باترول 91 ربع - مساعدتكم يالذيابه

[iBaaSel]

السلام عليكم ورحمة الله وبركاته

صراحه صاير اي مشكله عندي بالسياره أسالكم لأن بصراحه في ناس ماشالله خبره ودايم تفيدوني بحاجات مهمه - يعطيكم الف عافيه مقدما
واتمني تساعدوني بكم مشكله بسيارتي !
ربع نيسان باترول 91

( المشكله الاولي )
الدركسون فيه ونه وثقل لما الف يمين او يسار. لكن اذا دعست بنزين ولفيت تروح الونه والثقل !
علمأ اني اشيك علي زيت الدركسون كويس ماهو ناقص
قبل فتره لقيته ناقص وزدته وصار لي سبوعين اشيك عليه ماينقص

ياليت مشورتكم ايش اسوي
هل ابدل الدوده ام لها حل بسيط. مثلا اصلاح ولا اي شي !!

( المشكله الثانيه )
المشكله غريبه !! هي لما أضغط علي الكلتش والسياره شغاله تبدا السياره ترتعد
او بالاصح تصير السياره غير صافيه !!
علمـاأ اني اذا ضغطت الكلتش اسمع صوت تنسيم والكلتش ثقيل شوي



ربي يوفقكم ويجزا خير كل من لديه علم ويفيد الناس

[هم الشمالي]

اول مشكله الدوده عندك خربانه
وثاني مشكله عندك البكم حق الكلتش يبي اصلاح أو تغيير

[iBaaSel]

اول مشكله الدوده عندك خربانه
وثاني مشكله عندك البكم حق الكلتش يبي اصلاح أو تغيير

يعطيك العافيه اخوي الشمـــالي

في ناس يقولون انه اذا كان فيه صوت وثقل المشكله من طرمبة الدركسون - هل هالكلام صحيح

[ابو فهد...]

المشكله الاولى اتوقع العلبه او الطرمبه حقت الدركسون

[الحميضاني]

السلام عليكم ورحمه الله وبركاته
بالنسبه للمشكله الاولى سيارتي نفس مشكلتك وقالو علبه وما سويتها
اما الثانيه باكم الكلتش ينسم عندك اما تغير الاصلاح او تغيره كله وشكرااا

[SGL]

جرب الطريقة هذي وإن شاء الله يضبط أرفع الموتر من الأمام خلي كفراته الأماميه باالهوا وبعدين عبي علبة الزيت فل وضروري يكون معك أحد تخليه يشغل الموتر ويلف الطاره يمين ويسار الى أخر شي عاد إنت خذ معك مفك مقاس 10 أو 8 وروح عند الدودة راح تحصل مسمار صغير حق تنسيم نفس مسمار تنسيم الفرامل الي في الكليبر المهم تخلي خويك يلف الطاره يسار أخر شي ويوقف وإنت بسرعة تحل في هذا المسمار وترجع تربطه بعدين تخليه يلف يمين أخر شي ويوقف وإنت تحل المسمار شوي وتربطه إلين تشوف الزيت يطلع من هذا المسمار بقوه وبدون هوا أو أي شي كررها 4 أو 6 مرات بس ﻻزم بعد كم محاوله تطفي الموتر وتروح تزيد الزيت وتكمل شغلك وإنتبه تفك غطى العلبه والموتر شغال وبعد ماتخلص خذلك مشوار كم لفه وإن شاء الله يضبط
أما باكم الكلتش شيك على لي الهواء اللي راكب فيه لايكون فيه تنسيم وشيك على البلف حقه تلقاه راكب في الي موقعه في الوسط بين باكم الكلتش وباكم الفرامل وإذا كل شي مضبوط غير الباكم هو واضح إنه خربان من يوم قلت فيه صوت تنسيم بس حبيت إنك تشيك قبل تركيب باكم جديد ويخرب بسبب خلل من البلف أو لياته

[hail_ksa]

^^^
بالنسبة لتنسيم الكلتش واستكمالا للحل اللي طرحه أخي العزيز sgl تابع هنا :
http://mekshat.com/vb/showthread.php?t=274215

[iBaaSel]

هم الشمالي - ابو فهد... - الحميضاني - sgl - hail_ksa

ربي يوفقكم ومشكورين عل مساعده
جاري تجربة جميع ماذكر
وان شالله بخبركم بالــنتايج