اكسبلورر عزمة ضعيف وطقة في القير قوية

[محارب بلاسلاح]

يا أخوان الله لا يهينكم عندي اكسبلورر غيرت له فلتر زيت للقير اليوم وصار يطقع طقة قوية في كل التغييرات تقول بينكسر القير.
وعزمة صار ضعييييييييف جدا . حتى لما أهدي ويرد التغييرة السابقة ينتف ويطق نفس الطقة . الله لا يهينكم من لديه حل يفزع لي

[ابو خالد 8]

اذا هو 2006 فيه عيب مصنعي بالقير وانا كان يطق عندي القير فالـR وصلحته عند الوكالة على الضمان بوقتها
واذا انت فالرياض فيه ورشة البيان قدام المعارض فشارع عبدالرحمن بن عوف فلبينين شغلهم نظيف وسعرهم زايد شوي

[hassan-55]

قبل ما تغير الفلتر والزيت كان فيه مشكله؟؟
انا قد صارت معي بجيب لاند كان مضبوط ومافيه شي بس غيرت الزيت والفلتر وبعدها ضعف عزمه واسمع طقه قويه بالذات بالتغييرالثاني ورحت لكذا سباك حرامي قالو لي توضيب
قلت ماكان في شي قالي بعد ماتغير الفلتر والزيت احترقت الكلتشات ما ارتحت لكلامهم
لين طحت بواحد يخاف الله وما اخذ مني ريال قالي رح جب علبتين زيت
وفعلاً طلع ناقص زيت وبعدها رجع مثل اول واحسن
تأكد منه
والورش الكبيره قالو توضيب اقل واحد 3000 ريال!!!

اسف على الاطاله

الله ييسر امرنا وامرك وامر كل مسلم..

[بيق مان]

إحتمال كبير تكون برمجة أو ما يسمى إعادة تهيئة للقير يجب أن تتم بعد تغيير البطارية أو زيت القير وما شابه .. اقراء الكاتلوج .. طريقتها بسيطة