اخبار الحيسيه الأحد 5\11\1427 (صور)

[غالي]

السلام عليكم ورحمة الله وبركاته
طلعت من المكتب الساعه 4 الاربع العصر وتخبرون يعتبر اخر العصر
قلت مالي الا اسير على اقرب شعيب مايتفوت هالجو الصراحه ويريد ربكم ويدق واحد من الربع قلت خوي قال خوي
ورحنا لشعيب الحيسيه ووصلنا هناك على اذان المغرب النور بدى طبعا يخف ... فاسامحوني على وضوح الصور وتراها من جوال
طبعا الماء فيه راكده عباره عن مناقع متفاوته الاحجام والجو ماشاء الله ضباب من الرذاذ وبرد جدا ماتوقعت
اترككم مع الصور
1-
http://www.mekshat.com/pix/upload/images23/mk18322_j.jpg

2-
http://www.mekshat.com/pix/upload/images23/mk18322_jj.jpg

3-
http://www.mekshat.com/pix/upload/images23/mk18322_jjj.jpg

4-
http://www.mekshat.com/pix/upload/images23/mk18322_jjjj.jpg

5-
http://www.mekshat.com/pix/upload/images23/mk18322_jjjjj.jpg

العذر والسموحه
أخوكم/ غالي^الأثمان :good:

[البنخليل]

مجهود لابئس فيه، اهم شيئ المعلومة المفيده، بس وين تقع منطقتكم؟

[غالي]

هلابك اخوي البنخليل
هذا سلمك الله قريب للرياض يبعد شمال الرياض مايقارب 50 كيلو تقريبا
وتقطع على الطريق قريتين الاولى تسمى الجبيله والثانيه تسمى العيينه
وهو شعيب لابأس فيه خصوصا انه قريب للخدمات والطريق المعبد
ويصلح لكشتات العوائل غالبا لمميزاته الي ذكرت انشاء الله ماعليهم خوف
ولكن لضيق الوقت حبيت اني اشوف البر لو في اخر النور ( امتع عيوني بمناظر السيول الله يطرح فيها البركه)
وشكرا لردك اخوي :)

[افلاجي مميز]

مثل ما قال اخوي البنخليل

[غالي]

شرفتني بمرورك اخوي افلاجي مميز
وتشكرون جميعا :)

[جرير الشاعر]

بارك الله فيك

[رمال الصحراء]

الف شكر وماقصرت وجهود تشكر علية حقيقة

[غالي]

ويبارك فيك وبأهلك ومالك اخوي جرير الشاعر شرفتني بمرورك
واشكر الله ثم أشكرك اخوي رمال الصحراء على تشريفك وكلماتك الطيبه الله يجعلها بموازين حسناتك
ــــــــــــــــــــــــــــــــــــــــــــــــ
والحمد لله والشكر لله على هالخير وعلى هالامطار الله يجعلها غيث للمسلمين نافع غير ضار
والحمدلله الي خلانا نشوف اخوانا بهالمنتدى ونشارك في توصيل المعلومه والمناطق مع نزول هالامطار
والقادم بإذن الله تعالى اكثر وافضل في هالمنتدى الشامخ