مكيف الجيب الباترول

[كريم السجايا]

اخواني كل عام وانتم بخير
ارجو المساعده
معي جيب باترول خرب المكيف وفحصته عند كهربائي وطلع الكمبرسر خربان وشرينا كمبرسر جديد وكاله وركبنا علبه الهواء وغيرنا بلف المكيف وعبى المكيف وطلع كل شي تمام
المشكله بعد ما طلعت من عنده رحت للبيت ووقف السياره لمده ساعه ونصف وطلعت اشغل المكيف رجعت نفس المشكله يطلع هوااء حاررر

وش الحل

تحياتي لكم ..

[هم الشمالي]

شيك على الفريون يمكن صار فيه تنسيم يوم ركبو الكمبرسر ماضبطوه

[كريم السجايا]

والله ياخوي محتار
بس يعني غيرت كل شي . كمبرسر . علبه . بلف

[كريم السجايا]

خايف يكون اديتر المكيف فيه مشكله
ااو يكون الكمبرسر الجديد فيه ضعف

[شرق المغيب]

خله يضغطه هواء 350 ويخليه ساعه كامله ويبين التنسيم من اي مكان

مشكلتك الفريون يفضي

[sgl2002]

اذا حرارة الموتر ترتفع ترى تلقائي يفصل

بعدين المكيف اذا كان تسمع الكمبرسر يطق ويدور معناته البلف خربان

لو الكمبرسر مافيه فريون ماتسمع طقته ولا يلف

[مايطيق الصبرا]

انا عندي المكيف حار وقال لي العامل الكمبرسر خربان
كيف اعرف انه خربان صحيح
وكم يكلف الكمبرسر الجديد او من التشليح

[مايطيق الصبرا]

انا عندي المكيف حار وقال لي العامل الكمبرسر خربان
كيف اعرف انه خربان صحيح
وكم يكلف الكمبرسر الجديد او من التشليح

[كريم السجايا]

ياخوان انا صاحب المشكله ولم اجد لها حل وتعبت منها
غيرت الكمبرسر اصلي
غيرت البلف اصلي
غيرت القاروه التبريد
وعبيته فريون امريكي اصلي
ونظف المواصير
والمشكله وقت مايعبيه فريون يبرد واطفي السياره واشغالها بعد نصف ساعه يطلع هواء حاار
والله تعبت وخسرني
من يفيدني الله يجزاكم خير

[sgl2002]

طيب ياخوي تحصل فيه فريون والا لا؟

شيك المواصير اكيد به وحده منها فيه تهريب

[الوسم]

طيب ارجع لليدفعك هالدراهم وقله عطني فلوسي
يوم إنه يقول لك حط ويبي لك وجب وصصمخك بها القيمه 00000
على أي ساس وهو ما زان ولا خذت ضمان منه

[كريم السجايا]

انا اخذت الفلوس وشغل اليد
بس ابغى احل المشكله
لكن الله يجزا الله خير يلي وصف لي فني بمخرج 5

[الوسم]

انت سويت تنظيف للدائرة عند هاللي مشتغل لك والا ما نظف دايرة الفريون ؟؟
يعني غسل لك الدايرة حقت الفريون والا .... لا ؟؟؟

وهل شيك على ظغط الفريون بعد التركيب ؟؟

هل غير بلوف .. ؟؟

كم مكيف عندك ..؟ أمامي فقط وإلا أمامي وخلفي فقط وإلا أمامي وخلفي وثلاجه اللي في نصف السيارة الوسطي ؟؟

ما هو نوع سيارتك وما موديلها ووش سويت آخر شيء ؟؟

[كريم السجايا]

ايه هو نظف المواسير الدائره
وغيرنا بلف اصلي وكمبرسر اصلي وعلبه قاروره اصلي

والسياره جيب ربع باترول . مكيف امامي
انا اتوقع انه المشكله بالكهرباء

[nasser28]

السلام عليكم
انا صارت لي نفس مشكلتك معي باترول موديل 2000 المكيف كان بارد وفجأه قلب حار يعني يطلع هواء عادي
المهم رحت لأكثر من كهربائي تكييف والاغلب يقول غير كمبروسر ورحت للصناعية القديمة عند أخصائي تكييف ونفس الكلام .. وارشدني الله سبحانه لمحل بالصناعية القديمة وشيك على المكيف .. وقالي غير سير المكيف وغيرت السيور كلها مره وحده ( السيور كاملة 95 ريال شغل يد 100 ريال ) واسمي بالرحمن واشغل المكيف والحمدلله اشتغل ..

يعني انتبة للسير اذا كان متأكل أو مهتري مايدور بكرة المكيف .. شيك على سير المكيف لأن الاغلب تغيب عن باله .

[يالبى الهلا]

الشباب ماقصروا أعطوك زبدة الكلام تأكد ولية تتعب نفسك روح للي ركبة وخلة يفحص على ضمان تركيبة
ولاتدفع ريال

[الوسم]

على كلامك إرجع له ثانيه ولبق في وسط المحل
وقل له ... المكيف فيه كذا وكذا وإذا مازينته هالحين جبت لك الشرطه وإلا عطني فلوسي كاااااااااامله
الآن ووقف عند المحل وسكر بابه زييين علشان ما يجيه زباين وخلله يشتغل ويزينه لك
وإرجع هنا ... أيييه هنا وعلمنا وش اللي يصيير معك
اشتقينا عليك وودنا يزين مكيفك
لا تنسانا ... تعااااال وعلمنا وش اللي صار معك

[الاتصال السريع]

انا اؤيد ماقاله الاخ الوسم لانه هو اللي شخص المشكلة وهو اللي يتحمل النتائج



على كلامك إرجع له ثانيه ولبق في وسط المحل
وقل له ... المكيف فيه كذا وكذا وإذا مازينته هالحين جبت لك الشرطه وإلا عطني فلوسي كاااااااااامله
الآن ووقف عند المحل وسكر بابه زييين علشان ما يجيه زباين وخلله يشتغل ويزينه لك
وإرجع هنا ... أيييه هنا وعلمنا وش اللي يصيير معك
اشتقينا عليك وودنا يزين مكيفك
لا تنسانا ... تعااااال وعلمنا وش اللي صار معك

[اورنس الشمري]

شيك على مروحة المكيف هل تعمل بكفاءة

لأنه لو احتر ما راح يشتغل المكيف ويعطيك هواء حار

[أحمد محمد1429]

ياخوان انا صاحب المشكله ولم اجد لها حل وتعبت منها
غيرت الكمبرسر اصلي
غيرت البلف اصلي
غيرت القاروه التبريد
وعبيته فريون امريكي اصلي
ونظف المواصير
والمشكله وقت مايعبيه فريون يبرد واطفي السياره واشغالها بعد نصف ساعه يطلع هواء حاار
والله تعبت وخسرني
من يفيدني الله يجزاكم خير
انت ماغيرت التروموستات

[كريم السجايا]

ياخوان انا اخذت جميع خسايري وكذلك شغل اليد
وما يحتاج ارجع للورشه اضيع وقتي معه
لكن انا الان جالس ادور حل للمشكله
وش الترموسات ؟؟

ولكم تحياتي

[الوسم]

والله أعلم إن المشكلة عندك من توصيلات الكهرب والدليل إنك تقول أنه يبرد وبعد ما تطفيه وتشغل بنصف ساعة يحتر

[الوسم]

طيب ...
هل هو يبرد مرره ثانية ؟؟؟
والا خلاص ما عاد يبرد ؟؟
هل ضغط الفريون ناقص ؟؟
هل فيه صوت واضح مع تشغيل المكيف ؟؟
هل حرارة السيارة عندك طبيعيه ؟؟ مع تشغيل المكيف وبدونه ؟؟
هل مراوح التبريد اللي في الشبك تعمل بشكل جيد ؟؟
هل مجمع الهواء اللي مغلف مروحة التبريد جيد وا لا متكسر .. اللي يسمونه كاور ؟؟
هل تمتاتيك المروحه عندك جيد ؟؟
هل زرار تشغيل المكيف عندك اللي في الطبلون اللي مكتوب عليه AC يعمل ؟؟؟
هل فحص لك الفني الثرموستات اللي داخل الثلاجه اللي تحت الرجلين في وسط السيارة ؟؟

[فتك الجنوب]

شيك على كتاوت المكيف تجيك في الكبوت جنب البطاريه احيان تصير منها
شيك على البلف الالكتروني يجيك في الكبوت من الجهه اليمين فوق مواصير الثلاجه

[كريم السجايا]

اخواني
كل عام وانتم بخير
حتى الان لم تحل المشكله
رحت لمركز بالرياض قالي عنه احد الاخوان وجلست السياره ثلاث ايام عنده وبالنهايه لم تحل المشكله
المشكله . المكيف فجاء طلع هواء حارر وعبيته ولم يصلح وغيرت الكمبرسر والاديتر والحساس والاديتر ولم يضبط
طبعا بعد فشل جميع المحاولات قلت لعامل المركز يرجع كل شي مثل اول
وطلعت من عنده

من واجه نفس المشكله يفيدني
وشكرا لكم ..

[سلطان الغانم]

اخي احتمال يكون تنسيم لازم ترجع تشيك عنده على ماتم تركيبه وتعبئته

[أحمد محمد1429]

ابي جواب واضح..... هل المشكله لا زالت بعد تغيير كل هالأشياء ام فيه تغير

[الوسم]

طيب ..

فيه كتاوت موجود في وسط الثلاجه الأماميه
وهذي صوره لمكانه ..
https://farm8.staticflickr.com/7028/6514066273_fa8924849d.jpg
وهذي صورة لأنواع زيه ومقاربه له وهو راكب في الثلاجة الداخليه اللي فوق رجلين الراكب
لذلك شفه وتأكد منه وحاول تعرف ؟؟ هو يشتغل وإلا لا ؟ ؟ لأنه يتحكم في تشغيل الكومبريسور
http://i1.tinypic.com/nwwy6b.jpg

[الوسم]

http://i146.photobucket.com/albums/r266/Optima2007/QX4%20Repair/IMG_1140.jpg
وهذا موقعه

[الوسم]

وهذا شكله
يمكن يكون هو آخر الحلول لك
وإرجع علمنا إذا ما هو المشكلة

http://www.mekshat.com/pix/upload06/images/2014/07/mk15940_img_1137.jpg

[الوسم]

وهذا رابط يباعن فيه على النت
علشان تشوف شكله زين
http://www.ebay.com/itm/NEW-OEM-NISSAN-BLOWER-CONTROL-AMPLIFIER-MODULE-ROGUE-SENTRA-NV-SEE-LIST-/280750810497?_trksid=p2054897.l5658

[كريم السجايا]

هلا اخوي
السيور مغيرهن بشهر رمضان قبل سنه
علما بان السياره اغلب الوقت واقفه
هل ممكن يكون من السيور

[كريم السجايا]

فيه احد يعرف فني مكيفات للسيارات بالرياض
لاني طفشت من نصب العمال

[كريم السجايا]

ياخواني
لم تحل المشكله

من يعرف

[الوسم]

الله يدلك على الحل !!!!!!

[عاشق الشعبيات]

اخوي ماوضحت حاجه مهمه انت بعد ماتتعب وتعبي فريون وترجع تطفي السيارة وترجع تشغلها وتصير فاضية

هل الفريرن يكون موجود او يكون غير موجود بعد الفحص بالساعه!!!

اذا تودك تفحص بنفسك فيه طريقه انك تروح لفتحة التعبية حقة الفريون وتفتح الغطاء الصغير وتضغط البلف وتشوف اذا طلع لك الفريون قوي ولونه ابيض معناته الفريون موجود وماعندك تنسيم واذا ضغطه وماطلع هواء قوي ولا لون ابيض معناته عندك تنسيم في مكان ما إما في المواصير او في الثلاجه او في الرديتر او الكمبروسر.


اتمنى ترد على استفساري


واذا مالقيت حل هذا فني كهربائي محترف وبإذن الله راح يبرد خاطرك

موقعه في الشفا في نفس شارع المعارض

اسمه بلوت
0507236155


اتمنى اني افدتك وبالتوفيق وانا اخوك

[كريم السجايا]

هلا اخوي
هو نعبي المكيف يكون بارد
اطفيه شوي ونشغله يطلع هواء حار والمس الماصور حقت الكمبرسر تكون دافيه يعني مو بارده

من له خبره

[كريم السجايا]

يعني شكله الفريون يهرب
بس المشكله ان الفني يقول ان المكيف مليان وعبيته فريون امريكي اصلي

[عاشق الشعبيات]

طيب سويت اللي قلت لك عليه !!

[كريم السجايا]

هلا
كل عام وانتم بخير

ان شاء الله بعد العيد بشوف الكتاوت وجميع اسلاك الكهرباء

تقديري للجميع

[isaud]

كل عام وانتم بخير
اخوي اذا انت بالرياض رح للصناعية اللي بطريق 100 فيه محل حق بطاريات وعنده عامل متخصص بالتكييف انا موتري سوبر سفاري 2006 وكان الهواء حار ورحت لكذا محل الأغلبية قالو غير الكمبريسور الا هو وفيه محل ثاني قالو غير البلف والحمد لله البلف سعره 40 ريال وشغل يده مع الفريون 300 ريال من دون مكاسر ...

المحل وانت داخل على الصناعية من جهت طريق خريص على النسيم شارع حسان بن ثابت متجه جنوب الين يجيك طريق 100 تأخذ يسار مع الإشارة قبل لا تلف يسار تلاقي قدامك محلات تكييف وتبريد ما عليك منهم وحاول على طول تطلع للخدمة بعد ما تلف يسار اول لفه يمين تأخذها تجيك محلات على اليمين بعدها تلف يمين تلاقي المحل لوحته صفرا للبطاريات وتحت مكتوب تبريد وتكييف ان شاء الله انه يحل لك مشكلتك

تحياتي واسف على سوء الترتيب والتوصيف

[كريم السجايا]

جزاكم الله خير على تعاونكم

وكل عام وانتم بخير

[ابوس11م]

الحل بدل راديتر المكيف

[كريم السجايا]

هلا
غيرت اديتر المكيف وماصلح المكيف
المشكله نعبيه مكيف اصلي وبعدها يطلع هواء حار . علما ان الفريون مليان

يعني نعبيه ونطفي السياره وعشر دقايق اشغله يطلع هواء حاار

[عاشق الشعبيات]

عطيتك رقم فني كهربائي كلمته ولا لا !!

[كهرووب]

- جرب تشغل الكمبروسر دايركت من البطارية وشوف يزبط والا لا

إذا زبط مشكلتك من الكهربه احتمال تكون من حساس حماية الكمبروسر اللي يجي في العلبة او الثرموستات او كتاوت او ازرار التشغيل حقت المكيف

إذا مازبط تكون المشكلة احتمال من الكويل حق الكمبروسر او فيه سدد في دورة التبريد او الفريون زائد او بلف الثلاجه مسدود

[كريم السجايا]

كم الرقم اخوي


وين موقعه

[فتكا]

لا تدفع فلوس على الفاضي مثل ما قالو زيادة تاكيد افتح الكبوت افتح مكان تعبة الغاز برغي بلاستك ازرق اذا ما خاب ظني مكتوب علي حرف ال L يعني الضغط المنخفظ اب اي مفتاح سم وخلك على الجانب لا يجي عينك في غاز يعني الشغلة كهرباء رد للمحل او اي محل تبي تقط فلوسك عندة يظبطة ويثلج خلاص سم بالله وطف الموتر عند المحل لا تحرك وتمشي وسم وشقل الموتر وشوف المشكلة اذا ضبط وانحلت خل سيارتك عند المحل لمدة ساعة او ساعتين او نفس المدة اللي عند بيتك وشقل السيارة وشوف الوضع الله يكون ابعونك بتوفيق