حراره المكينه ماترتفع الا اذا الجو حار GXR2007

[iKhalifa]

السلام عليكم
انا جديد بالمنتدي لكن مانيب جديد علي مواضيعكم ومساعداتكم للاخوان ولي الله يجزاكم خير ويجعلها في ميزان حسناتكم

انا عندي مشكله وانتظرت احصل موضوع مشابه لها مالقيت لا في المنتدي ولا في الورش :( :( :(

مشكلتي ياطويلين العمر موتري GXR 2007 قير عادي الحراره في الشتاء ابد ماتقوم من محلها ولا تتحرك الا اذا مشيت 180كم لا وشي مايذكر وال RPM يكون مرتفع يوصل 1 ( 1000) يعني بدايه التشغل ولا ينزل (( لانه اول مااشغل السياره يضل عند ال 1000 ولما تحمي المكينه ينزل الي 600 تقريبا)) طبعا الموتر علي يدي وكاله وفي اغلب الاحيات تكون الحراره علي الربع ما تنقص ابد ولا تزيد الا اذا كنت واقف توصل قريب النص شي طبيعي المهم الموتر ماترنفع حرارته الا في عز الظهر بالصيف تكون طبيعيه والRPM طبيعي..

رحت لورش كثيره بالدمام والخبر ماعينت حل والمشكله ان اكثرهم يقولون هذا المطلووب :):)
المشكله لها فتره مش بسيطه والوكاد اني خايف منها تخبرون حراره ماينمزح معها


السموحه اذا طولتها وهي قصيره وارجو اللي عنده حل او مرت عليه يدلني ومع العلم اني شاري بلف الحراره والحساسات اثنين واحد للقيج والثاني للثروتر (( البخاخ )) لكن حبيت اخذ شوركم بالبدايه يمكن اعين شور ازين منها

وشكرا

[اسدهم]

اشوفها طبيعية موغريبة علا التايوتا صيف او شتاء ماقد خبرتها مرتفعه
خلك علا شغل الوكالة وبس

[فؤادسعدون]

تاكد اخوي من كلشت المروحه

[علي101]

هالمشكلة موجودة عندي
ولربما كان السبب من :
العداد خربان
أو البلف ما يقفل

[sgl2002]

حرارة التايوتا مع الوقوف في اشد الظروف تاصل تحت النص بشرطة

حرارة الامريكي النص ماتتغير

حرارة الباترول الربع


كل موتر له حرارته وقياساته الخاصه لو ارتفع عنها اعرف ان به مشكلة


يعني زي اهل الباترولات لو وصلت الحرارة عنده الثلث يعتبر فيه مشكلة بعكس اللاند تعتبر طبيعية

[hail_ksa]

المشكلة من ماء الراديتر اللي انت معبيه ضد التجمد ويصلح للشتاء فقط

عبه ماء مافيه زيت مانع للتجمد مثل نوع بريستون خفيف وينفع للصيف
وإذا جاء الشتاء غيره

[صدى الاطلال]

غير بلف حرارة صالون ديزل موديل 2002
ونظف الرديتر مع السرندل وعبه ماء احمر تويوتا والباقي ماء مقطر
وباذن الله تنسى الحرارة
وشيك على كلتش المروحة
موفق

[iKhalifa]

اشوفها طبيعية موغريبة علا التايوتا صيف او شتاء ماقد خبرتها مرتفعه
خلك علا شغل الوكالة وبس
مشكوووور علي مرورك ياغالي
مافهمتني جعلك تحيا .. الموتر حرارته الطبيعيه عند الربع الي قريب النصف في عز الحر او الموتر واقف ... انا عندي العداد ما يتحرك من مكانه ماكن الموتر شغال هذا بالليل والظهر ذي الايام طبيعي جدا وفي الشتاء ابد مايتحرك وال RPM عند 1000 دايم ماتنزل لانه لامن حما الموتر تنزل عند 600

[iKhalifa]

تاكد اخوي من كلشت المروحه

مشكووور علي مرورك

غيرته ونفس المشكله ,,

[iKhalifa]

هالمشكلة موجودة عندي
ولربما كان السبب من :
العداد خربان
أو البلف ما يقفل

مشكور علي مرورك

يمكن العداد ,, وديته عند كذا ورشه قالو لي لاتتعبث في موترك دام ما فيه مشكله ارتفاع في الحراره لا تتعبث في اي شي خلك علي مجنونك

البلف اذا قفل بترتفع الحراره علي طول ماظن منه

[iKhalifa]

حرارة التايوتا مع الوقوف في اشد الظروف تاصل تحت النص بشرطة

حرارة الامريكي النص ماتتغير

حرارة الباترول الربع


كل موتر له حرارته وقياساته الخاصه لو ارتفع عنها اعرف ان به مشكلة


يعني زي اهل الباترولات لو وصلت الحرارة عنده الثلث يعتبر فيه مشكلة بعكس اللاند تعتبر طبيعية

مشكووووور علي مرورك ياغالي وكلام سليم

[iKhalifa]

المشكلة من ماء الراديتر اللي انت معبيه ضد التجمد ويصلح للشتاء فقط

عبه ماء مافيه زيت مانع للتجمد مثل نوع بريستون خفيف وينفع للصيف
وإذا جاء الشتاء غيره

مشكوووور علي مرورك

الماء اللي فيه ماء الوكاله شد بلده ماقد تغير ابد من خذت الموتر علي يدي ماغيرته والمشكله ماعانيت منها من قبل تو تجيني من 2007 والموتر معي

[سقم المعادي 1]

اذا الماء على كلامك من الوكاله يعني له 8 سنوات تراها فتره كثيره و جالون الماء حق تويوتا انا قريت عليه ان الماء له صلاحيه محدده ان ماخانتني الذاكره 100 الف كم غير الماء و صيخ الرديتر و بأذن الله تضبط امورك اللاندكروزر مهب راعي حراره الا اذا فيه بلا بالرديتر

[اابو مياس]

ان شاء الله امورك طيبه لاكن للاطمئنان شيك على كلتش المروحه وتصييخ الرديتر

[abo aryam]

السلام عليكم
مشكلتك سبق ومرتني على لاند كروزر 2002 شاريه وكاله فجأة طلعت الاعراض اللي انت ذكرت وحليتها بتغيير بلف الحرارة بواحد جديد فقط لانه كان فاتح على طول وابشرك رجع طبيعي . تحياتي للجميع ,,,

[بلحارث]

اولا انخفاض الحرارة عن المعدل الطبيعي يضر المكينة لان الاحتكاك يزيد بسبب عدم سيولة الزيت لذا الموضوع خطير وعليك التاكد من مؤشر الحرارة والحساس وانه يعطي قراءه صحيحه ايضا الكتاوت للمروحة وانها تفصل

[sanh]

غير بلف الحراره بواحد جديد ديزل وسيارتك مافيها الا العافيه

[iKhalifa]

اذا الماء على كلامك من الوكاله يعني له 8 سنوات تراها فتره كثيره و جالون الماء حق تويوتا انا قريت عليه ان الماء له صلاحيه محدده ان ماخانتني الذاكره 100 الف كم غير الماء و صيخ الرديتر و بأذن الله تضبط امورك اللاندكروزر مهب راعي حراره الا اذا فيه بلا بالرديتر


مشكوووور ياغالي علي مرورك ,,

ابشرك ماشي الان 250000 كم وكل مااجي اغيره عند زول او بكس يحسفوني يقولون حرام عليك تغيره دام كل شي مضبوط عندك الا نزول الحراره ماتاثر معك لكن الخوف ان لعبت فيها خاصه اللي معك ماء شد بلده ماتغير وقد شيكو عليه ماشااء الله نظيييف ومافيه شر

[iKhalifa]

ان شاء الله امورك طيبه لاكن للاطمئنان شيك على كلتش المروحه وتصييخ الرديتر

مشكوووور ياغالي علي مرورك,,,

غيرت كلش المروحه صارت تبرد زياده بيني وبينك خلاص بديت افقد الامل خله لما يطيب راسه من علته لها اكثر من سنه والحمدلله ما شكيت من شي من اثرها غير ارتفاع الريس ( RPM ) وارتفاع الي 1000 بس << بدون مكيف مع المكيف توصل ال 1100 تقريبا طبعا هذا كله في الشتاء او بالجو معتدل

[iKhalifa]

السلام عليكم
مشكلتك سبق ومرتني على لاند كروزر 2002 شاريه وكاله فجأة طلعت الاعراض اللي انت ذكرت وحليتها بتغيير بلف الحرارة بواحد جديد فقط لانه كان فاتح على طول وابشرك رجع طبيعي . تحياتي للجميع ,,,

وعليكم السلام ورحمه الله وبركاته
مشكووور ياغالي علي مرورك

هذا اللي كنت اشك فيه 100% لكن يوم سألت قالولي ان البلف اذا اخترب ترتفع الحراره الي الاخير يعني يقفل بس ما يعلق في وضع الفتح والظاهر اني انتظر بس يشتكي او يحسسني انه يبي يجيب العيد بالمكينه بشيله وبخليه بدون بلف ازين

[sgl2002]

ياخوي لاتلعب بموترك ولا تسوي فيه شي نصيحه


حرارته طبيعيه

انا كان معي شاص نفس مكينتك مع الوقفه والحر توصل تحت النص بشوي
ومعنا لاندكروزر جكسار نفس الشي من طلعناه وكاله
والحين معنا جكسار ٢٠١١ وكاله ونفس الشي

[iKhalifa]

اولا انخفاض الحرارة عن المعدل الطبيعي يضر المكينة لان الاحتكاك يزيد بسبب عدم سيولة الزيت لذا الموضوع خطير وعليك التاكد من مؤشر الحرارة والحساس وانه يعطي قراءه صحيحه ايضا الكتاوت للمروحة وانها تفصل

مشكووور ياغالي علي مرورك

كيف يضر واغلب الجيوب شايلين البلف الحراره مخلينه بدون بلف وانا شخصيا كان عندي لاند 88 من خذته وانا شايل امه انا اللي مقلقني بس الريس ( RPM ) يضل مرتفع علي طول بس اسف ياغالي ما اشك في كلامك صحيح 100% لكن ابي واحد مرت معه المشكله مثل اخوي abo aryam كلامه طمني وبنتظر الشتاء الجاي وببدا فيه اذا استمرت المشكله اول شي بغير البلف والحساسات كلها مثل ماتفضلت واذا ماضيطت المشكله بسحب عليه :) :) :) بخليه علي ماهو

[iKhalifa]

ياخوي لاتلعب بموترك ولا تسوي فيه شي نصيحه


حرارته طبيعيه

انا كان معي شاص نفس مكينتك مع الوقفه والحر توصل تحت النص بشوي
ومعنا لاندكروزر جكسار نفس الشي من طلعناه وكاله
والحين معنا جكسار 2011 وكاله ونفس الشي

صحيح كلامك
بس انا عندي العداد مايتحرك من مكانه ابد في الشتا لكن الان طبيعي بالنهار والليل مايتحرك لمن كان الجو معتدل

[alwali]

اعتقد من الواير اللي في الماكينة حق قراءة الحرارة الكلبس مو راكب عدل
صارت معي الحرارة طايحه على الصفر وانا امشي بالخط وفجاءة ارتفعت فل على طول وقفت وطفيت السيارة
بس تعجبت ان السيارة مافيها حرارة ومسكت الكلبس حق قراءة الحرارة وضغطت عليه واشتغل العداد مضبوط

[خورشيد1]

عندي نفس مشكلتك ع جيب 2003
مع الوقفه ترتفع فوق النص
سيخت الراديتر وشيكت ع المروحه وغيرة غطاء الراديتر وشلت البلف ولا فيه فايدة

ارجوا من الاخوان افادتنا الصراحه مو مرتاح

[اسهيل]

يارجال موترك مافيه شب مثل الي عندي

[رياح الشرق1]

يمكن تكون المشكله كهرب يا حساس ياسلك افحصها كمبيوتر يمكن يكشفها تحياتي

[ابوراكان تبوك]

لازم ترتفع الحراره على الربع حتى عداد الـ rpm ينزل غير كذا انسى

اذا البلف مضبوط خلال 7 دقائق تحمى السياره وينزل عداد rpm

[ابو فهد...]

على كلامك عندك الماء كمل 7 سنوات ظلمته
خذ معك بلف اصلي وجالونين مويه اصلي
ورح لم محل رديترات وقله يسوي لك غسيل يبي باخذ عليك 50 مع تركيب البلف وامورك بالسليم

[شايف نفسه]

مشكور علي مرورك

يمكن العداد ,, وديته عند كذا ورشه قالو لي لاتتعبث في موترك دام ما فيه مشكله ارتفاع في الحراره لا تتعبث في اي شي خلك علي مجنونك

البلف اذا قفل بترتفع الحراره علي طول ماظن منه


ماهو شرط انه يخرب البلف على القفله وترتفع الحراره
يمكن يفتح على الاخير ويخرب ويبقى مفتوح كانه مابه بلف
واللي ظهر لي ان موترك من كلامك حرب بعد مافتح
وهو اللي بالليل ماترتفع حرارته والنهار ترتفع
يعني كان موترك مافيه بلف

غير بلفه واشوف ان بلف الديزل مناسب مثل ماذكروا الاخوان
وحط واحد ماء تويوتا اصلي مع ماء مقطر
وان اردت غسل السرندل والاديتر تعتبر ممتازه

[almo3jl]

المشكله كثير منها بالفوردات وتوضح اكثر وقت الشتا اول شيك اذا بلف المويه موجود اذالا ركب واحد وكاله نفس موديله ونوعه واذا كان موجود من البطى معلق على الفتح يعني لايسكر ولا يفتح كامل فتحصله بالشتا ما يصخن الموتر لانه من تشغل المويه تدخل

الحل غير البلف ويضبط