حرارة الفتك فجأه تغير لون ماء الاديتر

[ابو ف]

سلام عليكم ورحمة الله وبركاته

اخواني معي فتك 2002 الموتر نظيف ولايشكي من اي شي
المهم كنت موقف الظهر والمكيف شغال احتر المكيف نظرت للحراره
حصلتها حول الاتش طفيت الموتر فتحت الكبوت لاحظته مفور المهم فكيت
غطاء الاديتر لفيت معه زيت لونه ابيض وكذلك علبة مبرد القير المهم نظرت
زيت المكينه طبيعي فكيت غطا الزيت ماعليه شي .. سحبت الموتر فريت كذا
ورشه كلن يصرح احد الراس واحد المبرد وياليت اهل الخبره يفيدوننا .. طبعا تماتيك

[هم الشمالي]

اخوي تاكد اذا الموتر فيه بلف حراره يمكن يكون مقفل وشيك على طرنبه الماء

[ابو فهد...]

شف زيت المكينه اذاكان لونه زين
فعندك مبرد القير ظرب

[aljeddawi]

اذا اللون مايل للون الوردي فهو اكييييد خلط اللديتر مع زيت القير
يبيلك لديتر جديد وتنظيف القير وزيت قير جديد وفلتر قير اذا كان فيها
انا مرت علي المشكله والموتر ما رجع يعشق زين

[ابو ف]

فكيت الاديتر طلع مبرد القير ضارب ودورته مالقيته قالو لازم اديتر كامل
والصراحه طرى علي توليف مبرد خارج الاديتر حسب ماسمعت انه افضل ،،
علما ان الاديتر اصلى لكن الميكانيكي يقول الصيني افضل منه واجود واصبر
والله لايهينكم ع كل حال

[sgl2002]

فكيت الاديتر طلع مبرد القير ضارب ودورته مالقيته قالو لازم اديتر كامل
والصراحه طرى علي توليف مبرد خارج الاديتر حسب ماسمعت انه افضل ،،
علما ان الاديتر اصلى لكن الميكانيكي يقول الصيني افضل منه واجود واصبر
والله لايهينكم ع كل حال



اسألني في الباترول وماعليك من الميكانيكي

الرديتر حق الوكالة أفضل مليون مره من رديتر الصيني

وحط له وكالة أحسن مما يرتفع حرارته كل شوي وتروح المكينه

[hail_ksa]

الله أعلم أساس المشكلة واللي سبب لك العطال هو ماء الراديتر

في الغالب البعض يستخدم ماء مانع للتجمد (ماء فيه زيت) وهذا مفيد في فصل الشتاء فقط
أما عند عدم تغييره في الصيف فالماء يبدأ يسبب غليان وحراره زائده على الموتر

والأفضل تعبئة ماء خفيف منتشر عند محلات الرديتر مثل بريستون (مافيه زيت) وتغيره إذا برد الجو

[ابوسند9]

وعليكم السلام
لا تبدل اديتر ولا شي ,,ولا ترهم اديتر وتتعب
روح اشتر طبلات اديتر اعلى واسفل اللي فيها المبرد وسعرها كلها اصلي وكاله ب 500 ريال وبلف حراره اصلي وتحصلها عند الموزعين المتعمدين واعمل تسييخ للاديتر ودامك فكيت الاديتر شيك على طرمبة المويه
واذا ملزم على المبرد الخارجي بدل الطبله السفلي بطبله اديتر قير عادي ,يعني ما فيها مبرد وارخص
وانا ما ادري كيف الاديتر الصيني افضل من الوكاله؟
ولاهم من ذالك شيك على زيت القير لا يكون فيه نسبة مويه

[اسعيد بن عيد]

بسم اللةالرحمن الرحيم الحمدللة والصلاة على رسول اللة السلام عليكم
اخوي مادام الرديتر سليم .حط لك رديتر للقير خارجي . واحتفظ برديترك ونظفة وسيخة
والسلام

[GMC89]

افادوك الاخوان ولا تنسى تغير زيت القير عشان لا يخبط

[abu ghanem]

الاخوان ماقصروا واحب اضيف تأكد من المراوح الاماميه


تم الإرسال بواسطة iPhone بإستخدام Tapatalk