ياجماعة الي مثل هذا وش اسوي به ..!!

[شرق المغيب]

السلام عليكم ورحمة الله وبركاته

رحت للصناعية ابركب مروحه جديدة تبريد لموتري الباترول

انا والله خابرها وكد فكيتها مغير ثلاثة مسامير بعد ماتطلع الزيك

المهم كل ماشفت يماني هجييت هههههههه وحصل هندي قلت اشوى يمكن يصير رخيص

قلت كم تركب المروحه قال ب 100 ريال :eek: قلت الزيك مشقبيه تطلعها بس

والمروحه ثلاث مسامير ؟؟؟ قال مشكل هذا شقل وازد هههههههههه

قلت واخر كلام ... قال خلاص صديق 80 ريال :eek:

قلت تبغى 15.... 20 ريال قال لا وهو يهز راسه

قلت طيب ....وانا اطلع العده وافك الزيك والمروحه واركب الجديده بخمس دقايق وهو يفكر منقهر ابوهنود

ههههههههههههههههههههههههههه

المهم النصابين الي مثل ذا حنا وش نسوي بهم وكيف نشكيهم او نلجأ لاحد يردعهم

عثوا في البلد بالغلاء وياليت شغلهم يستاهل .....

تقبلوا تحياتي ...

[رسيس نجد]

ليت كل الناس تسوي مثلك

كان ما استجشعو علينا

[اسدهم]

بس في بعض الاحيان نحتاجهم توضيب سمكرة من هل قبيل ولا بعض الاحيان اقرب مخطط البس القميص وفتح الشنطة وطلع العدة ولاتنسي العزبة وفك وربط لين يطيح الي في راسك؟؟؟؟؟

[شرق المغيب]

انشهد

بس انا جايب الموضوع يوم يقول ب 100 وهي ثلاث مسامير

[سوبر99]

انا حصل معي الاسبوع الماضي نفس الشي

جيت بركب مروحه اضافيه امام الرديترمريت ورشه قالي 350 ريال مع شغل اليد
المهم تركته واروح لمحل قطع واشتري مروحه نفس اللي عند ب70 ريال وسلك ومفتاح تحكم ب 25
وعلى البيت نص ساعه وهي راكبه كلفتني 95 ريال ووفرت 255 ريال

[أطلال نجد]

يا رجال أنت تصلح و غيرك يخرب

ما طمعهم فينا إلا بعض ربعنا لو يقول له العامل بـ ٢٠٠ ريال

قال تم بس خلص السيارة بسرعة !

[سقم المعادي 1]

مع الاسف اننا نعتمد على عمال يجون من ديار اطنخ واحد فيهم معه حنتور و يتعلم على سياراتنا و حنا نستهلك ولا نعرف كيف نشد صاموله
وانا لا ادعي المثاليه بهالكلام لا والله انا من اللي يروحون للورش للاسف واقولها بحسره
اشوف مقاطع للاجانب ولو اني لغتي لك عليها لكن يساعدون بعض في الصيانه و فيديوات تشرح من تغيير لمبه الى التوضيب و حنا للاسف المحتوى العربي قليل تلقى مثل هالفيديوات حالياً مازلنا نكتب المشكله في المنتدى بعدين ماعاد تشوف راعي المشكله (البعض منهم) على اساس ان غيره يستفيد وش الحل على الاقل
باختصار المحتوى العربي لصيانه السيارات والميكانيكا يحتاج الى وقفه و اهتمام و ترك الانانيه عند البعض و مساعده الغير حتى يستفيد اكبر قدر من الناس ولو مايجيك منها الا دعوه تنفعك !
طبعاً حتى لا نهضم حق الاخوان المجتهدين فيه ناس مجتهده و تساعد لكن مهما كان يد وحده ماتصفق لابد ان نتكاتف جميعاً

[هم الشمالي]

بس تاكد إن المروحه تسحب هوى من برى ترى اذا قلبت الاسلاك تصير تسحب الهوى من داخل الكبوت
وبالتوفيق

[sgl2002]

^^^
افياشها تجي جاهزه

[شرق المغيب]

انا لاطلعت للبر وشفت نفسي مبرد ورايق مصعت العده
والله انه شي يحسسني براحه ماهي مهارة ولاشطاره بس هواية بس احب اربط واضبط
والعماله هذه تتعلم علينا والله انهم يتصلون على بعض من شان يشرحون لبعض تصليح السيارة
يعني ماهو فني هو معه عده وفاتح ورشه والشغل بالتلفون

المشكله لاحصلت واحد سعودي مكانيكي اوكهربائي تحصله شايفن نفسه
وغالي ومزاجه سيئ واحيانا مايفتح ورشته
المهم العده ضروري للي مامعه عده ..

[ولد حربmaged]

كل العمال تعلموا عندنا لو تفكر شوي اكثر ديار العمال ماعندهم سيارات عشان يتعلمون فيها لاكن اذا خرب عندك شي بالسياره تعلم فيه لين يزين بأذات الاشياء البسيطه وفي هالمنتدى فيه ناس مبدعه يستفيد الواحد منهم ومن خبراتهم

[متقاعد مبكر]

ياخوي عندنا ناس ما تعرف تركب شمعه للنور او الاسطب هم البلشه

[جيRX-]

البلا باللي يعرف بس الخراب يلحقه غضب هههههههه

[200]

البلا باللي يعرف بس الخراب يلحقه غضب هههههههه

وأنت الصادق يلحقه غضب من قل $$$$$$$$

[أحمد محمد1429]

البلا باللي يعرف بس الخراب يلحقه غضب هههههههه
وأنت الصادق مايعرف ون يفكون الطاسه والإستبنه

[حمزةعبدالمطلب]

بس في بعض الاحيان نحتاجهم توضيب سمكرة من هل قبيل ولا بعض الاحيان اقرب مخطط البس القميص وفتح الشنطة وطلع العدة ولاتنسي العزبة وفك وربط لين يطيح الي في راسك؟؟؟؟؟

يا اخواني الاعزاء والله اسهل مماتتوقعون شغل الميكانيكا
المشكلة اللي بتواجهونها هو القرار على العطل فقط
وكل انسان يختلف من ناحية حسه الهندسي
اسدهم تقول تحتاجهم في التوظيب
ياليتك عندي اوريك وافرجك على التوظيب على اصوله
اعلمك انها اسهل مماتتوقع