وداعاً لضياع البلف من الكاتم بعد اليوم !!!!!!!!!!!!!

[jaber280]

إخواني الأعزاء
السلام عليكم ورحمة الله ،،،،،،،،،،،
الكثير منا يشتكي من ضياع البلف من الكاتم وخصوصا في الأوقات الحرجة ( طلعة البر ) و عند ذهابي لوكيل سب في الكويت وجدت عنده موديل جديد للكاتم ميزته الرئيسية إنك تنسى إن البلف ضاع أو راح يضيع ، طبعاً صاحبكم على طول شراله واحد حجم 10 لتر بقيمة 34 دينار كويتي ، واترككم مع الصور التي توضح كلامي طبعاً هذه الصور من موقع سب ولا اللي عندي في البيت راح أصوره وأبين كيفية عمله بوضوح فانتظرونا ...............الى الصور الأولية .............

هذه صورة الكاتم الجديد :

http://www.seb.fr/seb//database_images/SEB/cocotte_minute_700/cocotte_minute_710/clipso_img_main.jpg


وهذه صورة تبين طريقة غلق الكاتم :

http://www.seb.fr/seb//database_images/SEB/cocotte_minute_700/cocotte_minute_710/ClipsoUSP1.jpg


و لا تنسوا هناك صور سأرفقها فيها توضيح أكثر ففففففففففففففففاااااننننننتتتتتتتتتظررررررررووووو وووووننننننننناااا

و تقبلوا تحياتي

[الاداري]

في انتظارك يا عزيزي

[راعي المستوي]

مرحبا بالجميع
هذا الكاتم جربته من 5 سنين هو ممتاز من حيث المتانة والقوة ودرجات قوة الصمام
لكن فيه مشكلة بسيطة للي يطبخون الرز فيه ولنه من ستانل ستيل يلسع الرز ( يحترق ) من تحت حتى لو قصرت النار

[ابوحنين]

احسن على شان ماندور على الصفيره
هههههههههههههه

[jaber280]

أخوي راعي المستوى
بالنسبة لاحتراق الرز فأنا أطبخ بالقدر و يحترق احتراق عادي يعني مثل الجدر العادي بس أهم شي انك تتابع النار فأول ما تضع الرز تعلي على النار ثم تقصر على النار وتكون الطبخة فوق الممتازة نثرية .

[المسطره]

تسلم اخوي ويعطيك العافيه قدر ممتاز ومجرب



بس مشكلته انه غاااااااااالي بـ400 ريال تقريبا ومستخسر اخذه معي للبر

تبي الصراحه ..ام العيال تعيي :no2:وماتعطيني اياه تقول تخربونه:D

علشان كذاا حدي الصيني ابو 80 ريال هو الي اخذه معي للبر

شكرا لك وتقبل تحياتي

[الكونترولCONTROL]

اذا ضاع البلف نحط عود كبريت ينسم مثل البلف و أحسن ..!!!!
و انتهى الأمر
================================

[jaber280]

إليكم أحبتي الصور - واضحة وما يحتاج تعليق -

http://www.alganasah.com/test/up/ar/100.jpg


http://www.alganasah.com/test/up/ar/140.jpg

http://www.alganasah.com/test/up/ar/102.jpg

http://www.alganasah.com/test/up/ar/103.jpg

http://www.alganasah.com/test/up/ar/104.jpg
http://www.alganasah.com/test/up/ar/105.jpg
http://www.alganasah.com/test/up/ar/106.jpg

http://www.alganasah.com/test/up/ar/107.jpg

http://www.alganasah.com/test/up/ar/108.jpg

تابع تابع تابع

[jaber280]

تابع ما قبله

http://www.alganasah.com/test/up/ar/109.jpg

http://www.alganasah.com/test/up/ar/110.jpg

http://www.alganasah.com/test/up/ar/130.jpg

http://www.alganasah.com/test/up/ar/112.jpg
سامحونا على التأخير .........

[ابوفهد5599]

افا يا المسطره تعيي عايك ام العيال 0 دور غيرها0 الكاتم مع الشقرديه اخر كلام 0 :good:

[سندهم]

مشكور تحس انه مصنوع صح ولذالك بيصير غالي



ولد قلبك الصيني وبس 10 لتر بـــ 80 ريال ارخص خله يضيع له قطع غيار


البلف 10 بعشرة

[سليمان المطرودي]

مشكور اخوي جابر على الموضوع

اخوي المسطرة ، الواجب عليك انك تدعي لام العيال لانها خلتك تستخدم افضل انواع الكاتم وهو الصيني اللي من يوم جاء وحنا تاركين غيره لما يمتاز به من مواصفات اولها قوة الضغط وذلك لثقل البلف اللي ما يفتح الا بدرجة حرارة عالية جدا ما هو مثل الانواع الثانية اللي قبل تحطه على النار وهو منسم ، وثانيها متانة القدر علاوة على ان سعره مناسب

مع تمنياتي للجميع الاستمتاع بربيع هذا العام الذي رزقنا الله فيه بالامطار

[jaber280]

اشكر الجميع
ما في مقارنة بين الصيني والسب الفرنسي ، فقط ارفع الصيني وارفع الفرنسي وانت تعرف على طول الفرق ، إذا الصيني وزنه 1 كيلو ترى الفرنسي وزنه 3 كيلو ، طبعا وزن المعدن الستيل دليل على الجودة وقوة التحمل ، أعرف واحد انفجر فيه جدر الظغط وكان الجدر صيني أو تركي ما أذكر المهم اللي يبي السلامة يتوكل على الله ويشتري له سب وبس ........

[ابو درع]

اسمحلي هذا ماينفع للبر .. حق بيت ومع كذ غالي جداً بنسبه للبر

وجهة نظر

[شغل عدل]

مشكور استاذ جابر وتسلم الايادي

[مليحه]

ونا أخوك والله أذا ظاع البلف أحط سيم ومهنى بزين منه

مشكور على الموضوع والصور

تحيتي لك،،،

[نيتروجين xp]

مبروك الكاتم الجديد والله يعطيك خيره ويكفيك شره


ويبي لي واحد زيه لازم نجربه هل هو موجود عندنا وبكم سعره وهل جميع الأحجام متوفرة ؟؟


وتقبل تحياتي على موضوعك الرائع ..

[الفهادي]

مشكور اخوي على الموضوع بس انت تقول ان القدر سب والصورة تقول تيفال

[jaber280]

السلام عليكم ورحمة الله
أخي المجتهد أكيد موجود عندكم لأن هذه ماركة عالمية .
أخي الفهادي : السب والتيفال شركة واحدة ومصنع واحد وإذا تبي موقعهم أعطيك إياه .

[المسطره]

شرح ممتاز وافي اخوي جابر
يبين درجه الامان العاليه في هالماركه المعروفه ..وفيه شي يمكن ماقاله اخوي وهو ان هالنوع من قدر ساب لايمكن يفنتح وهو مضغوط ..
يعني لازم تفرغ الضغط وبعدين ينفتح ..وهذا الشي يمنع الحوادث الي تصير بالخطاء عندما يجي احد مستعجل ويفتح القدر وهو مايدري.

بالنسبه الاخوان الي يمدحون الصيني ..انا استخدم الصيني في البر ولا اطبخ الا فيه واحاو ل اكون على حذر منه واراقبه دايم لانه مايستخدمه احد غيري

لكن اسمحو لي في البيت وعند الاهل والبزراين ابجيب ااامن شي حتى لو كان غالي
ولله ياجماعه اعرف اشخاص كثيرين انفجر فيهم الكاتم الصيني لكن ستر الله عليهم انهم كانو في البر وغطاء القدر طار فوق وطاح بعيد
لكن تخيلو لو انفجر في بيت وضرب في السقف ورجع على احد من اهل البيت...القصص كثيره ولاهو لازم الوحد يصير عليه الحادث لا قدر الله علشان يعرف الخطر

نصيحه ياخواني لايقول الواحد انا لي زمان استخدم هالقدر ولا صار لي شي ...ارجوانكم لا تستهترون بالامان في البيت خصوصا.. لانه لو قدر الله صار حادث ..الواحد مايقول انا السبب الي شريت الرخيص
وطبعا كل شي بقدر الله لكن الاخذ بالاسباب مطلب شرعي

[أبو محمد]

مشكووور اخوي على الموضوع الرائع والصور الاروع
تحياتي

[ابوعزيزm]

صراحة أنه حلووووو

مشكور على التقرير . . :)

[jaber280]

بارك الله فيكم

[خيال الغلبا]

بكره ان شاء الله اباخذ لي واحد تيفال ثمانيه لتر

بعد مدحكم هذا

لكن سؤالي هل الستيل اثقل من الحديد انا عندي سب فرنسي حديد

[بواسامه]

اخوي خيال الغلبا
مازد سمعت بقدر حديد
يا استيل ولا المونيوم

[عابر]

مشكور أخوي جابر’لاكن هل يتحمل الطبخ على النار أقصد فوق الحطب ؟

[كويشيت]

الله يعطيك العافيه

[jaber280]

الله يعطيكم العافية
اخي خيال الغلبا
اللي عندك ألمنيو وطبعا الستيل أثقل والطبخ فيه صحي
أخوي عابر
يتحمل الطبخ على النار لكن ما أنصحك فيه إذا بتطبخ فيه على الحطب لأن النار عالية وهذا ستيل ومكتوب في التعليمات إن النار لا تصل الى جوانب الجدر وكذلك عندك مسكات الجدر من البلاستيك صح إنها قوية لكن مع الطبخ المتكرر ووصول اللهب إليها ممكن تخرب ولذلك إخذلك ألمنيو وتكون مسكاته ألمنيو كذلك

[عقله]

انا توكلت على الله وشريته 490 اريال 8 لتر بس ياجماعه ام العيال خايفه منه وتقول لازم تجربه لنا وبعدين استعمله ونا والله مالي خبره بهلامور من يقولي طريقه سهله بالطبخ في هذا القدر ... وسلامتكم

[بواسامه]

انا توكلت على الله وشريته 490 اريال 8 لتر بس ياجماعه ام العيال خايفه منه وتقول لازم تجربه لنا وبعدين استعمله ونا والله مالي خبره بهلامور من يقولي طريقه سهله بالطبخ في هذا القدر ... وسلامتكم

والله سهل مره ياعقله
اهم شي اول مره خله يطبخ بحليب كما في توصيات الكتيب اذا هو سب الفرنسي ليحافظ على بريقه0000اذا هو للبيت
ولا للبر شب على حطيبات طز في المنظر0000:D
ثانيا لا تستخدم في الطبخ الا الثلثين فقط والباقي اللي هو الثلث خله للظغط وغلط يكون مليان الى اعلاه00000:good:
وحاول تشوف واحد من ربعك يعرف له واول طبخه به وانت معه وتروح الرهبه اذا انت شايل همه
ولاهو مايحتاج000000000000استاد
ونحن تحت الخدمة ورهن اشارتك
بس كيلوين الحاشي عليك يابعدي000000000:D
وفقك الله

[عقله]

والله يا اخيي ابو اسامه كيلوين حاشي ما هيب قدرك ونت تستاهل حاشي كامل والكامل وجه الله .... بس اني افوح فيه حليب هذي جديده علي هههه ولا قريتها بتعليمات الكتيب المرفق ولكن والله ان اسويها عشان خاطرك ومشكور والله يسلمك من كل شر ان شاء الله.

[بواسامه]

والله يا اخيي ابو اسامه كيلوين حاشي ما هيب قدرك ونت تستاهل حاشي كامل والكامل وجه الله .... بس اني افوح فيه حليب هذي جديده علي هههه ولا قريتها بتعليمات الكتيب المرفق ولكن والله ان اسويها عشان خاطرك ومشكور والله يسلمك من كل شر ان شاء الله.
بيض الله وجهك والشك زايل
مجرد مزح وانا اخوك
وفقك الله

[سلطان العوني]

مشكور وما قصرت اخي الكرريم على هذه الفائده

[عقله]

سلامي للجميع ... وبارك الله فيكم وخصوصا بو اسامه و الاشهب ... لقد تمت العماليه ليله البارحه بسلام ونجاح باهر بهذا القدر العجيب:good: ... وقد قمت بعمل كبسه دجاج لعدد 8 اشخاص ... وكانت المقادير كالتالي 3 حبات دجاج مقاس 800 جم و 14 بياله شاهي من رز ابو كاس بس نسيت احط الملح ولكني تداركت الوضع بعدين وعلى هذه الطريقه المنقوله من الكاتب الاشهب (بالنسبة للمقادير للعدد الذي ذكرت وهو 5 اشخاص كالتالي:
الحقيقة هناك معيار دقيق وممتاز لمعرفة مقدار كمية الأرز المراد طبخة الأ وهو :
احسب لكل شخص مقدار بيالتين شاي من الأرز يعني 5 اشخاص تحتاج إالى مامقدارة 10 بيالات من الأرز هذا معيار ممتاز لمعرفة كمية ومقدار الأرز الي تحتاجها،ومافيه مانع تزودها بيالتين أو ثلاث. رجاحه،خاصة أن الواحد في البر تنفتح نفسة.ولاتنس تربص الرز
البصل :يكفي حبة متوسطة،و قطعها قطع صغيرة وياحبذا لو يكون معها كم فص ثوم.
الطماط:حبة صغيرة إذا كان معك صلصة،ولا تكثر الصلصة.
الزيت :يكفي من الزيت مقدار ملعقة كبيرة واحدة فقط ،واحذر من كثرة الزيت.
الماء:بعد وضع الزيت و حمس البصل والطماط،اسكب الماء وضع الرز في القدر،واجعل الماء يغمر الأرز قليلاً فقط.
الملح:بالنسبة للملح بعد وضع ذلك كلة،ضع كنية قليلة من الملح ثم قم بتذوقها وإذا احتجت للزيادة قم بزيادة الملح وتذوقه في كل مرة حتى يصبح مقدار الملح مناسبأ.
مدة الطبخ:بعد وضع جميع المقادير أغلق القدر الكاتم ولاتنس ان تضع ((صفارة)) القدر،ثم ضعها على نار عالية حتى يصفر القدر،بعد ذلك قم بتخفيض النار واجعلة على نار هادئة لمدة ربع ساعة

اخير قرر مجلس العائله ان تكون كل يوم ثلاثاء تجربه طبخه جديده وسوف يكون طبخه الاسبوع القادم هي (( مطازيز )) ارجو من لديه الخبره تزويدي بالطريقه بشكل واضح ومرتب;) ..... تحياتي لكم جميعا

[ملفي و مقفي]

يعطيك العافيه على الموضوع الجميل والمفيد
تقبل مروري

[السااهر]

انتبة عن القبا بيط تر تسكر البلف

[زايد4]

القدر هذا حصلته عند ساكو ب 500 ريال

[عقله]

السلام عليكم جميعا .....اخي الساهر ..انت علمنا وشلون طريقه القبابيط والبلف خله علينا ... اخي زايد انا شريت حجم 8 لتر ب 490 اريال ينطح اريال بس اخونا من الكويت يقول انه شراء حجم 10 لتر بقيمة 34 دينار كويتي .... لهذا السبب اطمر الله يهينك للكويت وجبلي واحد على دربك ... وسلامتكم

[رقبة حاشي]

يا اخوان ........ نصيحه :
اشتر استانليستيل فقط فقططططططططططططططططططططططططططط
ولا تشتري المعدن او الالمنيوم .....الخ
لانهم اكتشفوا ان المعدن يسبب فقد الذاكره وهذا الكلام سمعته من دكتوررر ........ والله من وراء القصد

[jaber280]

جزاك الله خير اخوي رقبة حاشي
بالنسبة لهذا الجدر فهو استانلستيل اصلى وطيب والاسعار اللي ذكرتها كان وقت العرض والآن أظنه أغلى شوي بس ما عندي فكرة الحين بكم سعره .

[ابو ناصر2020]

اذا ضاع البلف نحط عود كبريت ينسم مثل البلف و أحسن ..!!!!
و انتهى الأمر
================================





عود كبريت بلك ماقد شفت الدجاج طاير ورز باذر الأرض




الكاتم شطب عليه لصار مابوه بلف .

[jaber280]

صح لسانك يا بو ناصر

[غاوي طرب]

لاهنت وبيض الله وجهك

[أسامي]

برأيي المتواضع ارى ان الكاتم بدون بلف يمشي الحال
يعني مافيه فرق كبيررررررر
وخصوصا اذا بيحرق الرزززززززززز
لك عليه شوي
وتقبل مروري

[waleed_458]

يعطيك العافية معلومات رائعة

[راعي البرقا]

الله يعطيك خيره ويكفيك شره ومشكور أخوي

[googl11]

اغرس فص بصلة محل البلف اذا ضاع وراح تدعيلي بس انتبه لاتقشر الفص

[jaber280]

الله يعطيكم العافية
اخوي جوجل وش تسوي البصلة عند الضغط العالي ؟ ؟ ؟ ؟ ؟ ؟

[ابو عمر النوح]

مشكور أخوي جابر على هالشرح الوافي المصور و ما قصرت ، تقبل مروري .

[النمرالتميمي]

تسلم اخوي بس هل هو عملي ام لا
نخاف تجي النكبة اللي مهيب ضيعة البلف
وتقبل مروري

[jaber280]

اخوي ابو عمر
حياك الله
اخوي النمر التميمي
القدر عملي جدا جدا جدا

[الهدب]

مشكور على المعلومة

[راعي المقناصه]

يعطيك العافيه اخوي جابر

على الموضوع الرائع


وتقبل مروري وتحياتي

راعي المقناصه

[turkey]

شكرا اخوي جابر

المسطرهـ
اسطرلك احترامي
(خيركم خيركم لأهله وأنا خيركم لأهلي)..حديث

[jaber280]

حياكم الله
وبارك الله فيكم

[googl11]

الله يعطيكم العافية
اخوي جوجل وش تسوي البصلة عند الضغط العالي ؟ ؟ ؟ ؟ ؟ ؟
تعمل عمل البلف

[عاشق النداوي]

يعطيك العافيه اخوي

[mutleb]

أخوي جابر أشكرك على القدر
إذا شريته إن شاء الله بكتب عليه اسم قدر جابر ...... ههههههه

وش رايك

تحياتي لك

[قرموش]

بس مشكله سب غالي شوي

[هواوي]

سيب شركه قويه ورائده في مجال ادوات الطبخ وعشان كذا انا اثق في اي منتج من منتجاتها

[الشنه]

اذا ظاعت الصفيره
نحط قطعة قطدير او نقلب عليه فنجال قهوه

اما بشتري هالقدر بهالقيمه اسمحلي الميزانيه ما تسمح

[jaber280]

حياكم الله وبياكم وبارك فيكم
اخوي الشنة لكل مميزات وعيوب والمميزات لها سعر والعيوب لها سعرها
تقبل تحياتي