وش مشكلة قصيص الدمام؟؟

[Alihamad]

السلام عليكم ورحمة الله وبركاتة..

أخواني, الأرزاق بيد الله والحمدلله على ما رزقنا..

دائما أسمع عن حداق قصيص الدمام وما فيها من كميات من الينم والفسكر والشعري وكذلك الشعم.
طلعت كذا طلعة في السابق والحمدلله الصيد كان متوفر وما نرجع الا بثلاجة وعليها في بعض الأحيان.

يوم الجمعة تاريخ 6-6-2014 طلعنا من فرضة القطيف وجربنا قصيص القطيف والقصة اللي مقابل
الواجهة البحرية بالدمام والقصة اللي مقابل الفتنس تايم الدمام ورجعنا بكمية سمك شحيحة جدا ما تتعدى
العش سمكات. كانت الطلعة من العصر الى الساعة 2 الفجر.

وطلعتنا الثانية كانت الجمعة السعة 2 الفجر الى 9 الصباح, والمطارح تقريبا نفسها وزيادة عليها شوي.
وهالمرة الصيد بعد ما يسر.. وأغلبة قرقفان وشموم. والزمرور لعب فينا لعب.

هل توقيتي في الطلعة خاطئ؟ أو ان قصيص الدمام انعدم الصيد فيها؟؟!!!

[NOBL3]

وعليكم السلام ورحمة الله

هو الصيد انعدم طال عمرك لأن ما يرضينا الا نعبي ثلاجة وأكثر من أي نوع وأي حجم

اصبح صيدنا مو لأجل الحاجة .. صارت هياط وفشخرة والدليل ان التصوير اصبح ملازم لطلعات الصيد

لو كل واحد يصيد اللي يكفيه ويودم فيه بيته كان لقينا خير ليومنا هذا على شواطينا القريبة

الله يرزقك ما يسرك

[The-One]

وعليكم السلام ورحمة الله وبركاتة

الكلام صحيح في السابق كان الصيد في الأماكن المذكورة فوق الممتاز ماشاء الله
لكن من الصيد الجائر لغرض التصوير و الفشخرة بين الأصحاب
ووسائل التواصل الإجنماعي للمدح والتفاخر و..و..و..ألخ . أصبح الصيد ضعيف جداً
حصل معي جميع ماذكرت يا اخي الكريم, لكن الشكوى لله. والحمدلله رب العالمين على كل حال

[صياد الخبر]

السلام عليكم


القصيص


بين كل قرقور وقرقور قرقورين


وشوف عيني وقدام دورية حرس الحدود


العمالة الجائرة المتبجحة الافريقية يجي ينثر الغزل .... يخوض بالطراد اربع خوضات .. يملاء الغزل بمافيه من عشرات الاسبيطية والاشعوم والبدح


على عينك يا تاجر غير العمالة الاسيوية حقين القراقير


حسبي الله ونعم الوكيل


وطراد الحرس يشوف


يقول لي احد الاشخاص من شدة حبة للصيد من الشاطئ


وعندما رئاهم


اصبح يضع الاثقال الثقيلة ويرميهم بالقصبات والرشق


بالحجارة و و و و و بالنبيلات مافي الا قوة تبنيط بالخشة


للأسف ..


وش اكثر من كذا .. لا متابعة من الثروة ولا لهم دوريات


بحرية


وحرس الحدود بس على المواطن ممنوع


وش خلانا نروح بعيد غير هذول ..


السنة الجاية الحداق بعمان فقط سيف او


طراد



بالتوفيق

[NOBL3]

السلام عليكم


القصيص


بين كل قرقور وقرقور قرقورين


وشوف عيني وقدام دورية حرس الحدود


العمالة الجائرة المتبجحة الافريقية يجي ينثر الغزل .... يخوض بالطراد اربع خوضات .. يملاء الغزل بمافيه من عشرات الاسبيطية والاشعوم والبدح


على عينك يا تاجر غير العمالة الاسيوية حقين القراقير


حسبي الله ونعم الوكيل


وطراد الحرس يشوف


يقول لي احد الاشخاص من شدة حبة للصيد من الشاطئ


وعندما رئاهم


اصبح يضع الاثقال الثقيلة ويرميهم بالقصبات والرشق


بالحجارة و و و و و بالنبيلات مافي الا قوة تبنيط بالخشة


للأسف ..


وش اكثر من كذا .. لا متابعة من الثروة ولا لهم دوريات


بحرية


وحرس الحدود بس على المواطن ممنوع


وش خلانا نروح بعيد غير هذول ..


السنة الجاية الحداق بعمان فقط سيف او


طراد



بالتوفيق


بدون تشفير هم 3 جنسيات : بو فلبن والمصارية والبنقالية ، مع احترامي لجنسيتهم وآدميتهم لكن لعبوا في بحرنا لعب ولا حسيب ولا رقيب ، رح يا طويل العمر الشبيلي بالويكند والله كانك داخل مانيلا ماتلاقي موضع قدم من ابو فلبن ، رح بحر تحلية بالجبيل (مع انه مجمع سكني شبه معزول) لعبوا فيه لعب ، وشوف عيني غزول مطروحة وسنكرة بالمسدسات ودوريات الأمن الصناعي تدور زي عدمها ، كنت اغوص بالتحلية قبل 5 سنوات والله العظيم بيئة بحرية عجيبة كأنك بوحدة من الجزر بوسط البحر ، الحين اغوص ما اشوف الا طحالب وبدح قد اصبعك الصغير ، حتى الحواقيل انقرضوا

[Alihamad]

مشكورين أخواني على تفاعلكم مع الموضوع..

آخر مرة نزلت البحر كانوا فية مصريين نازليين..
أنا كنت عند الخفر أصرح نزول وأخوي كان في الطراد.. جاء المفتش فتش طرادنا وراح للمصريين..
يقول له المفتش.. انت كنت تنزل من الخبر صح.. فرد علية وقالة أي.. قال المفتش: "فلان" من مركز الخبر يدور عليك..
آخر نزلة لك من الخبر رميت غزلك في البحر وطلعت..

عاد اللي قهرني.. ان المفتش ما بلغ عنه ولا مسكة ولا شي.. بس حذرة وخلاة ينزل..

هالتهاون اهو اللي يدمر البحر!!! بالله انا وأنتم نازلين بخيوطنا ومبهدلينا تبهدل وكل اللي نصيدة نص ثلاجة الى ثلاجة..

وهذا احنا عيال البلد..

وهذول يعفسوا البحر رويرموا الغزول عشان تموت فيها الأسماك ولا حسيب ولا رقيب..

[صياد الخبر]

بدون تشفير هم 3 جنسيات : بو فلبن والمصارية والبنقالية ، مع احترامي لجنسيتهم وآدميتهم لكن لعبوا في بحرنا لعب ولا حسيب ولا رقيب ، رح يا طويل العمر الشبيلي بالويكند والله كانك داخل مانيلا ماتلاقي موضع قدم من ابو فلبن ، رح بحر تحلية بالجبيل (مع انه مجمع سكني شبه معزول) لعبوا فيه لعب ، وشوف عيني غزول مطروحة وسنكرة بالمسدسات ودوريات الأمن الصناعي تدور زي عدمها ، كنت اغوص بالتحلية قبل 5 سنوات والله العظيم بيئة بحرية عجيبة كأنك بوحدة من الجزر بوسط البحر ، الحين اغوص ما اشوف الا طحالب وبدح قد اصبعك الصغير ، حتى الحواقيل انقرضوا




السلام عليكم


مو قصة تشفير لكن ما ودك نعمم ..
الشبيلي نعم الجالية الفلبينية
بريقط قبل تالا الجالية الفلبينية ( وبالاجازات - تشوف المنكرات والعري بينهم وبين بعض )
البحر - هنود قراقير - مصرين اغزول قراقير هامور وبالممنوع وعيني عينك ( تحت الجسر وبالفاضي براس متعب ) - البنقالة كراف ودمار وكل محتركة يصيدونها ..


وين الناس ؟؟؟؟
وين اللي يراقبون المنتدى ؟؟؟ @@
وين الثروة السمكية
هم ابخص
لا غنا لنا عن بحر عمان - الشويمية وشربثات وصوقرة ومصيرة


بالتوفيق