يدا بيد لين تنزل اسعار الفشق

[ذيبان_]

السلام عليكم


اخواني ما يخفى عليكم غلاء فشق الشوزن من تالي

وانا اقول خلنا نقاطعهم لو هالموسم بس ,, لين ينزلونة والا مهيب نازلة الاسعار


وانا عن نفسي مقاطعهم من رفعوة ماشريت لو فشقة

[albikal]

8هههههههه
كم مرة نسمع عن المقاطعه ولا يتم ذلك.
ولكن قل نخفف من الشرا ويكون بالدسته فقط.
في الموسم الماضي اغلب الصيد بالساكتون ومشت الامور علئ
احسن مايرام وسلمنا من الخسائر الي مالها سنع ولله الحمد،

[saad1985]

صحيح يا اخوان نبي نسوي مقاطعه ام صتمه تكفي باذن الله
الله يكفينا شر الغلا

[نديم الخيال]

والله ان ودك ان الصندوق ياصل 10 الاف خل الصيد يسلم من الاشكال الي لاتبقي ولاتذر

[albikal]

فعلا اذا جا موسم الجرجس
وتشوف الجهلة كيف ينفذون الفشق علئ شي مايسوئ
ودك ان الكرتون يصل 10 الاف.

[هيوماكس]

والله ان ودك ان الصندوق ياصل 10 الاف خل الصيد يسلم من الاشكال الي لاتبقي ولاتذر

كلام سليم 100%

اتفق معك :)

[محمد ابن عيد]

..
ي الغالي
صدقني محد قاطع الفشق و انا اولهم
دام مافيه محلات متخصصه في بيع الفشق
و لا احد يشتري في الموسم الاسعار تقب
خذها قبل و ريح راسك
و الله يعين

[ارثمس]

بيض الله وجهك يابن عبد انا معك بالرأي

[ابو سفيان]

لا لا خله يزيد لو رخص طاح فيد البزران ويرمون اللوحات الارشاديه والاسلاك اذا غلي ما بيشتريه البزران

[المتلولس]

حنا بلانا هالتجار وجشعهم،،، مالنا الا ناخذ بالدسته اللي يمشي الحال لحد ماتنزل الاسعار

[مجنـ قطا ــون]

الحل ياأخوان بيدنا...!


بدال مالواحد قبل يشتري صندوق الآن ماأنصحه يشتري صندوق يشتري نص او خمس دستات منها يصيد ويستانس ومنها نجبر التجار بتخفيض السعر لأن صراحه الاسعار ولعب التجار ماعد ينطاق تبي ترفع السعر ارفع 200 او 300 لكن من 2000 الى 4000 للصندوق..؟؟؟؟؟؟


فالحل ياأخوان مثل ماذكرت لكم انا عن نفسي كنت اول قبل الغلا اخذ 3 صناديق الآن ولله الحمد صندوق يكفي

[المضلي]

ماينزل السعر وهالمبزره تشتري
ليته يرتفع اكثر يمكن نفتك منهم

[خوي الذيب2010]

والله عن نفسي انا. اشتري بالدسته ولا ارمي وحده. اذا ثنتين ثلاث رميت ولا بالهوائيه
ومتعه ولا تخرب القمريه ولا شي

[ثابت الرصافي]

إللي يسمعكم يقول عندنا أنواع الطيور والغزلان ما الله به عليم !!!!
قال موسم قال .. يا خي الدجاج طيب وقولو الحمدلله على النعمة لا عدمناها ...

الواحد يشتري رصاص بالصناديق ليش ؟ داخل حرب والا كيف وضعك ؟
حمام وطيور صغيرة وحجل او وبير في احسن الاحوال ما يحتاج لها كل هذه الذخيرة !!

خلونا واقعيين ولا نهايط

[FJ3230]

البزر دامه قدر يشري بندق ب 10 الاف
بيقدر يجيب فشق ب 5 الاف
ارتفاع سعره مهوب حل الي بيروحون فيها الطفارة
امثالي وامثال كثير منكم الي نعرف اخلاق الصيد زين

[سوبربانلي]

البزر دامه قدر يشري بندق ب 10 الاف
بيقدر يجيب فشق ب 5 الاف
ارتفاع سعره مهوب حل الي بيروحون فيها الطفارة
امثالي وامثال كثير منكم الي نعرف اخلاق الصيد زين
رد اعجبني كثير فعلاً يروح فيها اللي على قد حاله

حسبي الله عليهم دسته قيمته بالكويت 45 ريال عندنا دبل 5 مرات

[بحرالقلزم]

اولا كل عام والجميع بخير وصحه وامن
ثانيا الان نزلت انواع هوائيات فيها قوه خياليه واصابه دقيقه
والصتم ببلاش ماعلينا سوى البحث في النت
وخلي الشوزن للضروره القصوى

[الخزيمkzeem]

سلام كل عام وانتم بخير

اولا نحن بالسعوديه لانقارن بالكويت

والسعر طيب عندنا

يوجد غلا شوي
احسن لاجل ماحد يشري الا صياد وقناص فعلا

[Lover Albatru]

اولا كل عام والجميع بخير وصحه وامن
ثانيا الان نزلت انواع هوائيات فيها قوه خياليه واصابه دقيقه
والصتم ببلاش ماعلينا سوى البحث في النت
وخلي الشوزن للضروره القصوى

:good2::good2::)

[بو حجل]

سلام كل عام وانتم بخير

اولا نحن بالسعوديه لانقارن بالكويت

صحيح لايوجد مقارنة

والسعر طيب عندنا

اشرح لي كيف طيب....؟

يوجد غلا شوي

اجل العام يوزع ببلاش:p
احسن لاجل ماحد يشري الا صياد وقناص فعلا

لاحول ولاقوة الابالله اذا انت ماقدرت تقاطع الفشق وتعدل بسعرة اجل اللي مو ممنوع ويباع ويرتفع سعره وش بتسوي فية

[الخزيمkzeem]

لاحول ولاقوة الابالله اذا انت ماقدرت تقاطع الفشق وتعدل بسعرة اجل اللي مو ممنوع ويباع ويرتفع سعره وش بتسوي فية

اخي انا معكم قلبا وقلبا ......

اخي قلت هذ الكلام لانه مهما عملتم سوف يزيد مدام مافيه محلات تبيع مرخصه من الدوله

[هيوماكس]

أنا اشوف ان الموضوع اخذ كفايته من النقاش
والمفروض يتقفل من قبل المشرفين
لأن لو زاد النقاش يمكن يتحول لهواش بين الطفرانيين والمطانيخ :looney:

تعليق بسيط لو تم فتح محلات تبيع فشق وسلاح بتشوفون البزران والمهايطيه يشترون وراح تتضرر منهم الشعبان والمزراع ومراح الاغنام والطيور المستوطنه
ولايخفى انه بيزيد من معدل الجرائم بنسبة 100%
فلذلك إن شاء الله مايفتحون محلات وكل واحد ياخذ حاجته على قد صيده ويترك عنه المفاخره
والتبذير اللي ماله سنع
واللي مايبي يشتري بسعر غالي مثل ماقال اخونا ثابت
يكتفي بالدجاج واللحوم اللي تباع في الاسواق
ولو يبي رأيي انا يشتري له ساكتون هوائي ويتصيد بها ورصاصها رخيص 250 طلقة ب10 ريال
واللي بياخذ بخاطره من كلامي احب اقوله هذا الواقع وكلام الحق ماينزعل منه

[ثابت الرصافي]

كتبت رد وفصلت فيه لكن مسحته واختصره بهذه الجملة

لكل بندقية إستخدام محدد ... فلماذا لا نستخدم النوع الذي يناسب كل طريده ؟

[بو حجل]

ابشركم شريت (5)دستات :D

يعني بالعدد (125)فشقة اذا كل طير بفشقة يخلص فشقي وانا صايد بأمر الله

تعالو نحسبها :good2:

فى الشهر 125 طييييييييييييييرررررررررر تقسيم (%) 30 يوووووم = (5) طيور تقريبا يوميا

انا الحمدلله تشبعني (3) طيور ومايحتاج اصور واترزز و....و.....;)

شدو حيلكم واحسبوها صح :alarm:

[تركي ابوسعود]

من يخبر لي رصاص شوزن سعره معقول بشري

[ماجد الشمال 1]

البزر دامه قدر يشري بندق ب 10 الاف
بيقدر يجيب فشق ب 5 الاف
ارتفاع سعره مهوب حل الي بيروحون فيها الطفارة
امثالي وامثال كثير منكم الي نعرف اخلاق الصيد زين

بقوه اتفق معاك والله ودك اللى مثل هذا يرفع الأسعار تتمنى انه يطيح بيد الدوله جزاء له ولافشق يصل الأسعار هذي ليه حنا على جبهه ولا وش السالفة لأبعد وبعضه يجيك مبورد ولاخايس حسبي الله عليهم

[mojazaf]

براي مسالت نزول سعر الفشق مستبعده
والدليل الموسم الي فات
بالصناديق تباع ولا تحصل بعد احيان يقولك خلصت

[بو حجل]

براي مسالت نزول سعر الفشق مستبعده
والدليل الموسم الي فات
بالصناديق تباع ولا تحصل بعد احيان يقولك خلصت

بينزل على يديكم ان شاءالله

الموسم اللي فات صارو يبيعون بالدستات واحد من عشرة اللي ياخذ نص صندوووووووووووووق