تكفوون ابي مشورتكم ومساعدتكم .. لاندكروزر بريمي gxr 2014

[ابداع حدودي]

اخواني الكرام


السلام عليكم ورحمة الله وبركاته ..

انا ناوي باذن الله على شراء لاندكروزر 2014 gxr بريمي فل الفل البدي كت ..


ولاكن واجهتني مشكله ( من الناس اللي سألتهم ) ان الفل النوعين من ناحية المراتب فيه جلد وفيه مخمل ، وانا ابحث عن اللي كامل المواصفات + ونش .

وكلمت صاحب معرض بالرياض قال البريمي ما يجي فيه ونش واللي فيها ونش هذي ماهي بريمي اصلي ..
وفيه احد الزملاء عنده 2013 فيه ونش وهو شاريه من معرض جابه له من عمان ...
فحيروني والله ... ومالي الا فزعتكم يالمطاليق ..

المطلوب :

ياليت اللي عنده معلومه يطرحها لي هنا ..
وهل الجلد أحسن او المخمل ..؟؟
وهل البريمي الأصلي يجي ونش ولا هو تركيب ؟؟

وماهي المواصفات التي تخص البريمي الأصلي الفل كت ؟؟

وأخيرا اللي يعرف معرض مضمون ويتعامل مع الراجحي يعطينا رقمه وكم سعره ..؟؟


وسلامتكم جميع ...

[ابداع حدودي]

ياحليل والله من نخاكم وطلب فزعتكم ..


اكثر من ١١٠ مشاهدات ولا رجال رد بكلمه ..؟؟

كل هذا بخل ... يامال فرقى العين ...

[صقر نجد99]

حياك الله يالغالي لا ليس بخل بس الاكيد كل اللي شاهدو موضوعك ماعندهم علم
حتى انا والله ماعندي علم بس افضل لك اتصل بالوكيل في البريمي وخذ منه راس براس

الا اذا كان فيه احد مابعد شاف موضوعك يمكن يفيدك

الله يكتب لك الخير

[ابداع حدودي]

شكرًا يا صقر نجد ٩٩ وردك وافي وانت وافي

[نوماس1]

عذرا ما عندي معلومات افيدك فيها
تبي تسئل عن الدداسن من مديل 99 وتحت افيدك وشكرا لك

[شاص&نص]

السلام عليكم ورحمه الله
بافيدك باللي اعرفه
الكت ما يجي مع الونش ابدا ابدا الا واحد منهم مرهم على الثاني
النقطه الثانيه
الجلد ما يجي علي الجي اكس ار من اليابان و انما يركب عند الوكيل
الجلد الاصلي يكرن مثل الفكس ار مخرم لفتحات التبريد و التسخين

[التميمي س]

يالغالي
وش تبي بالبريمي وخرابيطهم سياراتهم تقل سيارات سواقين من النيكل اللي مركبين فيها

عندك معرض عبدالوهاب اليحي افضل منهم بكثير واصلي شد بلد مافية اضافات صينية مثل البريمي

وافضل بالسعر

وربي يوفقك ويسعدك

[Nasser33]

الجكسار سبير علاق هو اللي يجي بونش وهذا سعر تقريبا 220
اما اللي يجي بكت وجلد هذا ما يجي
ابد لا سعودي ولا بريمي ولا يحيى
الـGX ٨ سلندر هو اللي يجي سبير تحت وونش
وتر تركيب ونش الوكالة سهل

[سفير الحيا]

ابعطيك المعلومات اللي اعرفها

اليحيى أفضل من البريمي ! اليحيى يجي ونش وفتحه وقير عادي أو تماتيك اللي تبي ,,

العايدي يجي فقط 6 سرندل ما أظن يوجد 8 سرندل الـ 8 سرندل فقط في التماتيك والمواصفات نفسها

هذا اللي يفرق وحسب معلوماتي !

أما البريمي ماخذ سمعه على الفاضي مهتمين بالنياكل والزوايد تحصّل الموتر كله نيكل اسطب وبدي

وبعدين اخبر واحد من الشباب اشترى بريمي وانكسر الأسطب الخلفي وماحصل اسطب بنيكل لأن موديله كذا

أنا أنصحك باليحيى وهذا ماعندي من معلومات وان شاء الله أفدتك



والله يرزقك بالموتر اللي يرضي خاطرك ويعطيك خيره ويكفيك شره ومبروك مقدماً