مشكلة عدم الرساوة وتمايل الجيب اللاندكروزر

[سن القلم2]

السلام عليكم ورحمة الله وبركاته
اخواني معي جيب لاندكروزر 2003 يتمايل مع الخط الغير متساوي يمين ويسار تقول سفينة
ولا صرت ماشي بالخط وحركت الدركسون يمين يسار يتمرجح بالحيل
وانا مغير له دودة دركسون اكثر من مرة وغيرت أعمدة التوازن بس مو اصلي
ورديته للفينيقيين فيه الي يقولي السبب الكفريات وإلا الدودة
وثاني يقولي لازم تغير أعمدة التوازن اصلي الي يسمونها شدادات الدفر نس
ابي شهوركم والله كلفتني السيارة ولا ضبطت وهي معي من الوكالة ماشاء الله ما كملت مشي 280 تكفون الفزعة

[هم الشمالي]

شيك على المساعدات

[البدر 707]

صارت لي بباترول والمشكله من المساعدات وغيرتها وظبط ولله الحمد واتوقع مشكلتك مثلها والله اعلم

[ذيب الخرج]

مشكلتك والله اعلم انها من الشدادات - تجي زي السست عددها اربعه لازم تغيرها بأصلي بتكلفك حول الالف - وانتبه تغير جلد بس لازم شداد كامل

[راعي الرود]

صارت لي لو تهز الطاره هزه خفيفه وانت ماشي 100 مثلاً يروغ الجيب من ورا كانه سفينه و الحل 4 شدادات دفرنس او عمدان سحب كما يسميها البعض سعرها حول 1000 ريال 2 تحت و 2 فوق للجهتين و بعدها مضبوط الموتر الآن و راحت كذلك طقه الريوس المعروفه باللاند اذا كان قيرك تماتيك

[جمس _ 2002]

اضغط ع الصدامات بيدك من ورا اذا نزل معك الموتر على طول مادفعك مع الضغط بقوه او ضغطك بس مهيب بالقوه الي انت تبيها اكيد انها المساعدات

[عرب الشمال]

اخوي هاذي مقصات خلفيه صارت معي قبل كذا 2 طوال و2 قصار والسبب ان الجلد انعدمت والموتر يلعب من ورا يتمايل

[براوننق]

هاذي الرباطات الخلفيه اللي تحت واللي فوق انا كد صارت معي بسبب تغغيره بالتجاري وركبت اصلي وضبط اذا تبي تتاكد خل احد يقوم السياره شوي شوي بتوشفه يتحرك تحرك قوي

[سموو الروح]

مثل ماقالو الاخوان شدادات الدفرنس الخلفي
وتبي تتاكد منها وانت واقف خل الموتر ب الفاضي
اذا هو عادي عشق اي نمره واول ماترفع رجلك
عن الكلتش خل عينك بالكقر الخلفي اذا شفته يتحرك
لو بسيط لقدام اعرف انها شدادات الدفرنس
نفس الطريقه اذا كان تماتيك اول ماتحطه ب D
ناظر بالكفر الخلفي

[ابوراكان تبوك]

تأكد من وزن الهواء بالكفرات وان كل الكفرات مقاس واحد

غير كذا مثل ما افادوك الاخوان جميع الاحتمالات وارده

[رحال7]

الاحتمال الاول مساعدات
والله اعلم

[الهواوي_1]

انا اؤيد عرب الشمال

[درايفر ربع]

السلام عليكم ورحمه الله وبركاته
.......................................

تاكد من جلد البودي وانا اخوك لأن الضغط دايم على مقدمه السياره ومؤخرتها
ويمكن احد مسامير البودي مرتخي في جهه سواء يمين او يسار ويخلي الموتر يلعب
.............
وللفائده للجميع انا حصلت معي هالمشكله وتعبتني كثير وهي ان الجيب يلعب خصوصا مع البطناج تحس ان البدي بينفك وشيكت عند كذا ورشه على المسامير اللي تربط البودي بالشاصي وتركب عليهن الجلد حقت البودي طلع لي اخر مسمار خلف السائق يشد وبعدين يدور بوش لكنه ماسك البودي قالو طبيعي اهم شي انه ماهو مرتخي المشكله ان فيه صوت طقه اذا ارتفعت الكفره الخلفيه لوحدها وقلت لهم هالمشكله ..بعد ماطفح الكيل رحت مره للورشه قلت غير لي هالمسمار الاخير جهه اليسار راح للمسمار شده قال مافيه شي قلت الله يرحم والديك ماابيه بسيارتي ����
طلعه برا غاثني ابي اغيره قال فلوسك زايده ماشاء الله ..قلت الحمد لله مستوره
المهم بعد جهد جهيد ماطلع المسمار الا بالاكسجين والنتيجه ان المسمار ملحم بالخابور ومكسور لكن مايطلع نهائي لان ورده الجلد ماسكه الخابورالي بين الجلدتين والى الان عندي المسمار كانك ملحمه لحام الكهرباء ..بسبب الصدا والاتربه تجمعت ع بعض وصارت مثل اللحام
وسلامتكم