الباترول والسلف

[سباريت خلا]

آخواني السلام عليكم عندي الباترول السوشت شغال والبطارية مغيرها من شهر واللمبة خضراء مافيها مشكلة . بس لاشغلت مايشتغل الجيب مادري وش المشكلة . طبعا المكيف والثلجة والبوري شغال مع السوشت لكن السيارة ماتشتغل أفيدونا وجزاكم الله خير .

[super_safari]

و عليكم السلام و رحمة الله


تسمع صوت تشغيل السلف المعتاد ؟
أم تسمع صوت (تك) مرة واحدة ؟
أم صوت متكرر سريع جدًّا (تك تك تك تك) ؟

كل حالة و لها تفسير. أرجو التوضيح أكثر.

[سباريت خلا]

فقط السوشت يشتغل وبعدين عند التشغيل مافي صوت نهائي حتى تك تك مافيه ؟ واحد من الشباب قالي يمكن السلف أبشيك عليه وأشوف . شكرا لك

[اسدهم]

حاول تجيب اخوك يشغل ونت تضربة علا خفيف لين يلقم واذااشتغل منها علا طوووووووووول فحمة
واذاماتجاوب معك حاول تشغلة دايركت يعني تولع لمبات السويجت ونت معك سلك تشركة من تحت اذااشتغل ممكن الدقمة الي عندك في الغمارة

[هم الشمالي]

شيك على الفيوز حق السلف يمكن يكون محترق

[سباريت خلا]

جزاكم الله خيرا المشكلة طلعت من السلف غيرناه ومشى حاله لا خلا ولا عدم .

[المتزن]

وانا عندي هالمشكله بسلف السياره .. بترول 93 مثل خوينا

اذا كان بارد يشتغل تمام لكن اذا سخن يثقل تشغيله ويصير صوت التشغيل مثل المسجلات اول اذا غلق الحجار .... واوو .. ثم يسكت شوي ومره يشتغل ومرات مايشتغل
وليا سوى كذا تعاملت معاه بالنتع نتتعته ومشيت. وكثير محسب حساب هالشي واوقفه على نزول .

[المتزن]

للرفع .....

[هاوي بلادي]

افحص فيوز السلف



+ تاكد من الدينمو يعطي كهرب او لا

[سقم المعادي 1]

اذا القير تماتيك تأكد من تأمين القير احياناً ينفرط وتبي تشغل الموتر مايشتغل كأنك حاطه D وهو اساساً على P