سؤال الي الخبراء

[طارق السراني]

متي دخل الصيف فعلي

[النعائم]

فلكيآ في 7يونيو منزلة الثريا اما دخول الصيف فعلي يفدونك الشباب

[اس2]

يدخل الصيف فعليا ثاني يوم من الشبط؟؟؟والاكيد بعد بكره في 22-يونيو.. اظبط الساعه تعرف اطول نهار واقصرليل وبعد ستة ايام يأخذ الليل من النهار..وتراني منيب خبير بس مذاكر مضبوط..والله يستر

[طارق السراني]

شكرا ماقصرتوو
لكن خبيرنا اب وش يقول

[اس2]

وش قالوا لك حنا في حراج تقول من يزود ..الله يسامحك ترى ماجبنا شي من النت يعني معلومات قديمه وحنا اهل فلايح وقولة خبير كايدة اليوم ما تعرف الخبير من قوقل بعدين ياخي كلف على نفسك وابحث بنفسك بدال ما يبحثون لك الناس الاخ النعايم اعطاك دخول فصل الصيف وانا عطيتك وقت الانقلاب اللي هو جواب سؤالك عن بداية الصيف الفعليه والا تبي اقول لك حنا ثاني اوثالث يوم من التويبع النجم الثاني من القيض والزوال فيه والظل يزود والماء يجمد الظهر وكل هذا ولاتشرب ذاك ونصف الكرة الارضيه شتاء والنصف الآخر صيف وش تبي ازود

[طارق السراني]

بيض الله وجهك ﻻكن ﻻتعصب عليناا

[ااب]

شكرا ماقصرتوو
لكن خبيرنا اب وش يقول

الله يسلمك ويبارك فيك والإخوان الذي أجادوا وأفادوا.

بالنسبة لي يدخل الصيف فعلياً أذا حسيت أني أحتاج لتشغيل المكيف.

سؤالك في الظاهر سهل وفي الحقيقة صعب.
إذا كنت تقصد فصل الصيف، أحد الفصول الأربعة، فهناك اتفاق عالمي على دخوله وقت الانقلاب الصيفي والذي يكون يوم 20 أو 21 من شهر 6 الشمسي، يونيو.

والعرب عندهم الصيف هو الربيع، أما الموسم الحار فيسمونه القيظ.
والقيظ عند العرب يبدأ بطلوع الثريا حوالي 7 يونيو، ويقولون القيظ يبدأ بطلوع الثريا وينتهي بطلوع سهيل

ولكن إذا نظرت لحال البادية وأهل الفلايح، ستجد أن مواسمهم تناسب نشاطاتهم من القرب والبعد عن
الآبار أو من العناية بالري والنخيل.

كما أن الحر يختلف من منطقة لأخرى، إذا كان المقصود بالسؤال شدة الحر.

وأخيراً بالنسبة لتغيرات الطقس فخبرتي فيها تكاد تكون معدومة. والذي استطيع أن أفيد فيه هو اسماء النجوم عند العرب ومايتعلق بها.

[طارق السراني]

شكرا لك ياخبيرنا اجابتك الي سؤال مليااانه وﻻ قصور من الاخرين

[شين وزين]

http://linkis.com/www.almisnid.com/alm/q1nimhttp://

[مزن طيبة]

الله يجزاكم خير على المعلومات