معي ددسن والاهل مشغلينن وراه ماتشري سيارة ومحتار

[كثير السؤال]

السلام عليكم
كيف حالكم يالربع
ندخل بالموضوع
انا واحدن مغرم بالددسن معي وحده موديله عشره واحب السياره وتحبني وماشاء الله اموري تمام معه بس الاهل من تالي متدلعين مايبون يركبون الددسن موب مريحه ومن الكلام ومع الظغوط بحثت عن سيارة بديلة وماجازلي شي مابي الا الددسن:rolleyes: حتى اني افكر جديا اسحب عليهم يبون ام عزيز ولا يمشون رجل
فالله لايهينكم ساعدون لو بقتراحات على السريع
المطلوب طول الله اعماركم على طاعته
موتر مريح وصبور ويدخل البر لو تمشي وتطعيس على خفيف
يكون سعرة مايتعدى 130 لانه مع الاقصاد يبي ينقص الظهر:D

[manaf]

انا اشوف البرادو ممتاز وعليك بنظيف

[التعـ King ـديل]

دامك راعي نيسان لا تتعدا الاكستيرا جديد

[كثير السؤال]

انا اشوف البرادو ممتاز وعليك بنظيف

ماشاء الله عليك تقراء الافكار :D والله البرادو جايزن لي بس سعره تسنة يقرص



دامك راعي نيسان لا تتعدا الاكستيرا جديد


يالغالي النيسان تحطه على الجرح يبرا بس مشكلتنا بالوكيل

الاكستيرا ممتاز وصبور بس مايصلح للأهل مطبه حليل لانه سست ومرتبة ورا ضيقه مثل أم عزيز وتسذا ماغزينا

[ابو فهد...]

بها القيمه فورتشنر
بس اغديك تدور لك براودو خليجي موتر كد ومد

[سقم المعادي 1]

طلع لك باترول جديد فيه عرض 50% الآن و 50% بعد سنتين بدون فوائد
اربع ابواب gl دفلوك مكيفين درايش كهرب ريموت كشافات بدون ثلاجه سعره حول 142 الف
يعني تدفع اللحين 70 الف و بعد سنتين 70 الف وتملك الموتر لكن مدري عن حكمها الشرعي

[الشيخ الظريف]

انت تقبض سياره وتدفع نصف قيمتها والباقي مؤجل رغم اني مانيب شيخ بس شايف مافيها شيء حسب تعامل الناس

[أحمد محمد1429]

طلع لك باترول جديد فيه عرض 50% الآن و 50% بعد سنتين بدون فوائد
اربع ابواب gl دفلوك مكيفين درايش كهرب ريموت كشافات بدون ثلاجه سعره حول 142 الف
يعني تدفع اللحين 70 الف و بعد سنتين 70 الف وتملك الموتر لكن مدري عن حكمها الشرعي
الشكل الجديد

[سقم المعادي 1]

الشكل الجديد

لا فتك الشكل القديم

[سقم المعادي 1]

انت تقبض سياره وتدفع نصف قيمتها والباقي مؤجل رغم اني مانيب شيخ بس شايف مافيها شيء حسب تعامل الناس

التعاملات الماليه لا تخلو من بعض الشبهات ولا يعني تعامل الناس بها انها شرعيه ولنا في التأجير المنتهي بالتمليك مثال!
لذلك الأفضل ان يسأل احد المشايخ عن الحكم الشرعي

[كم كيلو باقي]

اقترح تاخذ لك قرض وتشتري كراون فكتوريا مستعمل بحدود 60 الف
وخل الددسن عند الباب تكحل عيونك

[dhoomi]

يارجال لاصارت الدعوى به اهلك لاترخص عليهم بالموتر
عموماً الباترول خيار جيد خصوصا انك راعي بر ...حتى لو مستعمل مايضره البتبت
طبعا السفاري مب الشكل الجديد اقصد مثل ذا :
http://haraj.com.sa/114554440

[الفهيد بدر]

باجيرو او باجيرو سبورت عملي وما عليه كلام واحسن من النيسان والتيوتا

[محمد ابن عيد]

..
حياك الله ي الغالي
دام للأهل /
فانا ارشحلك موتـرين مابهن كلام

* ارمــادا 2008 وفوق
* سكـويا

ممتازه للعائله و وسيعه ودبل الخ
و الله ييسـر امـرك

[sgl2002]

انا ارشح لك باترول فتك الشكل القديم رفارف سود ٢٠١٤ دفلك مكيفين ضمان العيسى ب١٤٠ الف اصفااااار


خط وبر ووسع

لاتعداه

[كثير السؤال]

يامال العافيه جميعا
رديت على كل واحد وسويت تراجع والشكوى لله طار كل شي

جزاكم الله خير على وقتكم
وكل اللي ذكرتوه ممتاز بس الواحد يبي له شوية يفكر ويستخير ثمن يجزم

من ضمن الخيارات اللي ذكرتوهن الغالي وثقيل الطينه واللي وكيله سئ مع عدم اغفال مميازات لكل سيارة ذكرتوه
الصبروالجلد أو الراحه وغيره الواحد يحتار الحقيقه
بيض الله وجيهكم ويسر الله اموركم

[Hrr155]

سكويا لايفوتك

[راعي الرود]

لو تقدر تاخذ قرض و تكيش الموتر افضل من الاقساط او التأجير .. اقل فوائد و موتر بأسمك ولا قروشه تفويض تأخير سداد و وجع راس و تسافر بالموتر وين ماتبي
و السيكويا دبل ممتاز و سعره مناسب و مكينته تشيله و زياده تخبر الموتر لا صار محمل احياناً يدج عزمه حاول تاخذ شيء 8 سلندر دامه للعائله اما لو انك تبيه لك بقول لك باترول

[ابونبيل]

الباترول الشكل القديم ضيق ومكيفة سيء تصدق ان الفورشنر اوسع من ورا من الفتك!
اشور عليك بالبرادوا موتر سناعة عزم وسعة ولو قدرت على الكويتي ابو تانكي كبير وسبير علاق فأحسن شي

[راعي المعرض]

اقترح تاخذ لك قرض وتشتري كراون فكتوريا مستعمل بحدود 60 الف
وخل الددسن عند الباب تكحل عيونك

شرحك سرا
هذا الراي الصحيح خل ام عزيز عندك واشتر
فورد موديل 2010 تلقاه في بحر الخمسينات
وشوله المخاسير

[التعـ King ـديل]

الباترول الشكل القديم ضيق ومكيفة سيء تصدق ان الفورشنر اوسع من ورا من الفتك!
اشور عليك بالبرادوا موتر سناعة عزم وسعة ولو قدرت على الكويتي ابو تانكي كبير وسبير علاق فأحسن شي


اي صادق عندنا فورتشنر 2011 ايام الفتك يوم كان عندي كنت اذا باخذ الاهل كلهم اخذ الفورتشنر واذا بطلع لحالي اطلع بالفتك ،، تخبر الفورتشنر مريح ووسيع بالحيل:D

[السسسعد]

الاستخاره زينه

[ابونبيل]

اي صادق عندنا فورتشنر 2011 ايام الفتك يوم كان عندي كنت اذا باخذ الاهل كلهم اخذ الفورتشنر واذا بطلع لحالي اطلع بالفتك ،، تخبر الفورتشنر مريح ووسيع بالحيل:D


اعيذك ان تكون تستهزأ عهدناك خلوق!
الكلام هذا كلام احد الاصدقاء كان معه 2008 والان فورتشنر كانو بيكشتون 4 بالفتك من باب انه اوسع و2 في الفورتشنر والمصيبه انهم سوو العكس لانهم كان. اوزان واتضح ان الفشفش اوسع

ثانيا انا ما طريت الراحة وان جينا للراحه لا فتك ولا فش فش

[ثورة الشك]

تاهووووووو

لون سمني


عليه عرض 129 موديل2014

نصيحه لايفوتك

دعواتك

[مسير عليكم]

فيه موتر محد طراه والموتر زين مهوب اقشر صح عليه ملاحضات بس بفلوسك الموتر حليو ومالاحضت عليه خرابات
عندك الاكسبدشن موتر رخيص وعائلي وحول دراهمك ووسيع للعائله ابرك من الفتك والبرادو ومريح بالحيل ونفسه خفيفه ودبله افضل من اليوكن والتاهو بشهاده مجربينه
انا مجرب ٢٠١١ بدون دبل الموتر كويس ونفسه خفيفه عذروبه التخضخض بالخط الموتر موتر الوالد وعشان تكون بالصوره انا معي اكستيرا ونت تعرف الاكستيرا متماسك وثابت بالخط فتكون ملاحضاتي كثيره في الاكسبدشن

شف الاكسبدشن تراه حول دراهمك وموتر عملي ان شاء الله

[التعـ King ـديل]

اعيذك ان تكون تستهزأ عهدناك خلوق!
الكلام هذا كلام احد الاصدقاء كان معه 2008 والان فورتشنر كانو بيكشتون 4 بالفتك من باب انه اوسع و2 في الفورتشنر والمصيبه انهم سوو العكس لانهم كان. اوزان واتضح ان الفشفش اوسع

ثانيا انا ما طريت الراحة وان جينا للراحه لا فتك ولا فش فش


كل عام وانت بخير يابو نبيل ،، وراك اخذتها من باب الاستهزاء تراني كنت امزح معك الفتك اوسع بفرق واضح ،، مره ركبو معي شباب شرواكم وماشاء الله تبارك الله صحتهم زينه المهم كنا كلنا 7 وشالنا الفتك بالراحه وبدون مضايقه خاصه المرتبه الخلفيه كنت شايل هم الراحه والمكيف ،، وواحد منهم معه فورتشنر 13 ركبو فيه 6 من ال 7 اللي ركبو الفتك يالله شالهم والاثنين اللي ورا ماصدقو على الله يوصلون

[سموو الروح]

باترول الشكل القديم لاتتعداه
وسعره 140 اصفاار وتحصل ارخص
بالمعارض موتر لك وللزمن ومريح ووسيع
واقتصادي نوع ما انا اقيس ع باثفندر 2002
الدريس لازم تقاوله ههههههههه
الفتك لايفوتك حسب تجربه بسيطه

[فرفور بريده]

130 تجيب لك تاهو 13 مستعمل اخو الجديد
وبسط اهلك وانبسط
راحه ووسع

[حبل الوريد]

هج عن النيسان قسم بالله تكرهه من وكلائه كلن يرميك على الثاني الحمراني والعيسى

[بدران الدوسري]

أنا اشور عليك بالفورتشنر بشرط انه 6 سلندر

موتر يشيل ويواجه وصبور ,

أو كان طلعاتك خفافيه وعلى ماقالو عقب صلاه العصر فالاكسبدشن ممتاز وخاصه على عروضه التالية

سعره مناسب جدا مقارنة بالغلا الي هب على كل المواتر



الله يكتب لنا ولك الخير ويوفقنا وياك

[عابد-]

أنا اشور عليك بالفورتشنر بشرط انه 6 سلندر

موتر يشيل ويواجه وصبور ,

أو كان طلعاتك خفافيه وعلى ماقالو عقب صلاه العصر فالاكسبدشن ممتاز وخاصه على عروضه التالية

سعره مناسب جدا مقارنة بالغلا الي هب على كل المواتر



الله يكتب لنا ولك الخير ويوفقنا وياك




كلام عين العقل:good: