لاهل الخبره بالدمام ارجو الافاده

[هواوي502]

السلام عليكم ورحمة الله وبركاته

اخوني من المعروف ان الربيان الان يتوجد على الشوطئ
وانا من الدمام وسابقا كنا نصيده بكميات والان للاسف نطلع ولا نصيد الا ربع كيلو الي نص طول الليل بالساليه

المطلوب من اصحاب الخبره بصيد الربيان التالي تكرما لا امرا .
1- اماكن صيد الربيان في الدمام ( وصف دقيق )
2- متي وقت الصيدة مثلا الفجر او قبل الغروب او العصر
3- اذا فيه بالخبر منطقه افضل من الدمام يا ليت تذكرونها
...... ملاحظه ......
عندي علم ان صيده الان ممنوع واذا كشفك خفر السوحل تروح ملح بس الادمان
الله يكفيكم شره

مع الشكر للجميع مقدما ...

[هواوي502]

معقوله ما فيه اي نشاط !!
طيب لو كان هذا سر من الاسرار ما احد يبي يعلم وينشر او يدلي بالاماكن
كلمه ولو جبر خاطر على الخاص الله يوفق هذي الوجيه

[ابووصلاح]

كلمني على الخاص وابشر

وانا اتمنى من الاعضاء منتدى مكشات ان لا احد يبخل على احد بفائدة وا مساعده يعني
تحصل المشاهدات كثيرة جدا ولا احد يعبرك

[هواوي502]

هلا وغلا ابو صلاح والله لو ردك هذي وملاحظتك تكفيني الله يكثر من امثالك

ابو صلاح الله لا يهينك الخاص ما استطيع انا ارسلك فديتك لان المشاركات ما تسمح ارسلي رقمك اذا ما فيه حرج
وانا ادق عليك يا امير كل الشكر لما اطريته وهذا بحد ذاته خدمه جليله الله يحرم وجهك من النار ..

[ابووصلاح]

بعد اذن الادارة 0534646419

[Alihamad]

أنا ما صدت ربيان أبد ولكن أسمع ان الشباب يصيدوا في المرجانة.. والخفر مشدد هناك فخذ حذرك!

والله غالي الربيان الكيلو وصل 35!!! وما تحصل حجم صغير للحداق!! ننتظر الفسح..

[صياد الخبر]

السلام عليكم


الموسم قادم

بعد رمضان او في اخره

بالتوفيق