اطارات هانكوك (اندونيسي ؟؟؟)

[mooma]

السلام عليكم
-
-
-
صباح الخير جميعا
الله يسلمكم اسالفه باختصار اني كفراتي ولّت وتحتاج تغيير
فذهبت لهانكوك الوكيل(بن شيهون ) وحصل كفرات المقاس الي ابيه 0لموتري هايلكس ) 205/75/15R
المهم ان تاريخ انتاج الايطار كان في الاسبوع 34 /2013 (يعني تقريبا بأواخر شهر 8 ميلادي ) (ومضة هل يعتبر الكفر قديم ام لا ؟؟)

(وبخصوص التاريخ سألت هل راح يجي دفعه جديده قالي اكيد بس بعد 15 يوم ) وقال كله راح يجي اندونيسي ؟؟؟

ولكن الاهم من ذلك لما قالي ان الكفر اندونيسي !!!!! قلت لحظة لحظة ....؟ كييف
قال هانكوك كلها اندنوسي حاليا لكن جودتها نفس الكوري
قلت اوكي مو هنا المشكله لكن كيف كل هانكوك اندونيسي قبل شهرين مركب كفرات لأخوي برادو 2007 كوري (made in Korea) فــ بصراحه تحيرت

وقلت مالي غير أخواني بمكشات الله يخليكم لنا
هل كلام البائع صحيح ان الجودة نفس الكوري ؟؟
وشكرا لكم مقدما :s

[المميـز]

:

معلومه جديده .. لكن يمكن المقاس اللي انت اخترته صار يصنع في اندنوسيا
مثل ميشلان بعض المقاسات فرنسي وبعضها تايلندي
والبرجستون يجي امريكي وبعضه ياباني

:

[.أبوعبدالرحمن]

وعليكم السلام ورحمة الله وبركاته



وحياك الله أخوي mooma



قد يكون كلام أخوي المميز صحيح ، وقد يكون أنهم حوّلوا خطوط الإنتاج لأندونيسيا لرخص الأيدي العاملة


وهذا حصل حتى في صناعة السيارات وغيره الكثير .. لكن من ناحية الجودة هذا علمها عند الله .. لأني أول


مرة أسمع أن هانكوك راح تتحول من كوري إلى إندونيسي .. ومبدئياً إذا أنت محتاج تغير الكفرات في الوقت


الحالي اصرف النظر عن هانكوك وعندك الشركات الثانية وعليك بالمواصفات الطيّبة إلى أن نشوف وش هانكوك


عليه .. والله ييسر الأمور ويكفينا شر تخبطات بعض الشركات إللي تنظر لمصلحتها هي فقط بعد كسب ثقة زبائنها

[mooma]

شكراً لكم مشرفينا الافاضل على مروركم
وبالفعل بعض المقاسات فيها كوري
والله مدري وش أقولكم لكن بصراحة مافيه بديل مجرب وسعره معقول زي الهانكوك لكن ليش غير المصنع مادري !!!؟؟؟؟
يعني الهانكوك لمقاس موتري ب 300 ريال
البرجستون 450 ريال
يوكوهاما 490 ريال
دونلوب 390 ريال

[غار بن شعلان]

السلام عليكم

نصيحه وانا اخوك كل شي استخسر فيه الا الكفرات ركب مكينه موضبها سباك ولاتركب كفر رخيص او تمشيه حال بالذات كانك راعي خطوط

ناس انحصدت والسبه هالكفرات الشينه وانا مثلك قبل كم شهر ادور كفرات ورحت لبن شيهون وطالعت الكفر الي ابيه ماش كشيت منه الصدق وطلعت من عنده مع انو كانت صناعته كوري وشلون اندونسي انحاش لو قدامي شبك

عليك بكفرات الشركات المشهوره

[جني صغير]

أنا اركب كفرات رانواي صينية
لي كم سنه وحلوه وما تتآكل ولينه بالحيل وسعرها حلو بالحيل

[مغلي]

الكفرات الصينيه رخيصه بالحيل

بس تخوف .. صناعتها

فهل فعلا مطابقه للمواصفات والحراره الي عندنا ..؟؟؟

[سيف وقلم]

فيه كفرات ماكسس صناعة تايوانية الطقم دون 1000ريال

أخوي توه مركبها على الهايلوكس.

[زوم]

يا شباب قبل فتره مغير كفر هنكوك وكلها إندونسيا بالفتراه هذي

[mooma]

شكراً على مروركم
والله ما أدري ياشباب
أنا رحت العصر للوكاله بن شيهون وقلت له
قالي اذا كفراتك تصبر 3 اسابيع بيوصلنا دفعه جديدة وممكن تكون كوري كل شي وارد

[SGL]

مجرب الهانكوك بكل أنواعه الكوري أول مانزل بعدين جربنا هانكوك الصيني وبعدين الإندونيسي ومازلنا نركب منها ولا راح نفكر نركب غيرها وكلها أخذها من الشركة ولا قد واحد منهم حبل أو ضرب علينا الحمدلله والله إني أحللها أمشي عليها وخيوطها طالعه مع الأطراف ماهي مثل أول أسلاك له كم سنه يجي مخلوط ويوم ينمسح تظهر خيوط ويكون في علمك هانكوك 2014 موجود في المخازن عندهم بس مستحيل يبيعونها ﻻزم يصرفون دفعة 2013 هذي المعلومة من شخص يشتغل عندهم في الشركة والهايلكس كان معنا نركبله مقاس 225/70/15 حق الكابرس ﻻكن بعدين غيرنا ﻷنه عريض وركبنا مقاس 215/70/15أنحف شوي عن المقاس السابق توكل على الله وخذ هانكوك

[راعي الرود]

السلام عليكم

نصيحه وانا اخوك كل شي استخسر فيه الا الكفرات ركب مكينه موضبها سباك ولاتركب كفر رخيص او تمشيه حال بالذات كانك راعي خطوط

ناس انحصدت والسبه هالكفرات الشينه وانا مثلك قبل كم شهر ادور كفرات ورحت لبن شيهون وطالعت الكفر الي ابيه ماش كشيت منه الصدق وطلعت من عنده مع انو كانت صناعته كوري وشلون اندونسي انحاش لو قدامي شبك

عليك بكفرات الشركات المشهوره

.
+1
.
.
.

.
.
.
.

[mooma]

مشكووورين جميعا على تفاعلكم الرائع ونصائحكم الهامه
وبالفعل الكفرات أهم شي بالسياره وعلشان هالشي طرحت هالموضوع استفسر فيه