فتك ربع 2014 استفسار

[sahmdan]

بسم الله الرحمن الرحيم

يمسيكم / يصبحكم ربي بالخير

فزعتكم ياهل التجربه والخبره
انا معي فتك ربع 2014 فل ، اتوماتيك

و ابي ارفعه شوي
هل اركب له كعكات
او اركب ياي استرالي بس
او اركب بوالين بدون ما احوس بطن الموتر
و هل البوالين تتاثر مع الوقفه اكثر من اسبوع بالشمس حسب ماسمعت ولا مجرد كلام فاضي؟

واذا فيه معلومات اكثر تكفون افيدونا
وشكراً

[المميـز]

:

مبروك الموتر الله يعطيك خيره ويكفيك شره

اذا تبي الرفعه شكل ارفعه بالكعكات ٣ سم
واذا تبيه للتحميل ارفعه بياي بس لايزيد عن ٣ سم

:

[عطيب الشوق]

مبروك ما شريت والله يعطيك خيره ويكفيك شره ..

لا تعدا النصيحه اللي فوق افادك اخوي المميز ولا تزيد خلك على شورة عشان ما تضر القير ..

والبوالين نصيحة لوجة الله لا تقربها ما يحوس الموتر إلا هي
تعدم الموتر بالرجه وغير كذا مثل ما قالوا لك وقفتها لمده تأثر فيها والدليل اذا بديت تمشي من بعد وقفه طويله تسمع صوت الكفر .. الارض وسمت في الكفر من الجهه اللي كان واقف عليها ياخذ له شوي لين يحمى ثم تروح ..
البوالين وقت المطر على الزفلت ( تكرم ) خطيره
البوالين رجتها مالها علاج وبالتالي اثارها ممكن تكون غير مرئيه لكن تأثر على العكوس بشكل كبير والرمان بلي والسيلات
البوالين عمرها اقصر من اي كفر اخر
البوالين لا تنفع للسرعات العاليه او بالاصح للسفر
البوالين في الارض الجبل او الوعر تنبشر على طول
البوالين ثقيله على الموتر ..
و و و و وووووو .. نصيحه لا تجيها

البديل .. شاهين 245/85/17 على حسب حجم الجنط 16 او 17
او دنلوب دعسة شاهين او هانكوك دعسة شاهين ..

نااااعمه حيل ولا تسمع لها حس .. وش تبي بس خط جلد بر جبل مطامر ارصفه نااااعمه على الموتر ومريحه جدا ولك وللزمن تكدها سنتين ما تقول لا .. وترفع الموتر مثل البوالين وشكل طرررب ( هي نفس اللي تجي على الشاص التايوتا ) على جنوط هلل يالبيه :D

تحياتي لك
ابوسعد

[راعي الرود]

البوالين اذا مالك حاجه فيها لا تركبها و خصوصاً اللحين قيض ولا حولك صيد بالوقت الحالي
البوالين بالشتاء زينه للكشتات تريحك من البطانيج تضرب البطناج على سرعه ماتحس به و في الوعر زينه بس لكل شيء ضريبه زحلقه + رجه بالزفلت (تكرم)
و الشاهين مهيب بعيده عنها بالزحلقه لكن مابها رجه

الرفعه لا تزود عن 3 سم عشان ماتشغلك الحره
اذا انت تحمل ركب ياي
اذا حمولتك خفيفه ماتذكر يعني عزبه ودافور بس ركب كعكات

موفق

[sahmdan]

الله لايهينكم وجمل الله حالكم
على الآراء والنصايح

من باب العلم ، انا ابي ارفعه شوي للزينه ( منظر أجمل )
لان ماني راعي حمل ثقيل ولا غيره
بس طعوس ومراقى
رايكم اركب شواهين وكعكات
ولا اخلي كفرات شد بلده واحط كعكات
وهل اركب كعكات امامي وخلفي ولا خلف بس ؟
و وش افضل نوع كعكات. المنيوم. نحاس. حديد؟
واللي يخبر لي احد يبيع او يفصل بالدمام، يفيدني

و سلامتكم

[يآسر]

المهم ماترفع اكثر من ٢سم حد اعلى وبعد هالمقاس خذ ياحبيبي صوت حرة تكره موترك والكعكات مناسبه .


البوالين لا تهمك ماتنفع بالرمل ابد ولا الزفلت كفر تزلج بمعنى اصح معدوم الرساوة بالاضافة للرجة اللى تعدم موترك ووووووو هج عنه .

[باثفندر.]

مبروك الموتر الله يعطيك خيره ويكفيك شره,,,

ارجو من الشباب يفيدوك في تركيب الكعكات

انا بعد ناوي اركب كعكات في الدمام
وانشاء الله يجاوبوا على اسئلتك لأنهم بفيدوني وبفيدوك:)

[sahmdan]

مشكورين الاخوان ماقصروا

واللي عنده نصايح اكثر،، يفيدنا

[sahmdan]

متابع
.....