الله يعافيكم ضروري ابي الحل ( فورد تورس )

[aboaody]

السلام عليكم ورحمة الله وبركاته

الله يبلغنا وياكم رمضان ويتقبل منا ومنكم صالح الاعمال

ياجماعه الحمد لله اشتريت فورد تورس (( ماشاءالله تبارك الله ))

بس عندي مشكلتين وابيلها حل

اول مشكله عندي المكيف الظهر ماينفع ولا بريال هوا عادي كانه مكيف صحراوي ماينفع علما بانه باليل ماشاءالله مضبوط


ثاني مشكله القير الظهر والعصر تبديلاته موب سلسه تحس به حنه وهذا طبعا اكيد يرجع لحرارة الجو لان زيت القير يحتر

علما بان حرارة السياره طبيعيه وثابته

ابي نصايحكم عشان الواحد يحافظ على قير السياره ..

بخصوص المكيف وش حله هل أركب مروحه اضافية بين الشبك والديتر ؟


وبخصوص القير هل اركب له مبرد قير ؟ لان تعرفون السياره سيدان موب جيب فهل ينفع لو اركب مبرد قير ؟



عندي بالبيت مراوح رنج روفر سرعه وحده شاريها قبل سنتين تتوقعون تفي بالغرض لو اركبه ؟

[سقم المعادي 1]

اخوي السيارات الصغيره مراوحها كهرب شد بلد يعني مافيه فرق يستاهل لو تبي تركب مروحه اضافيه هذي تصلح للجيوب اللي مراوحها على سير

شيك على دينمو المراوح يمكن وحده ضعيفه او الفريون ناقص

و القير ماعندي علم يفيدونك الشباب

[aboaody]

اخوي السيارات الصغيره مراوحها كهرب شد بلد يعني مافيه فرق يستاهل لو تبي تركب مروحه اضافيه هذي تصلح للجيوب اللي مراوحها على سير

شيك على دينمو المراوح يمكن وحده ضعيفه او الفريون ناقص

و القير ماعندي علم يفيدونك الشباب


الله يعافيك بس السياره جديده مطلعه قبل 4 شهور ماتوقع بينقص فريونه

الله يجزاك الجنه

[Nasser33]

زيت القير بالتورس يغير كل 32 الف كليو وموجود كلامي بالكتالوج
وبعد تغييره بتتغير عليك سلاسة التعشيقات بشكل ملحوض
وبالنسبه للمكيف ما اتوقع ان الفريون ناقص وانت مطلعها قبل
4 شهور شف فلتر المكيف يجي ورى الدرج نظفه واذا ما فاد
مالك الا الوكالة

[اسدهم]

اذاهي وكالة رح علا الضمان بلاش

[hail_ksa]

ماشاء الله يعطيك من خيرها ويكفيك كل شر

# المكيف .. معروف وقتنا هذا المكيف مايبرد وحاول توقف موترك بمكان فيه ظل أضمن لك تبريد المكيف 100%

# القير صارت معي بالتورس ووديته للوكاله سوو له (برمجه) على الضمان وضبط معاي .

# نصائح للمحافظة على قير التورس خصوصاً و (الفورد) عموماً :
1-عدم تركيب إطارات مختلفة المقاسات كأن يكون مقاس الأمام أطول من الخلف .
2- التشييك على زيت القير حسب جدول المسافات الموضح في دليل المستخدم .

[aboaody]

زيت القير بالتورس يغير كل 32 الف كليو وموجود كلامي بالكتالوج
وبعد تغييره بتتغير عليك سلاسة التعشيقات بشكل ملحوض
وبالنسبه للمكيف ما اتوقع ان الفريون ناقص وانت مطلعها قبل
4 شهور شف فلتر المكيف يجي ورى الدرج نظفه واذا ما فاد
مالك الا الوكالة

الله يعطيك الف عافيه ، كم علبة زيت القير يحتاج ؟

بخصوص الفلتر نظفته بس مافرق الظهر

[aboaody]

اذاهي وكالة رح علا الضمان بلاش

اي والله وكاله ، والمشكله الموتر بينجدع عندهم يومين وبيتفلسفون على غير سنع وانا محتاج الموتر

[aboaody]

ماشاء الله يعطيك من خيرها ويكفيك كل شر

# المكيف .. معروف وقتنا هذا المكيف مايبرد وحاول توقف موترك بمكان فيه ظل أضمن لك تبريد المكيف 100%

# القير صارت معي بالتورس ووديته للوكاله سوو له (برمجه) على الضمان وضبط معاي .

# نصائح للمحافظة على قير التورس خصوصاً و (الفورد) عموماً :
1-عدم تركيب إطارات مختلفة المقاسات كأن يكون مقاس الأمام أطول من الخلف .
2- التشييك على زيت القير حسب جدول المسافات الموضح في دليل المستخدم .
الله يعطيك العافيه ماقصرت معلومات قيمه بمرهم ان شاءالله واشوف وش يقولون

الله يجزاكم خير

[الهدد الاشهب]

غريبه انا توقعت انه موتر مستعمل لكن بالردود تقول فاكه جديد
انت متأكد من انك تشغل المكيف بالطريقه الصحيحه يعني الفورد من تجربتي مع الفكتوريا المكيف اللمس غثيث شوي متأكد انك تحطه على MAX/AC اذا متوفر هالخيار عندك او ان الكمبرسر يشتغل ولا شغلته على وضع المروحه فقط ؟

ممكن الواحد يجهل باستعمال الموتر بشكل سليم اذا صار توه شاريه انا اقول تأكد قبل بس و خل الوكاله اخر شيء و دامها على الضمان مامنها خوف

[Nasser33]

الله يعطيك الف عافيه ، كم علبة زيت القير يحتاج ؟

بخصوص الفلتر نظفته بس مافرق الظهر

تحتاج ياطويل العمر 5 علب زيت motorcraft lv
ومر اقرب بنشري تلقى سرة القير تحت القير بالضبط افتحها وتلقى الزيت ينزل
انتبه الزيت حار وبعد ما يطلع كل الزيت سكر السرة وافتح الكبوت تلقى عيار زيت القير
تحت قربة فلتر الهواء بالضبط و للمعلوميه التورس فلتر القير حقة داخلي ما يحتاج يتغير الى في حالة فكيت القير للتوضيب فقط
والمكيف رح للوكالة أفضل لك اذا السيارة تحت الضمان

[سقم المعادي 1]

الله يعطيك الف عافيه ، كم علبة زيت القير يحتاج ؟

بخصوص الفلتر نظفته بس مافرق الظهر

اخوي يوم قلت لك يمكن الفريون ناقص قلت لي ان الموتر مالك 4 شهور مطلعه معقوله اجل في 4 شهور بتغير زيت القير , كم مشيت عليه !؟

لاتغيره ود الموتر على الضمان يمكن فيه عله و بعد تغييرك للزيت يدبسونها فيك سوء استخدام او غيره

[aboaody]

غريبه انا توقعت انه موتر مستعمل لكن بالردود تقول فاكه جديد
انت متأكد من انك تشغل المكيف بالطريقه الصحيحه يعني الفورد من تجربتي مع الفكتوريا المكيف اللمس غثيث شوي متأكد انك تحطه على MAX/AC اذا متوفر هالخيار عندك او ان الكمبرسر يشتغل ولا شغلته على وضع المروحه فقط ؟

ممكن الواحد يجهل باستعمال الموتر بشكل سليم اذا صار توه شاريه انا اقول تأكد قبل بس و خل الوكاله اخر شيء و دامها على الضمان مامنها خوف


اي بالله جديد يالله لك الحمد

الموتر ستاندر المكيف فرار

[aboaody]

تحتاج ياطويل العمر 5 علب زيت motorcraft lv
ومر اقرب بنشري تلقى سرة القير تحت القير بالضبط افتحها وتلقى الزيت ينزل
انتبه الزيت حار وبعد ما يطلع كل الزيت سكر السرة وافتح الكبوت تلقى عيار زيت القير
تحت قربة فلتر الهواء بالضبط و للمعلوميه التورس فلتر القير حقة داخلي ما يحتاج يتغير الى في حالة فكيت القير للتوضيب فقط
والمكيف رح للوكالة أفضل لك اذا السيارة تحت الضمان


الله يجزاك خير على النصيحه , يعني على كلامك مايجي فلتر عادي زي الجموس والبليزر ظاهر . ؟ جوا القير مكانه ؟

[aboaody]

اخوي يوم قلت لك يمكن الفريون ناقص قلت لي ان الموتر مالك 4 شهور مطلعه معقوله اجل في 4 شهور بتغير زيت القير , كم مشيت عليه !؟

لاتغيره ود الموتر على الضمان يمكن فيه عله و بعد تغييرك للزيت يدبسونها فيك سوء استخدام او غيره

مشى 20 الف ( ماشاءالله تبارك الله )

بحجز موعد معهم واشوف وش يصير معهم , واعلمكم بالنتائج


الله يجزاكم الف خير