تكفون يرجال والله الاف جي جنني

[f.k.k]

السلام عليكم
يرجال معاي اف جي 2008 فيه مشكلة تفتفة بالقومه يقطع ويفك يرجال كورلا تروح علي بالقومه يكتم ويفك
المشكلة الثانيه الاربي ام بعد 2 يبدا يتفتف
علما اني مغير صفاية بنزين وبواجي ومنظف بخاخات ومغير كلتش مروحة ولا راحت والله حالتي حاله تكفون تكفون شوفولي حل
وعلما اني مركب انتيك K~N:r

[اسدهم]

ال2ثروتل نضفه ومتي اخرمرة غيرت زيت القير اذاكان تماتيك وعندك حساس حق القربة الهواء غسلة بخاخ من ساكو علية رسمة فيش

[sgl2002]

يالحبيب

هذا حساس الهواء غيره

[مظلووم]

نظف حساس الانتيك والثروتر

[f.k.k]

زيت القير غيرتة قبل 4 شهور والتروثل والا اير ماس نظفتة بس مارحت التقطيعه

[hassan-55]

باقي تفحص الكويلات احتمال كبير يكون منها
صارت معي من شهر تقريبا وطلع عندي كويلين خربانه
و قلت مره وحده غيرتهم كلهم
تأكد منها
غايه شوي الله يعيننا وياك
اذا طلع منها خذ اصلي
انا لقيت بالتشليح على 70 ريال الوحده
لكن انا دائماً افضل الجديد الاصلي
عند النهدي ارخص من الضحيان فرق تقريباً 30 او 40 ريال

الله ييسر امرنا وامرك وامر كل مسلم..

[hassan-55]

^^
تأكد منها مر كهربائي قله عندي تفتفه افحص الكويلات
واذا تأكدت منها ان كان رخيص غيرها واذا غالي
تراها سهله جداً انا غيرتها بنفسي ووفرت 120 ريال شغل يد!!

سؤال//
في كربون دخان اسود من الشكمان؟؟
اذا نعم من الاير ماس

اسأل الله لنا ولكم التوفيق..

[f.k.k]

الله يسعدكم
مافيه دخان من السيارة واليوم راح اكشف ع الكويلات الله يسعدكم ويجزاكم بالجنة

[ابوسند9]

وعليكم السلام
يا خوفي يكون احد مسامير اللهات طايح في خانة احد البساتم ومؤثر على احد البلوف
وان شاء الله ما يكون منها

[الحربي 591]

اخوي مع التشغيل تسمع صوت تكتكتكتك سريع؟

[جمس _ 2002]

ياخوفي والله اسلاك البواجي هاذي مشاكلها

[f.k.k]

لا مافي صوت بالتشغيل

[AbdulAZiz M]

الله يعينا وياك

الكويلات ما تخرب في التويوتا إلا نادرا وما اتوقع منها واللي يخرب راس الكويل الجلده ( تتوسع ) وتهرب كهرباء ويضعف العزم في الحر وما تسبب تفتفه والجلد تغيرها من العضيب

بما انك مركب فلتر كي اند ان ممكن حساس الهواء عندك عليه زيت من الفلتر والبخاخ الخاص بتنظيفه موجود في ساكو

والثروتل كذلك اذا نظفته وهو محله ما تستفيد شيء الافضل انك تفكه من مكانه وتنظفه بباخ اي سي ديلكو وبعدين تنفخه هواء

[hassan-55]

كلامك اخوي عبد العزيز مضبوط الكويل اذا توسعت جلدته او فيه قطع يهرب كهرب لكنه يسبب تفتفه قد مرت علي قبل شهر تقريباَ وانا متأكد منها

بالنسبه لراعي الاف جي

جرب طريقه بسيطه سوها بنفسك انا سويتها واختبرت الكويل بالذات الاول
كان في قطع بسيط
الطريقه /
فك الكويل ولفه بشطرطون فوق الجلده
وجربه يوم اذا ضبطت فكه وركب جديد اصلي
انا بأحاول اساعدك بضيف لك صورة الكويل قبل وبعد لفه
الاختبارهذا مشاني يوم او اقل بعدها رجعت التفتفه بسبب الشطرطون ذاب من الحراره
وبعدها غيرت بجديد

اسأل الله لنا ولكم التوفيق..

[ك و ح]

تأكد من دبة البيئة قد تكون متسدده لان قد حصل معي في الاكستيرا يوصل الضغط 4 ويفصل والسرعة ماتتعدى 80 وصار سببها سدد في دبة البيئة

[hassan-55]

http://store2.up-00.com/2014-06/1403611217281.jpg

http://store2.up-00.com/2014-06/1403611217372.jpg


عندي اثنين نظيفه مافيها قطع وان شاء الله شغاله اذا تحتاجها وتركب عندك خذها
والاثنين اللي بالصوره مقطوعه جلدتها

واي احد يحتاجها ياخذها مجاناً يجرب عليها لعلها تفيده

اسأل الله التوفيق للجميع..

[خيال911العليا]

اخي صاحب الموضوع

معي فورتشنر وكان يقطع أحياناً مع القومة وغالباً وهو ماشي ولا خليت شي ما غيرته وبالنهاية صار البلا من طرمبة البنزين لأني أعبي من محطات هجر وقرى ولقيت التانكي مليان رمل والطرمبة خربانة
غيرتها ونظفت التانكي وضبط ولله الحمد

[f.k.k]

الله يجازاكم الف خير والله ماقصرتو الله يسعدكم انت رجال ينسند الظهر عليه
اخوي راعي الكويلات انا بشيك عليها والله انشغلت ولا قدرت اروح الورش لكن اليومين هذي اشيك
وبالنسبة لدبة التلوث او الرصاص فكيتها
ماقصرتو يارجال

[اابو مياس]

افحص ضغط طرمبه البنزين. احتمال كبير منها

[مميز11111]

حصلت معي تفته في جمس وشيكت على كل شيء ودفعت مبالغ كبيرة
كلن يقول لي شيء
واخرتها طلع واحد من البواجي
والسالفة اني غيرت البواجي وقام الهندي اللي غيرها وشد بقوة على واحد منها وتسبب في شعر بسيط
والبداية كانت تفته بسيطة وكل مالها وتزود مع الوقت وتسببت ايضا في خراب سلك البوجي المكسور
الله يعينك