أفضل كبس او كشاف لمخيم

[نفر]

سلام عليكم و رحمة الله و بركاته

رمضان على الابواب الله يبلغنا اياه وجميع اعضاء مكشات

ومثل ماهو متعارف عليه في شهر الخير هناك ايضا فرصة لممارسة الرياضه من خلال لعب الكرة الطائرة.

سؤالي اخواني الاعزاء .. ماهو افضل كبس او كشاف و أين ممكن اجده

احتاج لشيئ ينير المخيم بشكل مناسب


شكراً لكم

[نفر]

سبحان الله ؟؟ مافيكم اللي مركب كبس في استراحته والا مزرعته او مخيمه ؟

[web]

لا فيه بس سؤالك الساعه ٣ الفجر ههههه اصبر وبعدها بنص ساعه ترد ههه
اصبر ياخوي عطهم فرصه ...

شوف بنسبه لي افضل استخدام الكشافات الجديده الليد انارتها قويه ولا تصرف كهرب ويجي منها ١٢ فولت و١١٠ و٢٢٠ فولت

[نفر]

شكرا لك ويب .. انا اتذكر اني رديت بعدها بيوم .. و استغرب من تاريخ المشاركة

عموماً شكلك تقصد كشافات اليدوية اللي تنقل باليد .. انا اقصد الكشافات او الكبوس الكبيرة الي توضع على الاعمدة


ارجو منكم النصح

[* ابو باسل *]

ياخي سؤالك غريب رح لاي محل كهرباء وشف الانواع عندهم وبعدين وش فيك زعلان على العالم انهم ماردو عليك الساعة ثلاثه بالليل ههههههههه
هذا مايحتاج سؤال اقرب محل مواد بناء او كهرباء ويفيدونك بكل شي .

[الصيادالمليح]

إذا كنت بالشرقية أو الرياض فعندك محلات رفيق الدرب عندهم كشافات و حامل خاص لتركيب الكشافات عليه و بطاريات تنشحن بالكهرباء و الطاقة الشمسية وكشافات قوية 12 فولت تنور لك الملعب و المخيم بالكامل

[نفر]

عشت يالصياد المليح ... هذا ما كنت انتظره

ابو باسل ... اشكر لك اجتهادك

[مطر وسم]

اخوي فيه كبوس جديده اسمها الليد مو اليد انت فهمت غلط من اخونا wep تركب على الاعمده ماتنمسك باليد مثل مافهمت انت انارتها قويه واحجامها مختلفه تحصلها عند محلات الكهرباء

اعيد واكرر اسمها ( الليد ) تشديد اللام وكسر الياء الله يكسر راس عدوك :D

تحياتي لكم

[الوافي.]

فعلا كشافات الليد ممتازة

[web]

شكرا لك ويب .. انا اتذكر اني رديت بعدها بيوم .. و استغرب من تاريخ المشاركة

عموماً شكلك تقصد كشافات اليدوية اللي تنقل باليد .. انا اقصد الكشافات او الكبوس الكبيرة الي توضع على الاعمدة


ارجو منكم النصح

ماعليش مانتبهت لتاريخ :D

عارف ياخوي انك تقصد كبس فيه اكباس جديده LED
بس مثل حجم الكبس الصغير عمليه جداً وموفره للكهرب ودوا لطايره برمضان الله يجعلنا ويجعلكم من صوامه وقوامه ومن عتقائه من النار ان شاء الله

شف هالعرض لاحد الاخوان وتعرف وش اقصد

http://www.mekshat.com/vb/showthread.php?t=635632

[قصيمي تسحت]

يسعد صباح/مساء الجميع
ندخل بصلب الموضوع
كشافات الليد مايصلحن للمخيمات والاستراحات لان
انارتهن محدود ومسافتهن محدوده وهي تصلح للاستديوهات
لكن فيه كشافات اللي تجي اناره بيضاء واناره صفراء
وقوتهن تختلف
فيه كشافات تسحب بقوه ١٥٠ واط وتعطيك اناره ٦٠٠ واط
وفيه كشافات تسحب ٤٠٠ واط وتعطيك اناره ١٢٠٠ واط
وفيه كشافات اللي بعض الناس ماتدري عنه يجي نفس
حجم كشافات ابو ٤٠٠ واط لكن القلب الداخلي يختلف
تسحب بقوه ٢٥٠ واط وتعطيك اناره ١٠٠٠ واط
وهي تعتبر افضل اضاءه واقل استهلاك قدره وخاصه
لراعين المخيمات علشان المواطير
نحسبها بسرعه ٤ كشافات ضرب ٤٠٠ واط تساوي ١٦٠٠ واط
معناته يسحب كيلو ونص من الماطور للكشافات
ولو قلنا ٤ كشافات ضرب ٢٥٠ واط يساوي ١٠٠٠ واط
وبرضوه راح يسحب كيلو واحد فقط من الماطور للكشافات
وارح توفر ٦٠٠ واط (تقريبا نص كيلو من الماطور)
وموجودات بالملز بشارع الكهرباء والاناره

[ابو وليد999]

وأنا أخوك رمضان شهر عبادة وقراءة قران

[اسدهم]

اذاانت في الرياض انقز الملز

وعندك شيخ قوقل جعل راسة مايدفن يدبرك ويسنعك بصورة بعد