شوزن ام وحده _ام خمس

[صاحب الذود]

السلام عليكم ورحمة الله وبركاتة

اسعد الله مسائكم اخوانى انا ناوي اشتري شوزن لاكن داربي راسي ولا عرفة شي وابي منكم المشوره والراي السديد


وش افضل نوع في ام وحده؟

وش افضل نوع في ام خمس؟

ارجو الرد ي اخوان الله يجزاكم خيرر

[ارثمس]

عليكم السلام ورحمة الله وبركاته ونا اخوك افضل شوزن ام حبه هي ام سبع ابر او ام سيلان طبعا كلهن انواع قديمه واما شوازن ام خمس فهي انواع كثيره واسعارهن تختلف يعني تبدا الاسعار من 10000 الى 40000 شف ان كان صيدك خفافي تكفيك ام حبه او شوزن ام خمس بيكال او ام خمس ارثمس او ستوقر والمعذره على الاطالة

[( شميريخ )]

عليكم السلام ورحمة الله
عليك بام خمس متعددة الاستخدامات :good2:
وام طلق حليله بس يعيبها الندف ولا تصلح لطيار الا المتمرس عليها

[الخزيمkzeem]

عليكم السلام


اخي ام خمس زينه بالحيل

عندك التركيات 10000الى 4000 احسن هذه النوع استوقر

الروسيه البيكال 12000 الى 10000
الايطاليات غليات شوي

المروشي 15000 البنلي 18000 البرنا 25000

وعليك تختار

[شرق المغيب]

خذلك ام وحده سيلان وكد ومد

[محمد ابن عيد]

..
حياك الله ي الغالي
ليتك اضفت ميزانيتك علشان نفيدك
لكن خذلك بيكال ام حبه روسيه ممتازه
و سعرها ماتتعدى 4500
و الله ييسـر امرك

[القصيعاوي]

السلام عليكم

تحيه طيبه على الأخوة جميعاً
اخوي صاحب الذود اذا كان صيدك خفيف خذلك ام حبه سيلان واحرص ان تكون مصرح ولك ولزمن ومثل منت شايف البواريد غاليات وناخوك وام حبه رخيصة وتقوم بالواجب واكثر
هذي نصيحتي لك ولا يهينون الرجال الي سبقون بالرد

[صاحب الذود]

الله يعطيكم العافية جميعا

بالنسبة ام حبه سبع ابر سيلان وش صناعتها؟


اشكر الجميع ع المشاركة

[سوبربانلي]

USA
امريكا

[قناص الصحرآء]

انصحك بام خمس ام حبة توجع الكتف من الندف وكثر الرمي

[صاحب الذود]

انصحك بام خمس ام حبة توجع الكتف من الندف وكثر الرمي



ام خمس زينه لكن غاليه

[مطر وسم]

ام خمس زينه لكن غاليه

خذ ام حبه حليله وممتازه تشبعك ولا تصرف فشق

الطيور اللي تاصلنا الحين قليله شويه تكفيها ام حبه

ام خمس تصلح قبل 20 و 25 سنه يوم الكبات هوايل

تحياتي للجميع

[االرااسي]

ام حبه سبع ابر حليله ام خمس بيكال

[صاحب الذود]

الله يعطيكم العافيه
واشكر من شاركنا في الموضوع والله يرحم والديكم

بندور ام وحده والله يكتب اللي فيه الخيرر

[بومرشد]

اذا لقيت زياده بعد بلغني انا ادور ام حبه او تعرف احد عنده دلني شيء جديد او نظيف وقيمته مناسبه


إم سبع إبر وينشستر امريكيه

او

أم سيلان إستفنز أمريكيه

[نفل الفهود]

اذا تبي ام حبه عندك

ام سبع ابر وميزتها تسوق سوق يروع ومافي شوزن تسوق مثلها ابد .
او ام سيلان وتنفع لكل شي سوقها زين وفرشها زين ..

وانا افضل ام سبع ابر لاني تعودت عليها .

اما ام خمس اشكال وانواع وكل ماصارت الشوزن احسن كل ما زاد سعرها .