صوت خرخشه حديد من القزوز

[سقم المعادي 1]

السلام عليكم و رحمه الله وبركاته

مساكم الله بالخير

ياجماعه الخير اذا دقيت سلف الموتر يطلع صوت خرخشه حديد و دققت بحثاً عن مكان الصوت طلع قريب من الدبه الوسطيه

و الصوت تقريباً كأنه صوت ورده في مسمار ما انشد مزبوط و مع رجه المكينه يطلع صوت زنه او خرشه حديد اتمنى الوصف يكون واضح لكم :D

الموتر لاندكروزر 99

مافيه دبه تلوث شكيت انها شخالات متكسره لكن الموتر شد بلد بدون دبه تلوث مدري اذا الوسطيه يجي بها شخالات ؟؟

[اابو مياس]

اخوي الزنه والخرشه من ماده داخل الدبه تكون مكسور منها جزء او من ربل الشكمان متقطع ونازل الشكمان قليل

[سقم المعادي 1]

اخوي الزنه والخرشه من ماده داخل الدبه تكون مكسور منها جزء او من ربل الشكمان متقطع ونازل الشكمان قليل

مشيك على ربلات الشكمان كلها مالاحظت عليها شيء الجلد سليمه
بس اللي انا اعرفه دبه التلوث يجي بها شخال اللي كنه شبك وانا ماعندي دبه تلوث فقط الوسطيه هل يجي بها شخال بعد و يتكسر نفس دبه التلوث ؟

[ابوسند9]

وعليكم السلام
الشخال يجي بجميع الدبات سواء صغيره او كبير ,(عدا دبة الثلوث)
ودبة التلوث مستحيل تصدر صوت ولا يوجد فيها شخال ,يجي فيها شخال مثل خلية النحل , والشخال نفس الجبس يعني تقدر تفك الدبه وتكسره ويصبح زي البودر وتفرغ الدبه
لذا انت تجرب اضرب الدبه الوسطى بيدك شوف هل الصوت منها ام لا
او انزل السفل السياره وخلى حد يشغل وتحسس مصدر الصوت

[سقم المعادي 1]

وعليكم السلام
الشخال يجي بجميع الدبات سواء صغيره او كبير ,(عدا دبة الثلوث)
ودبة التلوث مستحيل تصدر صوت ولا يوجد فيها شخال ,يجي فيها شخال مثل خلية النحل , والشخال نفس الجبس يعني تقدر تفك الدبه وتكسره ويصبح زي البودر وتفرغ الدبه
لذا انت تجرب اضرب الدبه الوسطى بيدك شوف هل الصوت منها ام لا
او انزل السفل السياره وخلى حد يشغل وتحسس مصدر الصوت

اجل شكله من الدبه الوسطيه
جربت اضرب الدبه معزوله ماتسمع حس داخل الدبه بس لا شغلت تطلع هالخرخشه خصوصاً والموتر بارد و اول ما امشي عليه بعدين يخف الصوت تدريجي
مصدر الصوت متأكد انه حول الدبه الوسطيه و فيه فوقها قطعه صاج يعزل الدبه عن البدي عشان الحراره شكيت انه منعفط او منحل وصار يطلع الصوت و طلع مربوط زين ولا فيه عفوط

الصبح ان شاء الله امر حقين الشكامين و نشوف وش علته

لاهنت ابو سند

[سقم المعادي 1]

الصوت طلع من داخل الدبه بعد الكشف الظاهر ان الشخال فعلاً متكسر
و حصلت دبه وطني رخيصه بس اليمني اللي بيشتغل على الموتر معامله من زمان ونصوح قال لي لا تاخذ وطني سيئه جب وحده من التشليح
لو اخليها على حالها منها مضره ؟

[ابوسند9]

كلام اليماني صحيح ,,مشكله بعض الدبات الوطنيه تحشر السياره شوي وعمرها قصير
والصوت ما منه ضرر ,,وراح تمشيك فتره بعدين راح يزود الصوت
لكن كان سئلته اذا يقدر يقص الدبه شي بسيط ويلحم الشخال من الداخل
ودبه من التشليح ما انصحك لان اغلب الموجود مستهلك او تجاري لانك راح تخسر قيمة تركيب وسعر الدبه بعد كذا شهر
شوف سعر الاصلي كم ممكن تحصل سعرها مناسب ولك وللزمن

[سقم المعادي 1]

كلام اليماني صحيح ,,مشكله بعض الدبات الوطنيه تحشر السياره شوي وعمرها قصير
والصوت ما منه ضرر ,,وراح تمشيك فتره بعدين راح يزود الصوت
لكن كان سئلته اذا يقدر يقص الدبه شي بسيط ويلحم الشخال من الداخل
ودبه من التشليح ما انصحك لان اغلب الموجود مستهلك او تجاري لانك راح تخسر قيمة تركيب وسعر الدبه بعد كذا شهر
شوف سعر الاصلي كم ممكن تحصل سعرها مناسب ولك وللزمن

الاصليه 600 ريال جديدة
قلت له قص الدبه و فرغها خلها بدون شخال قال ماينفع مدري وش السبب نسيت اسأله
طيب دبه اليوكن وش وضعها اسمع اغلب الناس يركبونها