ياهل الشلقان وش الحل !!!؟؟

[نشمي911]

السلام عليكم ورحمه الله وبركاته اخواني عندي سلقه سبوق ومدربه وطيبه بس عيبها انه اذا جاه احد غريب ماتنبح فيه ولا تهجمه بل تجلس اذا قرب منها ولا تسوي اي شي وانا اخف عليها من السرقه يجيه واحد غريب وهي مفكوكه وش حل افيدوني ابغاه لوتجفل من اي غريب ماتوقف له وتجلس

[ابوسطام شمر]

لازم تخلي كل يوم واحد من اخوياك يضربها لاكن لا تخليها تشوفك وانت اذا طلع خويك اعطها اكل شبعها حيل ولمسها عشان تحس بالامان معك واذا جاء احد يدخل عليها تنابح

[بوعبداللهuae]

السلام عليكم
بخصوص موضوعك اخي العزيز اتوقع اذا كانت سنها كبير السلقه ماعاد لها حل لانها يمكن من وهي صغيري مخاطه ناس وموالفه

[نشمي911]

السلقه صغيره وتنبح في اي غريب بس لما جاه جلست له وش الحل

[sniuor]

يا هلا فيك يانشمي السلقه اذا ما تخاف من الاغراب هذى شي طبيعي لان السلوقي ماهو زي كلاب الحراسه الشرسه يكثر تعددها وانواعها دلها وخلها معك وقريبه منك بالمقناص واكرمها بالاكل حتى تعرف انك صاحبها الصحيح اما الي يقول خل اخوياك يضربونها وانت اعطف عليها في وجهة نظري انه حرام ولايجوز ضرب الحيوان ابدا مهما كان السبب

تحياتي لك

[نشمي911]

الله لا يهينكم بس السلقه متعوده علي بس وانا راعي مقانيص مابغاه حراسه بس ابغاه تدافع عن نفسها اذا جا احد يب يشله ويربطها

[ابو ثآمر]

ههههه اضحكني الموضوع جداء وبعض الردود للشباب

ياخي السلوقي طبعه المعروف انه وليف مع البشر ويجي اي واحد

وفيه بعض السلق طبعها جفول ولا تجي اللا مع راعيها

اما من سالفة انك تخلي اخوياك يظربونها ترااك تبي تعيبها ولا راح تستفيد منها ابد حتى مقناص

اتركها على راحتها اهم شي تقنص وسبوق غيرها ماهوب مهم

[زياد العنزي]

ياخوي بعض السلق طبعها تخالط الناس وتوالف معهم داايم
والبعض الاخر يجفل من الناس ويوالف معك بس
وهالشي ماتقدر تزرعه فيهن ولا تقدر تغيره .

لاكن الضرب مشكله ولاعمرها صارت حل

[استاذ]

احب افيدك اخوي بارك الله بك والسامعين ان سلقتك مبوهه يعني ماينفع الان ان تدربها على النبح والجفال والمهاجمه
ان تدريب الكلاب على ذلك يكون من عمر اسبوع حيث تعزل في مكان لاترى به الا انت فقط فقط وترضع الحليب باللعق الى ان تستصيغ الطعام
ولاترى احد الا بعد ان تبلغ من العمر اربعة اشهر حيث تفك بالليل وتربط بعيد عن الاعين نهارا
وسلامتكم ياخواني

[صياد الصحراء]

اخوي ماهي جعري تنبح وتهاجم مالك الى تشبيها عشان تجيبلك جراء تتعود عليك بعض السلق يدخل عليها ناس كثير زي الاستراحه وكل يعطيها اكل ماتعرف راعيها قرب النسل من بعض يجيب سلق فيه غباء ومستوى ضعيف
عندي سلق مولوده عندي ماتشوف الى انى في البيت حاطها وتجفل مني مره