طرمبة الزيت GMC 2005

[3bdulmalik]

السلام عليكم ورحمة الله وبركانة

كيفكم ان شاء الله بخير .. ؟

يا اخوان وبعدين الى متى ابي حــــــــــــــــــــــــــل ؟؟!! غيرة طرمبة موتري GMC 2005 مرتين واليوم طلع الصوت المعتاد للصوت الطرمبة غير كذا العداد نزل تحت الربع انا لي فترة ماغيرة زيت يعني مشيت عليه تقريباً 3000 كيلو شيكت على الزيت لقيته زين غامق شوي بس مو واجد اول شي ابي افضل نوعية زيـــــــــــــــــت الي احطه لموتري شل سوبر 30-10 يرحم والديك ياشباب الي جرب او عنده خبره بالموضوع ذا نحنو ننتظر مشاركاتكم لتعم الفائده ...

ملاحضة : وقفت موتري عند البيت وقلت ماراح اسوي شي لين اشوف رايكم ؟؟!!

وكل عام وانتم بخير
رمضان مبارك

[cadillac911]

اخوي انت تغير الزيت والفلتر من عند حقين البناشر


Liverpool for ever

[اابو مياس]

هلا اخوي كم حجم الماكينه وعن تجربتي انا واعوذ بالله من كلمه انا معي دينالي وجربت زيت شل عليه مامشى حاله ابد
غيره الي اي زيت ثاني نفس الحجم وسيفون وكاله رقم 46 وبالنسبه لتركيب طرمبه زيت لازم تغير. الربله وكاله وتنظف الشخال والكرتير ووجه الكرتير اصلي

طرمبه الزيت لها مقدار شد معين بمفتاح العزم

[cadillac911]

اذا انت من أهل الرياض ليه ما تغير في اي سي ديلكو سعرهم نفس سعر البناشر لكن شغلهم انظف


Liverpool for ever

[عميد آسيا]

أول شيء الزيت اللب تستخدمه ثقيل استخدم 30-5 أو 30-10

الشيء الثاني شوف الموضوع ذا http://www.mekshat.com/vb/showthread.php?t=573158

[3bdulmalik]

اخوي انت تغير الزيت والفلتر من عند حقين البناشر


Liverpool for ever

اي نعم أغيره عند حقين البنشر ..

[3bdulmalik]

هلا اخوي كم حجم الماكينه وعن تجربتي انا واعوذ بالله من كلمه انا معي دينالي وجربت زيت شل عليه مامشى حاله ابد
غيره الي اي زيت ثاني نفس الحجم وسيفون وكاله رقم 46 وبالنسبه لتركيب طرمبه زيت لازم تغير. الربله وكاله وتنظف الشخال والكرتير ووجه الكرتير اصلي

طرمبه الزيت لها مقدار شد معين بمفتاح العزم

هلا بك اخوي

موتري 2005 Chevrolet Suburban 1500

سويت تنظيف وغيرة طرمبة وغيرة جلد وجبة وجه كارتير

ياليت اخوي تعلمني وش الزيت الي تحطه الله لاهنت

بالنسبة لشد مفتاح العزم والله مدري عنه للاسف

تحياتي

[3bdulmalik]

اذا انت من أهل الرياض ليه ما تغير في اي سي ديلكو سعرهم نفس سعر البناشر لكن شغلهم انظف


Liverpool for ever

اي نعم انا من اهل الرياض موقعهم وين لاهنت ؟!

تحياتي

[3bdulmalik]

أول شيء الزيت اللب تستخدمه ثقيل استخدم 30-5 أو 30-10

الشيء الثاني شوف الموضوع ذا http://www.mekshat.com/vb/showthread.php?t=573158

لا ابد مو ثقيل خفيف 0-10

جاري الاطلاع ع الرباط
تحياتي

[3bdulmalik]

اشكر الجميع على مشاركاتهم وتعاونهم .. جزاك الله كل خير

لازم اشوف حل هالمره ابي نوعية زيت زينه ؟!

تحياتي

[cadillac911]

اي نعم انا من اهل الرياض موقعهم وين لاهنت ؟!



تحياتي


شوف اخوي اذا تعرف شارع الستين وانت متجه جنوب يجيك شارع الجامعة يمين روح معاه اول إشارة لف وارجع تصير كأنك راجع على الستين يجونك على اليمين هم مثل المحطة اذا تعرف مصنع كندا دراي القديم المهجور هم جنبه


Liverpool for ever

[اابو مياس]

انا احط زيت 30-5 شتاء وصيفا لانه كتالوج السياره لو تلاحظه في قيم بالسالب الي هو درجات الحراره تحت الصفر
سهم الزيوت الثقيله ماتوصل لهذه القيم السالبه وتوقف عند 15درجه مئويه اي لا تستعمل هذه الزيوت
بينما القيم الموجبه الي هي بالصيف جميع نهايات اسهم احجام الزيوت متساويه عند حد معين

[cadillac911]

الصراحه موتري موديل 2000 واروح AC DELCO ويحيطون لي 20W50 والصراحه أشوفه كويس


Liverpool for ever

[MSAN]

يالحبيب السيفون الي في البناشر مضروب.. لاعاد تشتري من عندهم.. مر محل قطع غيار واشتر من عندهم افضل لك..

ثاني شي استخدم زيت ٢٠ على ٥٠

بالتوفيق

[3bdulmalik]

ياشباب 20-50
ثقيييييل كثيرررررر وانا اعرفه حتى عزم السيارة يصير متعب

[3bdulmalik]

شوف اخوي اذا تعرف شارع الستين وانت متجه جنوب يجيك شارع الجامعة يمين روح معاه اول إشارة لف وارجع تصير كأنك راجع على الستين يجونك على اليمين هم مثل المحطة اذا تعرف مصنع كندا دراي القديم المهجور هم جنبه


Liverpool for ever


خلاص باذن الله بروح اجربهم

تحياتي

[3bdulmalik]

أول شيء الزيت اللب تستخدمه ثقيل استخدم 30-5 أو 30-10

الشيء الثاني شوف الموضوع ذا http://www.mekshat.com/vb/showthread.php?t=573158

السلام عليكم

والله وانا اخوك شفت الرابط وصراحة كلامة أفنعني لكن حنا من الرياض وشلون نسويها ؟!

[ابونواف سعد]

لا تتهاون بالسيفون تأكد انه اصلي مو تقليد لأن المكينه مايجيها نقطة زيت إلا عن طريق السيفون إذا هو تجاري يتعب الطرمبه لأن داخليه كرتون عادي إذا جاه الزيت انكمش وقفل مرور الزيت للمكينه اما الاصلي يسمح بمرور الزيت بسهوله والله يوفقك

[وطن العزة]

يوم غيرت الطرمبه حقت الزيت

غيرت معها الربله الصغيره اللي تقل خاتم ؟؟؟؟ تجي بماصورة الطرمبه تحت من جهة الكرتير

+ نظف الشخال و مكانه تحت بعد ؟؟؟

لأن موتري جمس 2006 و صار به صوت تكايات وهملته إلين زاد الصوت وصار تقل صقع سبايك يسمعه اللي بآخر الشارع :D ونزل الأمبير للربع

المهم غيرت له الربله اللي ذكرتها فوق + تنظيف الشخال والكرتير وراح الصوت نهائيا وارتفع

الأمبير الى قبل النص بشرطه هذا مع الوقوف أما بالممشى ما شاء الله 3 أرباع

[3bdulmalik]

يوم غيرت الطرمبه حقت الزيت

غيرت معها الربله الصغيره اللي تقل خاتم ؟؟؟؟ تجي بماصورة الطرمبه تحت من جهة الكرتير

+ نظف الشخال و مكانه تحت بعد ؟؟؟

لأن موتري جمس 2006 و صار به صوت تكايات وهملته إلين زاد الصوت وصار تقل صقع سبايك يسمعه اللي بآخر الشارع :D ونزل الأمبير للربع

المهم غيرت له الربله اللي ذكرتها فوق + تنظيف الشخال والكرتير وراح الصوت نهائيا وارتفع

الأمبير الى قبل النص بشرطه هذا مع الوقوف أما بالممشى ما شاء الله 3 أرباع







والله وانا اخوك ما ادري بس الميكانيكي غير كل شي ونظف الشخال وكلش وكل الجلد غيرنها بس الي تقوالها ما ادري ياليت لو عندك صورة توضح الجلده الي تقصدها ؟

اشكرك عزيزي ع مشاركتك

واعتذر على التاخير

تحياتي

[3bdulmalik]

لا تتهاون بالسيفون تأكد انه اصلي مو تقليد لأن المكينه مايجيها نقطة زيت إلا عن طريق السيفون إذا هو تجاري يتعب الطرمبه لأن داخليه كرتون عادي إذا جاه الزيت انكمش وقفل مرور الزيت للمكينه اما الاصلي يسمح بمرور الزيت بسهوله والله يوفقك

شلون افرق الاصلي عن التجاري لاهنت ؟؟

واشكر لك تعاونك ومشاركتگ

تحياتي

[ibra84]

كم شغل اليد ؟ واي ورشه ؟