ما هو حل مشكله لكه ال A5 افيدونا بارك الله فيكم

[جي ميل]

السلام عليكم ورحمه الله وبركاته

كما في الموضوع ما هو حل مشكله الشوزن يالربع A5 اذا عبيت المخزن 4 ما تحضر وشكررا

[جي ميل]

للرفع للرفع للرفع

[ابوس11م]

هلابك اخوي هذي فيها المشكله ولاحظتها لكن عندك حل بسيط عب المخزن ثلاث ونزل الفشقه وعقبها حط الرابعه

[ابوس11م]

والحل الثاني اعتقد انه من مشكلتين البلاستيك اللي تنزل الفشقه بردتها عند الوكيل ومازالت المشكله فيها لكن اعتقد منها ومن السبرنق لكن عبها ثلاث تنزل فشقه ولحقها الرابعه

[جي ميل]

جزاك الله خير لعلي اجل اعبي فيها 3

[الوسم]

متى آخر مرره نظفتها ؟؟؟؟

[عشقي دحروج]

ان قدرت غير سبرنج ( ياي المخزن ) بواحد اقصر منه بشي بسيط وان شاء الله تنحل المشكله
عندي اكستريما و بيكال نفس المشكله والسبب انك تعبي كامل المخزن وهذا يسبب ضغط

بالتوفيق

[الشمروخي]

الحل عب المخزن وخله معبى يومين تلين السبرنق وان شاء الله تزين او اصبر مع الوقت تلين وتزبط

[ابوس11م]

طال عمرك علمتك حط فيها ثلاث وصعد فشقه وحط بالمخزن الرابعه وبيت النار تكون الخامس

[الوسم]

هاااااااهه يا جي ميل ؟؟
الله يجزاك خير وين رحت ؟؟؟
وش صارت المشكله بالظبط ؟؟
قصدك إنها إذا سحبت البستم ما تطلع الفشقه من المخزن وتحطها في بيت النار ؟؟
وإلا أنت تقصد شيء ثاني ؟؟؟

[قنا]

هالمشششكلة عانيت منها اول مااخذت الشوزن قبل سته شهور لدرجة انها عيفتني بالشوزن والله الشاهد ع مااقول طبعا وطرحت المشكله بالمواقع والاغلب قالو المشكله بسبرنق المخزن اخذت سبرنق مخزن شوزن اخوي ركبته طلعت نفس المشكله غيرت الذخيره نفس الاشكاليه فكيت الشوزن قطعه قطعه واعدت تنضيفها وتركيبها نفس الاشكاليه حطيتها بشنطتها ونويت ابيعها لو بخسساره لاني حسيت انها مقلب وشربته واقابل شخص من اقاربي له باع طويل بالشوازن علمته بمشكلتها وعرضتها عليه قلت له بيعها اخذها قلبها يمين يسار لاحظ شي فيها قال صوت زر انزال الطلقه من المخزن للسان ضعيف المهم فك اللسان الي يكون حابس للطلقه في المخزن ويكون بالجنب تحت اللسان سسته او سبرنق صغير حلزوني ضغط عليه بابهامه لقاه خفيف مره فك سبرنق من شوزن اخري وركبه عليها صارت 100% ملاحظة سعر السبرنق لايتجاوز 20 ريال رحت اليوم الثاني لمحلات الاسلحه بالطايف وخذيت لي سبرنق اقوي من حقها واسمك منه بالحجم ولين الان الشوزن سلكت معي 100% ادري اطلت عليك وعلي الاخوان المتابعين بس لاني جربت هالمشكله ماكله معي وكادت تكلفني خساره بيعها .. وسلامتكم ،،،