مع كل كيه له هقاوي يصيبه...الحل..لوحة الحرق..حله..نحيحيل الوادي..كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته



البارحه يالهيل والفكر خاوي =هيضني بيتٍ يالعقول النجيبه
هرجٍ يجي داءٍ وهرجٍ تداوي= وهرجٍ يعيِّب يافتى من دلي به
والصمت بعض امرار ردٍ رهاوي=على الذي ماغير قوله يعيبه
النار تاكل بعضها يالخلاوي=ان مالقت شيٍ يغذِّي لهيبه
كلٍ لسانه لازلق فيه هاوي=في ماقفٍ رب البريه حسيبه
لغزٍ ونا معتاد دز الغطاوي=على ربوعٍ ينقعون الذهيبه
غطوه ولا هي ياجماعه قصاوي=غطوه حلوله ياجماعه قريبه
ياويش جميله مثخنه بالمكاوي=في كف من لاهو اِلعياها طبيبه
في كف رجالٍ صدوق الهقاوي=مع كل كيه له هقاوي يصيبه
لاهي مريضه والتطبب مناوي=مع ذا صنيعه مابنا من يريبه
بنتٍ لراع الذوق صارت نقاوي=تفكروا ياهل العقول اللبيبه



مع تحيات ابو ماجد

منتديات مكشات 0 خيمة الالغاز

[ذيب الفقارة]

وعليكم السلام ورحمة الله وبركاته

صح لسانك فارسنا

أبو ماجد

.............

اظهروا وبا نوا يا الخمسة المشاهدين

نبد أ المرامعة

ولو أنها غير مجدية

ما تصير

الخنجر

تحياتي

[ابو ماجد 2]

وعليكم السلام ورحمة الله وبركاته


صح لسانك فارسنا


أبو ماجد


.............


اظهروا وبا نوا يا الخمسة المشاهدين


نبد أ المرامعة


ولو أنها غير مجدية


ما تصير


الخنجر



تحياتي


ياهلا ومليون هلا
ياهلا بمختارنا ومشرفنا
صح بدنك يالغالي
لعل بعضهم مايحب يدخل الا بمرماع ولو ان تسجيل الحضور مهم لكن نقول كل ورغبته
شرفتنا يالغالي
ولغزنا لايزال طليق
انتظر مرماعك القادم

[نجم القوافي]

وعليكم السلام ورحمة الله وبركاته

صح لسانك ملايييين يا ابو ماجد

وياهلا بابو عدنان

وانا من الخمسة ( بري براءة الذيب من دم يوسف )

ورمعه يابو ماجد

طقة القنيصي

والقنيصي رجلٌ أعمى كلفه القوم بحراسة البئر، وهو مصدر الحياة يذودون عنه وتشتعل الحروب من أجل السيطرة والاستحواذ عليه وقد جاء للبئر قوم حاولوا طرد الأعمى فلما قاومهم اعتدوا عليه بالضرب، ولعله ضُرب على رأسه في موقع ورم قديم فلما انبجس الدم خف الورم الذي كان يضغط على عصب العين فرأى الرجل النور بعد أن كان أعمى، ومن شدة فرحه أخذ يجري وراء من اعتدى عليه إلا أنهم هربوا منه خوفاً من منظر الدم الذي كان ينزف من رأسه، ويضرب هذا المثل في سياق "رب ضارة نافعة".

[ابو ماجد 2]

ياهلا بنجمنا المحبوب
صح بدنك
وانت دائما مراميعك فيها الفائده حتى ولولم تصب الهدف
قصه حلوه تصلح مشروع لغز
انتظر مرماعك القادم

[صقر السديرات]

وعليكم السلام ورحمة الله وبركاته
صح.لسانك ابو ماجد
رمعة موف
الشاورما
دمت بخير

[ابو ماجد 2]

وعليكم السلام ورحمة الله وبركاته
صح.لسانك ابو ماجد
رمعة موف
الشاورما
دمت بخير

هلا بمشرفنا ومحافضنا ومبدعنا وحبيبنا
هلا بك يابو فيصل
الموف ذكرتني بفهد الهلالي وقلبه الموف الله يذكره بالخير
مالك لوى يالغالي

[نجم القوافي]

سلمت يا ابو ماجد

كان خليت المشروع طي الكتمان

طيب نقول رمعه ويش رايك

بالزناد

وإن كان ما رد الرجل حادي العيب=حرام ما يقدح زناد القرامه

[ابو ماجد 2]

سلمت يا ابو ماجد


كان خليت المشروع طي الكتمان


طيب نقول رمعه ويش رايك


بالزناد



وإن كان ما رد الرجل حادي العيب=حرام ما يقدح زناد القرامه


هلا بنجمنا المحبوب
ماعليك
يمكن انسى ولو مانسيت الربع ينسون ماهو اكبر همهم ترقب لغز بعينه
الرمعه مالك لوى يالغالي
وهالشطر لاتهملونه
بنتٍ لراع الذوق صارت نقاوي

[راعي العجراء]

صح السانك يابوماجد ملاييين ولايكفون
نظم رائع ومفردات من ذهب
الله يعطيك العافيه ياحكيم
واللغز اعتقد خاص للشيبان وتسلم يمينك
مع السلامه

[النبهاني]

وعليكم السلام والرحمه
صح السانك يازعيييييم
ويسعد مساك غالينا

طرق فن ماهو طرق هاوي = اطربني حرفه وقمت اغني به
هقيت ولو اني بعيد الهقاوي = مابين ونه وبين جمره افتي به

[عابر الموج]

هلا ابو ماجد وش رايك بالمدخنه لك تحياتي

[ابو ماجد 2]

صح السانك يابوماجد ملاييين ولايكفون

نظم رائع ومفردات من ذهب
الله يعطيك العافيه ياحكيم
واللغز اعتقد خاص للشيبان وتسلم يمينك

مع السلامه


ياهلا بالغالي
صباح الخير
صح بدنك
والف شكر لكلماتك الطيبه لكن حكيم كبيره تخب علي
واللغز بالعكس يمكن الشيبان مايعرفونه
والبنت يدركها الجميع لكن قد لايعرفها الجميع
اقصد انه لو شافها لادرك ان اللغز يعنيها

[ابو ماجد 2]

وعليكم السلام والرحمه

صح السانك يازعيييييم
ويسعد مساك غالينا



طرق فن ماهو طرق هاوي = اطربني حرفه وقمت اغني به


هقيت ولو اني بعيد الهقاوي = مابين ونه وبين جمره افتي به

هلا ومليون هلا
صباح النور
والله يبارك باللي يطربك ويخرج ماعندك من مدافين يالغالي

[ابو ماجد 2]

هلا ابو ماجد وش رايك بالمدخنه لك تحياتي


ياصباح الخير
شرفتنا والمدخنه مالك لوى

[ذيب الفقارة]

صباح الخير فارسنا

أبو ماجد

طيب ما تصير

الضومنة

تحياتي

[ابو ماجد 2]

صباح الخير فارسنا



أبو ماجد


طيب ما تصير


الضومنة



تحياتي


صباح الخير مختارنا
مالك لوى
ومااعنيها الكي هو الهدف فيها
يعني رمعة عابر الموج المدخنه حلوه
لكن لاينطبق عليها كونه في كل كيه له هقوه يصيدها

[عطري]

بسم الله الرحمن الرحيم

السلام عليكم ورحمة الله وبركاته




البارحه يالهيل والفكر خاوي =هيضني بيتٍ يالعقول النجيبه
هرجٍ يجي داءٍ وهرجٍ تداوي= وهرجٍ يعيِّب يافتى من دلي به
والصمت بعض امرار ردٍ رهاوي=على الذي ماغير قوله يعيبه
النار تاكل بعضها يالخلاوي=ان مالقت شيٍ يغذِّي لهيبه
كلٍ لسانه لازلق فيه هاوي=في ماقفٍ رب البريه حسيبه
لغزٍ ونا معتاد دز الغطاوي=على ربوعٍ ينقعون الذهيبه
غطوه ولا هي ياجماعه قصاوي=غطوه حلوله ياجماعه قريبه
ياويش جميله مثخنه بالمكاوي=في كف من لاهو اِلعياها طبيبه
في كف رجالٍ صدوق الهقاوي=مع كل كيه له هقاوي يصيبه
لاهي مريضه والتطبب مناوي=مع ذا صنيعه مابنا من يريبه
بنتٍ لراع الذوق صارت نقاوي=تفكروا ياهل العقول اللبيبه



مع تحيات ابو ماجد

منتديات مكشات 0 خيمة الالغاز






و عليكم السلام و رحمة الله و بركاته

صح لسانك أبا ماجد ملايين

و صدق راعي العجراء يوم قال : حكيم.

حِكم كان لها وقع و جت في وقتها.

و اللغز ما أدري وش أقول ؟

تميز و إبداع !!!



لا بأس من الرمع المدحدر في آخر يوم :



الكنداسة أو توابعها اللي يركبونها الشباب.

[bst027]

كلٍ لسانه لازلق فيه هاوي=في ماقفٍ رب البريه حسيبه









وعليكم السلام
صح لسانك
لكن من البيت المقتبس استنتجت التالي

الرمعه هي :
الشيشة او المعسل
والله اعلم ،،،

[ابو ماجد 2]

و عليكم السلام و رحمة الله و بركاته


صح لسانك أبا ماجد ملايين



و صدق راعي العجراء يوم قال : حكيم.



حِكم كان لها وقع و جت في وقتها.



و اللغز ما أدري وش أقول ؟



تميز و إبداع !!!




لا بأس من الرمع المدحدر في آخر يوم :




الكنداسة أو توابعها اللي يركبونها الشباب.


ياعطرنا الفواح
صباح النور
صباح الفل والياسمين
هلا ومليون هلا
صح بدنك يالغالي
وانت وراع العجراء اعطيتموني مالا استحق
جل الابيات مجرد اعادة صياغه لحكم مشهوره لكن انتم كريمين
الابداع والتميز انتم اهله
الرمعه طيبه ولكن مااعنيها لولا كيها ماكتسبت قيمتها

[ابو ماجد 2]

وعليكم السلام

صح لسانك
لكن من البيت المقتبس استنتجت التالي


الرمعه هي :
الشيشة او المعسل
والله اعلم ،،،


هلا بالغالي
صباح الخير
شرفتنا
مالك لوى
واللغز يبدا من هالشطر
ياويش جميله مثخنه بالمكاوي

[نحيحيل الوادي]

صح لسانك يا الزعيم

رائع كالعاده

وكل عام والجميع بخير

ورمضان مبارك

[عطري]

السلام عليكم و رحمة الله و بركاته



صبحك الله بالخير أبا عزام



أسأل الله لنا و لكم التوفيق ، و كل عام و الجميع بخير.



نلتقي على خير بإذن الله،،،

[نحيحيل الوادي]

صباح النور والسرور والسعاده والحبور

موفق لك خير الغالي عطري

[أبوكاش]

وعليكم السلام ورحمة الله وبركاته.
ما شاء الله تبارك الله.
صح حرفك وسلم بوحك.
هيض من فيض، ويستاهل الغالي الهيل التوجيه.
حكم وأقوال مأثورة، صقلتها بإحساسك المرهف، فغدت درر منثورة.
ومهما تواضعت أخي الغالي أبو ماجد ووصفت شعرك تارة، بأنه مجرد صفصفة وتارة أخرى، أنه مجرد إعادة صياغة؛
إلا أن شعرك غالبا يفرض نفسه على ذائقة المتلقي فيسمو بها؛
و أحيانا، في بعض قصائدك حبكة اللغز تفرض نفسها وتقيد مشاعرك.
وسبق أن طلب منك أحد الأخوان بأن تجود علينا بقصائد لايقيدها لغز، وهنا أعيد المطلب.
،،،،،،،،،،

نقول:
كسرة العود وتقليبها بالمدخنة.

[نحيحيل الوادي]

محاوله يا ابو ماجد

ميدالية المفاتيح

بعضها تنقش بالنار

[راعي العجراء]

صباحك عسل ياعسل
رنعه
ماهي مغاسل الملابس والكوايه والغتره
وعامل المغسله صاحب حرفه
او الزقاره وراعي الكيف
اسمعه يقول ابروح اكوي الزقاره
مع السلامه

[ابوذيبان]

بسم الله الرحمن الرحيم

السلام عليكم ورحمة الله وبركاته



البارحه يالهيل والفكر خاوي =هيضني بيتٍ يالعقول النجيبه
هرجٍ يجي داءٍ وهرجٍ تداوي= وهرجٍ يعيِّب يافتى من دلي به
والصمت بعض امرار ردٍ رهاوي=على الذي ماغير قوله يعيبه
النار تاكل بعضها يالخلاوي=ان مالقت شيٍ يغذِّي لهيبه
كلٍ لسانه لازلق فيه هاوي=في ماقفٍ رب البريه حسيبه
لغزٍ ونا معتاد دز الغطاوي=على ربوعٍ ينقعون الذهيبه
غطوه ولا هي ياجماعه قصاوي=غطوه حلوله ياجماعه قريبه
ياويش جميله مثخنه بالمكاوي=في كف من لاهو اِلعياها طبيبه
في كف رجالٍ صدوق الهقاوي=مع كل كيه له هقاوي يصيبه
لاهي مريضه والتطبب مناوي=مع ذا صنيعه مابنا من يريبه
بنتٍ لراع الذوق صارت نقاوي=تفكروا ياهل العقول اللبيبه



مع تحيات ابو ماجد

منتديات مكشات 0 خيمة الالغاز



الله الله الله

صح قلبك الى ماله نهاية يالهرم

ابداع وتألق واشباع للذائقة . بيض الله وجهك ياعم

يستاهل الغالي الهيل والغالي الخلاوي الاسناد وكفوووووووووووو

الرمعة لم تحضر . ووجب على الاشادة والشكر

دمت بعز

0

[ابو ماجد 2]

صح لسانك يا الزعيم



رائع كالعاده


وكل عام والجميع بخير



ورمضان مبارك


هلا بك يابو عزام
والرائع تواجدك
الحمدلله على السلامه مفتقديك اليومين الطائفات
شرفني تواجدك
وجعلنا الله واياك من صيام الشهر وقيامه

[ابو ماجد 2]

وعليكم السلام ورحمة الله وبركاته.
ما شاء الله تبارك الله.
صح حرفك وسلم بوحك.
هيض من فيض، ويستاهل الغالي الهيل التوجيه.
حكم وأقوال مأثورة، صقلتها بإحساسك المرهف، فغدت درر منثورة.
ومهما تواضعت أخي الغالي أبو ماجد ووصفت شعرك تارة، بأنه مجرد صفصفة وتارة أخرى، أنه مجرد إعادة صياغة؛
إلا أن شعرك غالبا يفرض نفسه على ذائقة المتلقي فيسمو بها؛
و أحيانا، في بعض قصائدك حبكة اللغز تفرض نفسها وتقيد مشاعرك.
وسبق أن طلب منك أحد الأخوان بأن تجود علينا بقصائد لايقيدها لغز، وهنا أعيد المطلب.
،،،،،،،،،،

نقول:
كسرة العود وتقليبها بالمدخنة.

هلابك يابو سعد
رفع الله قدرك بالدارين
والف شكر لكلماتك الطيبه
والامر ليس تواضعا ولكن حقيقه ولم اكتب اي قصيده خارج الالغاز
ولكن هنا الربع صاروا يضعون مقدمات وحاولت اجرب الدعوى
وهي شيقه خاصة وان هنا اللغز مكتوب بامكان المتلقي ان يعاود اللغز بدون مقدماته
من عيوني غالي وطلبك رخيص لكن من الصعب ان يعطي الشخص مالا يملك( فاقد الشي لايعطيه ) وانا لااملك المقدره على نظم قصيده
الرمعه مالك لوى يالغالي وكما وضحت ان كل كيه يحسب حسابها وفيها هقاوي

[ابو ماجد 2]

محاوله يا ابو ماجد



ميدالية المفاتيح



بعضها
تنقش بالنار


الرمعه مايحتاج
لكن بشكل ادق يابو عزام هي
لوحة الحرق
مااقول الا
كفوووووووووووووووو كفووووووو كفووووووووو
ولوحة الحرق يعملها الفنان على لوح خشب فيقوم بحرق الاجزاء المظلله بمهارة فائقه
واليكم نماذج

http://sphotos-f.ak.fbcdn.net/hphotos-ak-prn1/12600_304961712956974_703037639_n.-www.ward2u.com.jpg

http://sphotos-b.ak.fbcdn.net/hphotos-ak-ash4/3611_304961752956970_334943011_n.-www.ward2u.com.jpg

http://sphotos-e.ak.fbcdn.net/hphotos-ak-prn1/12236_304961782956967_1101890563_n.-www.ward2u.com.jpg

http://sphotos-g.ak.fbcdn.net/hphotos-ak-prn1/14706_304961789623633_369550953_n.-www.ward2u.com.jpg

[ابو ماجد 2]

صباحك عسل ياعسل

رنعه
ماهي مغاسل الملابس والكوايه والغتره
وعامل المغسله صاحب حرفه
او الزقاره وراعي الكيف
اسمعه يقول ابروح اكوي الزقاره

مع السلامه


هلا بك ياعسل
اللغز انهاه يالغالي ابو عزام

[ابو ماجد 2]

الله الله الله

صح قلبك الى ماله نهاية يالهرم

ابداع وتألق واشباع للذائقة . بيض الله وجهك ياعم

يستاهل الغالي الهيل والغالي الخلاوي الاسناد وكفوووووووووووو

الرمعة لم تحضر . ووجب على الاشادة والشكر

دمت بعز

0

هلا بمنهل الابداع
الحمدلله على السلامه
اشوف الخيمه على غير العاده خلت من جديدك يالغالي
وانت عودتنا على ادمان الغازك الله لايحرمنامن تواجدك
صح بدنك وهذا بعض مما في جعبتكم
واللغز انهاه ابو عزام

[ذيب الفقارة]

كفووووووووووو كفوووووووووووو كفووووووووووو

أخي الغالي

أبو عزام

الحل هو كما ذكرت :

لوحة الحرق

وصح لسانك فارسنا

أبو ماجد

تحياتي

[بو هاشم]

مرحبا ابوماجد ,, أمسي بك وبالمشاركين ,

وفي خاطري (( الدله )) إن صح مافيه

[نحيحيل الوادي]

كفوك الطيب ابا ماجد

انت ومن يقرأ

وتحياتي لكم

[نحيحيل الوادي]

كفوك الطيب ابا عدنان

وسلمت يالغالي

[ابوذيبان]

هلا بمنهل الابداع
الحمدلله على السلامه
اشوف الخيمه على غير العاده خلت من جديدك يالغالي
وانت عودتنا على ادمان الغازك الله لايحرمنامن تواجدك
صح بدنك وهذا بعض مما في جعبتكم
واللغز انهاه ابو عزام


ابشر بالخير يالغالي

والله يسلمك من كل شر

وكفوووووووووووووووووووووووووووووو

يابوعزام كفوووووووووووو

بيض الله وجيهكم جميع

0

[نحيحيل الوادي]

كفووووووك الطيب يا ابا منصور

وننتظر ابداعاتك