تدفع الهواء للخارج وتم تبديل الاسلاك فقط وصار المكيف عال العال ولله الحمد

[جمس _ 2002]

ذا الصوت من الرمان غيرها

[ابوراكان تبوك]

صبحك الله بالخير يابو راكان
كلامك صحيح الله يطول عمرك غيرت الرديتر حق المكيف طلع متسدد و حالته حاله و الكمبرسر ناقص زيت شوي طبعاً خليته يفك الخراطيش و ينفخ المجاري بالهواء و عباه فريون من جديد و التبريد الآن 100% لكن الصوت ما راح نهائياً خف اكثر من اول يقول من الكمبرسر نفسه لكن مايضر و اليوم الظهر ان شاء الله وانا طالع من الدوام نجرب و عسى خير

شكراً للجميع الله لا يهينكم

معناه ان الكمبروسر احتر قبل كذا وترا الصوت من الرمان اللي يجي داخل الكمبروسر ويتغير الحاله مع الصوفه الداخليه

اذا يبرد زين لاتفكه ولا تشيل همه مجرد صوت فقط

اهم شي وقت الحر يكون :r:good2:

[عميد آسيا]

صارت لي نفس المشكلة غيرت كمبروسر جديد و الرديتر القديم كان بيقضي عليه
الكمبروسر الجديد فيه صوت لكن الحمدلله البراد تمام


و إذا فكيت الكمبروسر انسى يرجع زي أول
نصحني واحد و قال ما غير بتخسر قروشك عالفاضي و ما سمعت كلامه و طلع صادق

[m200m]

شيك عليه الرديتر هل هو سليم مافيه تهريب مويه وغطاء الرديتر اذا كان فيه تنسيم يسبب ارتفاع بالحراره

[الهدد الاشهب]

بارك الله فيكم جميعاً كل من شارك الله لا يهينكم

الحمد لله المشكله راحت و التبريد صار مضبوط 100% بعد تغيير رديتر المكيف و تنظيف مجاري التكييف و غيرت طبعاً علبه الفريون اللي كنها قوطي
لكن الصوت زي ماقلت بالمشاركه السابقه مازال إلى الآن و يبدو انه رمان على كلامكم لكن ماعليه ضرر ان شاء الله ومنب مصلحه دامه يبرد

[Mosaad]

ركب مراوح توليف بين الشبك والرديتر تشتغل مع المكيف اذا اشتغل وبإذن الله يبرد المكيف والسياره

[اابو مياس]

اخوي تاكد من بلف الحراره وعب مويه اصليه ونظف الرديتر من الامام واهم شي رديتر المكيف تنظفه من برا لانه اذا مو نضيف يمنع دخول الهواٱ للرديتر الماكينه تاكد من كلتش المروحه هل هو اصلي بامكانك وضع عوازل حراريه علي اهواز المكيف تمنع وصول حراره الماكينه للمكيف

[أحمد محمد1429]

[QUOTE=m200m;10132245]
شيك عليه الرديتر هل هو سليم مافيه تهريب مويه وغطاء الرديتر اذا كان فيه تنسيم يسبب ارتفاع بالحراره



الأخ يتكلم عن المكيف ماهو محرك السياره

[أحمد محمد1429]

اخوي تاكد من بلف الحراره وعب مويه اصليه ونظف الرديتر من الامام واهم شي رديتر المكيف تنظفه من برا لانه اذا مو نضيف يمنع دخول الهواٱ للرديتر الماكينه تاكد من كلتش المروحه هل هو اصلي بامكانك وضع عوازل حراريه علي اهواز المكيف تمنع وصول حراره الماكينه للمكيف
وش دخل البلف والماء وكلدش المروحه في المكيف تبي تخسر الرجال خساير مالها داعي ويحوس في سيارته

[منصورالشمري]

فيه حاجه ماتكلفك عشره ريال فيه عازل مثل الهوز لونه اسود اللي تحصله عند اللي يبيعون قطع مكيفات البيوت ركبه على مواصير البارد فقط ولف عليه شطرطون 3m وان شاء الله راح يفرق
وتاكد من تنسيم هوا الرديتر

[قطب 999]

المروحه اللي خلف ممكن تكون تشتغل بس ضعيفه ما تدفع هوا شيك عليها واذا قدرت ترهم وحده ثانيه وغسل الرديتر من برا

[شنطة عده]

الرجال صلح موتره وخلص وانتو باقي تقولون عدل وبدل
الرجاء مراجعة المشاركه رقم 35

[فياض الربيع]

اذا وقفت تحتر السياره المشكله من المراوح لان السياره اذا مشت تقول يبرد المكيف
لان الهواء الداخل وانت تمشي تبرد المحرك
ويبرد المكيف لكن اذا وقفت يحتر المحرك وينعكس ذلك
على المكيف أكشف على المراوح هل تشتغل بكامل قوتها

[sgl2002]

ومازال البعض يدرعم...