قدر الضغط انشق من تحت وش الحل

[ابوشهد575]

﷽

السلام عليكم يالنشاما جميعاً
عندي قدر ضغط 33 لتر المنيوم وانشق
من تحتت بسبب النار طبخت فيه
مندي بدون ماء وحصل الي حصل
الشق يدخل معه الاصبع تقريباً
هل استطيع تلحيمه ؟
من يفيدنا وله صادق الدعاء وجزيل الشكر

وشكراً

[ابوصالح3]

عشان سلامتك اشتر جديد واجدع هالمشقوق لاتحاول تصلحه ابد ابد

[camping expert]

اصلاحه خطر ... هذا ضغط+نااار

[شادي الاول 1]

اشتر لك جديد افضل

[ناصح]

اشتر جديد



السلامة لا يعدلها شيء



وما دام المونيوم فهو اكيد من النوع الرخيص فلا تتحسف عليه

[ابو كشتة]

لاتبيع عمرك عشان 200 ريال

[ابوشهد575]

شكراً لكل من شارك ورد ونصح
بارك الله فيكم جميعاً خصوصا اخوي تساهيل الي وصفني بالغباء��
ياخواني الكرام والله ماهمتني قيمته والحمدلله بخير ونعمه
لكن الهدف منه استخدمه للمندي يعني مجرد برميل
احط قدري وشبكي وسطه لا يلامسه الطعام ابداً.
وبالنسبه للطبخ لا استخدم الا سب استيل عندي منها اربعه
وكان هدفي اصلح الشق لكي استفيد منه
للمندي خصوصاً ان حجمه كبير ٣٣ لتر

شكراً لكم جميعاً واتمنى ممن لديه معلومه عن تلحيمه يطرحها لتعم الفائده للجميع

[ابوشهد575]

ههههههه
عزيز وغالي

[مكشاتي سبشل]

السلام عليكم
عندي لك اقتراح وجربه منت خاسر شي قبل التلحيم الي يمكن يضبط معاك ويمكن لا
غط الفتحه بقصدير عادي وشوي رمل واطبخ فيه المندي
وان شاء الله بيزبط معاك بدون تلحيم و وجع راس

[اصيل نجد]

السلام عليكم هلا باخوي ابو شهد
اخوى من ناحيه القدر والله ماودي تسويبه اي شي لاانه قنبله موقوته الله يكفيك شره لو ماهو قدر ضغط قلتلك رقعه ماهو مشكله بس قدر ضغط لا . ربي يحفظك من كل شر .

[ابوشهد575]

حياكم الله جميعاً

الاخ الكريم اصيل نجد الله يكثر من امثالك


وتحياتي للجميع

[رسيس نجد]

بارك الله فيك على سعه الصدر والحلم وطيب الرد وهذه من صفات حبيبنا محمد عليه الصلاه والسلام 0
وانا من رائيي انك تعرضه على فني تلحيم الومنيوم وهو الي يحدد الصلاحيه من عدمها 0

[بدران الدوسري]

من رايي المتواضع تمر على المحلات الي يبيعون قطع غيار

لعلك تلقى اخو الي عندك مستعمل وبسعر حليل

بالتوفيق

[سقم المعادي 1]

مر به على ربابين الدلال يمكن يصلحونه او يعلمونك وين يتزين

[ابوشهد575]

بارك الله فيكم اخواني الكراام

اجمل تحياتي لكل من مر او شارك

[مسير عليكم]

امره بسيط مر به مخرطه ووره الشق ويلحمه لك ويصنفره هذا اشوفه انسب حل وخصوصن طبخ يعني محل الشق اذا لحم لازم يصنفر ولا بيجمع وسخ ويبهذلك ورايي لك بقيمه الخرط شف لك قدر ابوعراوي
ونتبه تحط الغراء (ابوكسي - حار بارد - لحام الحديد A B ) مدري وش تسمونه الي هذا صورته
http://www.p-wholesale.com/upimg/15/58a1/epoxy-steel-5-minutes-kwik-set-583.jpg

[قطاع الارماس]

الحل الوحيد انطله بااقرب زباله اكرمكم الله



ولا تخاطر بنفسك ومن معك

[وجعين]

بعض الردود استغرب منه يقولك اشتر جديد لو يبي يشتري جديد ما حط الموضوع بعدين ربعنا اي شي يخرب ما يحاولون إصلاحه على طول يرميه اذكر انا كتبت موضوع عن كفر جديد بزرعه منشق مع الجنب وأكثر الردود أشتر جديد واخر شي رقعت الكفر رقعه حراريه ورحت عليه لشرقية ومكه والرياض والى الان الكفر في الخدمه الزبده تقدر تلحمة شف حقين الدلال الي يربون الدلال ويلمعونه هذي شغلتهم

[مغامر الديرة]

مربه على محلات اللحام الالمنيوم يمكن تلقالك واحد يلحمه

[عاشق القصيد]

المشكله وانا اخوك في الضغط الحاصل للقدر
يعني لو لحمته تلحيم ممتاز
مع الضغط وقت الطبخ راح تكون نقطة الضعف في الحام وومكن من اول طبخه بعد التلحيم ينطلق وا بعد عدة استخدامات
هاذي وجهة نظري والخيار لك

[محل الثقة]

السلام عليكم اخي الغالي

احي فيك دماثة خلقك

مايصلح لو تركب مسمار وصامولة ..دام الدعوى مايلمسة طبخ ...وفيه مسامير نحاس حقات الكهرب تتحمل الحرارة .

[حزوبر]

اخوي رح حراج بن قاسم عند البسطات إلي في السوق(خصوصا"يوم الجمعة والسبت)
تحصل الكثير من نوع قدرك ، اذا كان صيني سعر القدر من عشرة ل 15 ريال، أما اذا سب فسعر القدر بدون غطا في حدود 50 ريال
يوم الجمعة تحصل البساطين من عند الاشارة الي تحت الكبري ، بس اسم بأي سعر ويقول لك نصيبك
لا تلحم القدر المستعمل افضل من التلحيم

[البانيلي]

صباح الورد

تبي تتعب وتلحمه وبالاخير بينشق

اخوي مالك الا حل اخونا اللي قال قال حط

قصدير ورمل حل جدا ممتاز بس خل القدر

بعيد عنك

وانا كان عندي قدر وانشق نفس طريقتك

وجدعته

المندي ماله الا برميل وحفرة

[عبون الجواء]

السلام عليكم ورحمة الله وبركاته
مثل ما افادوا الاخو
وانا عندي لك اقتراح وان شاء الله يعجبك
قص كامل من تحت وخلها برميل مندي مجرد اذا طلعت احفر حفره وضعها في مكانها واذا بغيت تفصيلها ابشر بسعدك

[tabtab055]

خذ نصيحه من اخوك.....شيل فكره التلحيم نهائيا واشتر لك واحد جديد اضمن وافضل لك اسأل الله لك السلامه من كل شر

[المتلولس]

مثل ماقالوا اكثر الاخوان التلحيم خطر جدا

[حب لاينتهي]

الجديد احسن وأمان

[no fear 78]

شوف غيرو
حتى لو تلحمه بيكون لك قنبلة و سم هاري لانه الماده المستعمله للحام غير صالحة للاكل

[ابوشهد575]

بارك الله فيكم اخواني الكراام
ارآئكم كلها مشكوره
اجمل تحياتي لكل من شارك
لاعدمتكم

[شلويح707]

السلام عليكم
اخوي مر على المخرطة ويلحمونة لك قد شفت قدر حق مطعم يلحمونة ومن ابدع مايكون

[ابن كديميس]

السلام عليكم
اخوي مر على المخرطة ويلحمونة لك قد شفت قدر حق مطعم يلحمونة ومن ابدع مايكون

رائي سديد مابه حل الا كذأ :good2:

[الذيب جيعان]

مشكله المندي بقدر الضغط يخربه


ومريت في نفس المشكله بقدر ضغط سب


يعني يكلفك المندي 800 ريال


ههههههههههههههههههههههههههههه

قيمه نفر مندي + قدر ضغط

[سامي 3000]

لا تصلحه ابداااااااااااااا ........ الا اذا اردت تستخدمه بدون كتم .... أي قدر عادي

تراه ..... قنبلة متفجرة .... ونفس نظام القنابل البارود بس هذا للطبخ .... هذاك يفجرة ضغط البارود بالانحراق وهذا أي خطا يفجرة ضغط الهواء ..... ولو فيه خير ما انشق من النار .... الحمد لله ما انفجر عليك .....

http://www.alrahalat.com/vb/uploaded1/1557_11231676417.jpg

http://t2.gstatic.com/images?q=tbn:ANd9GcRnNH7tBWZSdGSIVlI4mrSoF9XkYHDad KRvOIo88knU2NvUoKeeGw

[alyahya2]

طوحه طول يدك السلامه اولى 00000000