قبل اجيب العيد في ها الطاقيه الي تحت الشاص

[ابو وائل فهد]

اخواني

يوم كان معي كسرة شروكي يخدم اليوكن
ما كانو مبزرة التكبيس وافتح الخط يقربون له
ويوم بعته ما اشوف الا طرف طاقية بزر ملحم ورا اليوكن ويكبس النور على شاص
اليوكن
.. ابي لي دعامات انيقه جميلة لامني لمست طرف الفرامل
ابي الطاقيه تظهر من تحت شاص موتري و اشوف خشته
با المرايه منقلع هنااااااااك
ارجو افادتي با التفصيل قبل اجيب العيد فيهم
وفي اليوكن وشكرا

[لاند بريمي 14]

احلم احلم احلم طال عمرك ،،، هذولا ورعان يارجال لاتحط عقلك بعقولهم ،،
أدع لهم بالهدايه ،، يا أبن الحلال هذي طفاقة وتلقاهم متكفخين عشرين مره
و بعدين خير ياطير ،، افتح لهم خط وخلهم يفارقون ،،
و صدقني بيطيحون بغيرك ،، وبيتكفخون للمره واحد وعشرين ،،
وإن بغيت ركب هووك سحب من الكبار شوي تراه ينفع ،،،
دعواتي لك بالتوفيق و طريق السلامه كل مارحت وجيت يارب

[ذيب ذهلان]

ركب هوك خلفي طويل والله يهديهم

[جمره]

هههههههههههههههههههههههههههههههههههههههههههههههههه ههههههههههههههههههههههههههههههههههه

[راعي الرود]

http://www7.0zz0.com/2012/04/05/12/142838695.jpg

دور لك واحد اطول من ذا بس و ابن امه يقرب في رديتره على طول

[zayed98]

اترك الداب ووشجرته

[ارتست]

انا من حطيت هوك للدباب والناس من وراي ماشية تمام
لكن خوفك تنسى وترجع ريوس وتنسى الوزنية والهوك وتكمخ اللي وراك

[google-999-]

الله يهديهم ودي امسك هالي يورد الزينون , ابي اجرب عليه ماصورة مونتريال وظغوط على بعد 10 متر :(

[مسير عليكم]

هههههههههههه الله يصلحهم هذا الله يسلمك حلهم تسعاوي لايكبس لك احد ولا يحدك احد ولف ونت مرتاح محد لاز فيك ههههههههه

[خبايا انسان]

مالك ومال المشكال .. اطلب السلامه وافتح الخط لو انه طلع فوق موترك وعداك مطب ..

اما يجيك بزر يعاند وانت تعاند مايصلح كذا

افرض دقك ولا دقيته وانحرف موترك ولا موتره وش تستفيد حادث ولا مصيبه تاخذ بها رقبه

السلامه خير لك

[النغيمشي]

الحلم زييييييييييييييييييييين

[الوسم]

مالك ومال المشكال .. اطلب السلامه وافتح الخط لو انه طلع فوق موترك وعداك مطب ..

اما يجيك بزر يعاند وانت تعاند مايصلح كذا

افرض دقك ولا دقيته وانحرف موترك ولا موتره وش تستفيد حادث ولا مصيبه تاخذ بها رقبه

السلامه خير لك
عقل وثقل يا ابو سعيد

[جيRX-]

لا هوك ولاخساره من تالي المرور يدورون الزله خذ رقم لوحته وبلغ المرور واضحك عند التفتيش هههههه

[اسدهم]

اذايوكن ركب سلة الي تجي ورا وخلها مفتوحه واذاجاك المطفوق ورة السلة
انا ادق فرامل في وجهة وفتح لة الخط يعني سواقة سواق وشايل الفيوز حق الفرامل حاطها للمطافيق من اشوفية يكبس وهو يدري مايمديني افتح لة الخط ابد اخلية يلمس الصدام وعقبها يهجد

[رسيس نجد]

الفكه من جحا غنيمه 0
او مثل ما قال المصري (ابعد عن الشر وغنيله )0

[خبايا انسان]

عقل وثقل يا ابو سعيد

جزاك الله خير

[مكشاتي النماص]

كلما ازدادت سرعتك خف وزن سيارتك فقد تكون مسرع ويجيك دقه في الهوك الخلفي تاكد لن تتماسك سيارتك وراح يحدث خلل بالتوازن بغض النظر عن الضرر اللي بيلحق به
ولكن الحل
ابعد عن الداب وشجرته وريح نفسك من الوجع والمبزرة