سحاب نجد راعي شقراء
28/06/2014, 12:35 AM
السلام عليكم ورحمه الله وبركاته
في مثل هذا اليوم:D في قديم الزمان ايام الطيبين الي مرضين ربهم وهو سبحانه مرضيهم بعد - تلقا الرواقات محطوطه في المساجد والناس في فرحه غامره بقدوم الشهر الفضيل في قلوب الكبار والصغار يمكن الصغار يفرحون به علشانهم يسهرون شوي وعلشان بعد المحلبيه والمكرونه والفمتووالسنبوسه والشوربه ترانا نسمي الفمتو منول التوت بس ذاك طعمه غيرالي موجود هلحين منول نحط في الجيك وهو مليان ماء بارد ملا الغطا حق القاروره ثلاث او اربع مرات بس ويطلع الجيك كله توت وش طعمه وهلحين نصب نص الغرشه ولا له طعم ولا ريق والمكرونه ذيك الطوال الي يحطونها في ابلام هذي صحون نسميها البلم يجي شكله مستطيل كلش عندنا منول له اسم خاص
وكن ماتصلح المكرونه الا في بلم وهو صحن يجي بيظاوي الظاهرلو مايلقون ذا الصحون كلوه في قدره كنه مهوب يصلح الصحن العادي يحطونه فيه
وذكر كان عندي زيرحاطه تحت الشجر في الحوش هذا برادتنا منول
وحط جنب الزير الجح او الحبحب والجراوه احط تحته خيشه وفوقه خيشه وصب عليهن بالماء ثمن تبرد الجحه والجرو
الا تذكرون يالمسلمين منول نقطع الجح والجراوه مع بعض في صحن واحد ونقلطه للرجال
اذكر سنه من السنين ونا صفير ايام شهر رمضان اروح العصرعند عجوزوقعد عندها لان رجلها ميت ولا جاها عيال ونا مصخرني ربي لهاوهي تحبني بعد بس قبلنا نتهاوش ولا اطلعت من عندها الا متهاشين المهم اذكر يوم رحت عندها ولقاها في حوش بيتها تسوي كليجا ونا انسا عمري مع الكليجا وهي حاره وكل شوي امد يدي واخذ كليجا واكل وشرب من الزير الي وراي قالت لي تكفا ياوليدي ادخل ذا الدجاجه مع الدجاج تراها اوذتني مغير تنقر في الكليجا ولا في العجين ونا الي اقوم ابي امسكها وطمرعليها وعلا بطني في الارض ولاها رايحه ومخلتني ونا مرافقي يدي يصبن دم وقعد انا ويا الدجاجه طردي يوم ثورنا الغبار في الحوش قالت العجوزاتركها لا عادت عليك وعليها امتلا العجين تراب خلها بس ونا منيب مخليها وحجر للدجاجه وحجر ومادريت الا وهي وسط التنورتقوم العجوز على طول وتشيلها وترميها في الحوش ولا رجلين الدجاجه ذايبات من الجمروتقعد العجوز تهوش علي انت تدري انها اكثر دجاجي بالبيض هلحين وش ابا اسوي بها وهي مقحطره ماتمشي يبي من يحط عندها صحن للعيش وللماء انت الي فيك مايخطيك ونا كل شوي اسحب قرص كليجا واكله انتم تخبرون خشبه الكليجا الي تجي كنها مضرب تنس طاوله والعجوز ماسكته يبدها وتناضرني وقالت انت وراك هلحين تبلع كليجاي قلت هذا ثاني واحد اخذته ونا اكذب قالت لي انا اشوفك وحسب كمهن كلتا اربعه كاملات وتشرب من الزير وش وراك ومادريت الا يوم قلت لي انت تبي تقوم عني هلحين ولا اصخك بالي في يدي تعاني الخشبه حقه الكليجا المهم خلصت من الكليجا ودخلت وسط بيتها وعندها تيس وش كبره له قرون متلويه ونا الي اطمر عليه وركب فوقه ومتمسك بقرونه يوم انهبل التيس جاه شي مهوب طبيعي ويطامربي وصط الحوش ونا مبسوط ونهبل زياده صار يشيل عمره ويظرب في الارض مثل الحصان الي ماروض ونا صامد متمسك بقرونه ومع الركض وينصابي الزير حق العجوزولاه من صيد امس تكسر ونكب الماء وطيح انا على الماء على ضهري بس يوم خفت وروح اركض يم فلان ترا تيسك طمرعلى الزيروكسره شايفه بعيوني ذولي وتجي معي العجوز تركض ونا وراها اخاف تشوف الماء في ضهري المهم قالت كسار يكسرضلوعك وخفت احسبه انا ثمن قالت مار منهبل هو وقرونه ودريت انها تهوش على التيس ونا واقف في الحوش والجدار وراي ثمن قلت لها انا ابا اروح لبيتنا قالت لي طس في بليس ورحت ابا اطلع مع باب السوق الا يوم قالت لي تعال تعال وشذا الما والطين الي في ضهرك وتجي تبي تمسكني ونحاش ثمن تبدا المناوشات وقلت لها تراي انا الي راكب على تيسك الين كسرنا الزيرانا وياه ثمن انهبلت تعال ياحصان بليس كانك ماخفتا مني وهي تطل علي في السكه ثمن طلعت ثلاثه كليجا مهربهن في مخباتي وقلت شوفي كليجاك تراي ماكل سته والي معي هلحين ثلاثه يعني تسعه ابي احمقها وتلحقني في السكه ماعليها الا الشيله وشوا انحشت مااذكر رحت يمها الا جيت ابا اطلع لبيتنا الا ونا متهاوش انا وياها جعلها للفردوس
تعرفون عفتان الله يسكنه الفردوس الاعلى من الجنه هذا رجال من اهل شقراء ومتوفي
عفتان هذا له محطه البنزيم الي قبال الشلال من غرب مانعرفها منول الا محطه عفتان مدري عاد هلحين وش الي صار لسمها او انه الا هلحين تراي مدري
عفتان هذا من اوائل من شرا سياره اول ماجت السيارات معه فرت هاف الي اذكره
وكان هو الي يوصل الناس للرياض بالكروه وهذا اسم السعر للفلوس نسميه منول كروه وكانو الناس منول يدلعون الدريول الي يسوق سياره قسم بالله كنه يسوق طائره جامبو 777 العملاقه ومن زود تدليع الناس للسواق يجيبون معهم ديك ابو الدجاج:D ويعطونه السواق يطبخه وياكله يخافون يزعل السواق ثمن مافيه الا رجليه لازم يدلع منول ولوهم راكبين في صندوق السياره وحالتهم حاله مطاب وغبار وتغريز ولا غرز يحولون كلهم يحفرون ويدفنون ويدفون السياره الين تطلع بس عندهم منول شي عادي بس لا يزعل الدريول الي هو السواق وترا السيارات في شقراء ذاك الوقت تعد بصابع اليد الوحده يعني مدري هن ثلاث سيارات ولا اربع بس مافيه غيرهن علا اول جيه السيارات
المهم والله يعينا علا المهم :D
كان عفتان واقف بسيارته في ثرمداء يومن اميرثرمداء العنقري ايام بيوت الطين المهم جا يمه شايب من اهل ثرمدا وقال سلام عليكم ياعفتان قال عليكم السلام والشايب هذا الا جا يتكلم اخن يعني كنه يتكلم مع خشمه هذا معنا اخن المهم قال ياعفتان قال سم يبو فلان وش تبي قال معي خطيط يعني رساله نسميها منول خط المهم قال معي خطيط ابيك توصله لوليدي محمد في الرياض تلقاه في الصفات عند قصر الحكم قال عفتان وهو عيار الله يغفر له قال يبو فلان معي شوير لازم اشاوره يطيع ناخذ خطك ولا مايطيع قال الشايب من شويرك قال السياره ويجي عفتان ويطق على رفرف السياره وهو يقول هذا فلان ابومحمد يبينا نوصل خط لولده في الرياض نعم ام لا ثمن قال عفتان ماش يبو فلان عيت السياره الي هي الشوير قال الشايب اجل متا ماطاع الشوير ياعفتان علمني وراح يم بيته ويوم ركب عفتان سيارته ويشغل وتعيي تشتغل ويحاول وعيت لا تشتغل سبحان الله وهو يعرف للسيارات وفكك كلش وكشف على كلش مالقا العله او الخراب مايدري وشذا البلا الي صاب السياره وهي مافيها الا العالفيه قبل وثلاثه ايام وعفتان مغير يفك ويربط مافيه فايده ويذكر الشايب راعي الخط قال والله انه هو السبب يوم اصبحو عقب صلاه الفجر رابع يوم ويروح عفتان يشتكي الشايب على امير ثرمداء العنقري وقاله ياطويل العمر سيارتي لها هلحين رابع يوم ماطاعت تشتغل وهي مافيها الا العافيه بس عقب جيه فلان يعاني راعي الخط ماطاعت تشتغل قال العنقري وشو قايل لك قال عفتان انه جاني عند السياره وقالي معي خط ابيك توصله لولدي محمد في الرياض قال الامير العنقري ونت وش قلتا له قال عفتان وهو يظحك قلت ان معي شوير ونا اقصد سيارتي ثمن قلت يبو محمد عيا الشويرنوصل خطك ونه قالي متا ماوافق شويرك تعال يمي وعطيك الخط قال الامير العنقري تبي سيارتك تشتغل رح يمه هلحين وقله ان الشوير وافق نودي الخط لولدك في الرياض وخذ الخط منه ورح جرب سيارتك هي تشتغل ولا لا والله ويروح عفتان ويطق باب الشايب من عند الباب قال افتحو اناحجاب:D قصدي عفتان عطني خطك اوصله لولدك ويضحك الشايب وهو يقول اجل طاع الشويرهداه الله الشويروهو يضحك الشايب المهم خذ الخط منه وراح لسيارته وول نقره بالسلف ولا السياره تشتغل من احسن مايكون هههههههههههه ول يذا الشايب الي وقف سيارته ثلاثه او اربعه ايام الين خذ الخط منه هذا النضل الاصلي ههههههههههههه الله يكفينا شرهم اهل العيون
في مثل هذا اليوم:D في قديم الزمان ايام الطيبين الي مرضين ربهم وهو سبحانه مرضيهم بعد - تلقا الرواقات محطوطه في المساجد والناس في فرحه غامره بقدوم الشهر الفضيل في قلوب الكبار والصغار يمكن الصغار يفرحون به علشانهم يسهرون شوي وعلشان بعد المحلبيه والمكرونه والفمتووالسنبوسه والشوربه ترانا نسمي الفمتو منول التوت بس ذاك طعمه غيرالي موجود هلحين منول نحط في الجيك وهو مليان ماء بارد ملا الغطا حق القاروره ثلاث او اربع مرات بس ويطلع الجيك كله توت وش طعمه وهلحين نصب نص الغرشه ولا له طعم ولا ريق والمكرونه ذيك الطوال الي يحطونها في ابلام هذي صحون نسميها البلم يجي شكله مستطيل كلش عندنا منول له اسم خاص
وكن ماتصلح المكرونه الا في بلم وهو صحن يجي بيظاوي الظاهرلو مايلقون ذا الصحون كلوه في قدره كنه مهوب يصلح الصحن العادي يحطونه فيه
وذكر كان عندي زيرحاطه تحت الشجر في الحوش هذا برادتنا منول
وحط جنب الزير الجح او الحبحب والجراوه احط تحته خيشه وفوقه خيشه وصب عليهن بالماء ثمن تبرد الجحه والجرو
الا تذكرون يالمسلمين منول نقطع الجح والجراوه مع بعض في صحن واحد ونقلطه للرجال
اذكر سنه من السنين ونا صفير ايام شهر رمضان اروح العصرعند عجوزوقعد عندها لان رجلها ميت ولا جاها عيال ونا مصخرني ربي لهاوهي تحبني بعد بس قبلنا نتهاوش ولا اطلعت من عندها الا متهاشين المهم اذكر يوم رحت عندها ولقاها في حوش بيتها تسوي كليجا ونا انسا عمري مع الكليجا وهي حاره وكل شوي امد يدي واخذ كليجا واكل وشرب من الزير الي وراي قالت لي تكفا ياوليدي ادخل ذا الدجاجه مع الدجاج تراها اوذتني مغير تنقر في الكليجا ولا في العجين ونا الي اقوم ابي امسكها وطمرعليها وعلا بطني في الارض ولاها رايحه ومخلتني ونا مرافقي يدي يصبن دم وقعد انا ويا الدجاجه طردي يوم ثورنا الغبار في الحوش قالت العجوزاتركها لا عادت عليك وعليها امتلا العجين تراب خلها بس ونا منيب مخليها وحجر للدجاجه وحجر ومادريت الا وهي وسط التنورتقوم العجوز على طول وتشيلها وترميها في الحوش ولا رجلين الدجاجه ذايبات من الجمروتقعد العجوز تهوش علي انت تدري انها اكثر دجاجي بالبيض هلحين وش ابا اسوي بها وهي مقحطره ماتمشي يبي من يحط عندها صحن للعيش وللماء انت الي فيك مايخطيك ونا كل شوي اسحب قرص كليجا واكله انتم تخبرون خشبه الكليجا الي تجي كنها مضرب تنس طاوله والعجوز ماسكته يبدها وتناضرني وقالت انت وراك هلحين تبلع كليجاي قلت هذا ثاني واحد اخذته ونا اكذب قالت لي انا اشوفك وحسب كمهن كلتا اربعه كاملات وتشرب من الزير وش وراك ومادريت الا يوم قلت لي انت تبي تقوم عني هلحين ولا اصخك بالي في يدي تعاني الخشبه حقه الكليجا المهم خلصت من الكليجا ودخلت وسط بيتها وعندها تيس وش كبره له قرون متلويه ونا الي اطمر عليه وركب فوقه ومتمسك بقرونه يوم انهبل التيس جاه شي مهوب طبيعي ويطامربي وصط الحوش ونا مبسوط ونهبل زياده صار يشيل عمره ويظرب في الارض مثل الحصان الي ماروض ونا صامد متمسك بقرونه ومع الركض وينصابي الزير حق العجوزولاه من صيد امس تكسر ونكب الماء وطيح انا على الماء على ضهري بس يوم خفت وروح اركض يم فلان ترا تيسك طمرعلى الزيروكسره شايفه بعيوني ذولي وتجي معي العجوز تركض ونا وراها اخاف تشوف الماء في ضهري المهم قالت كسار يكسرضلوعك وخفت احسبه انا ثمن قالت مار منهبل هو وقرونه ودريت انها تهوش على التيس ونا واقف في الحوش والجدار وراي ثمن قلت لها انا ابا اروح لبيتنا قالت لي طس في بليس ورحت ابا اطلع مع باب السوق الا يوم قالت لي تعال تعال وشذا الما والطين الي في ضهرك وتجي تبي تمسكني ونحاش ثمن تبدا المناوشات وقلت لها تراي انا الي راكب على تيسك الين كسرنا الزيرانا وياه ثمن انهبلت تعال ياحصان بليس كانك ماخفتا مني وهي تطل علي في السكه ثمن طلعت ثلاثه كليجا مهربهن في مخباتي وقلت شوفي كليجاك تراي ماكل سته والي معي هلحين ثلاثه يعني تسعه ابي احمقها وتلحقني في السكه ماعليها الا الشيله وشوا انحشت مااذكر رحت يمها الا جيت ابا اطلع لبيتنا الا ونا متهاوش انا وياها جعلها للفردوس
تعرفون عفتان الله يسكنه الفردوس الاعلى من الجنه هذا رجال من اهل شقراء ومتوفي
عفتان هذا له محطه البنزيم الي قبال الشلال من غرب مانعرفها منول الا محطه عفتان مدري عاد هلحين وش الي صار لسمها او انه الا هلحين تراي مدري
عفتان هذا من اوائل من شرا سياره اول ماجت السيارات معه فرت هاف الي اذكره
وكان هو الي يوصل الناس للرياض بالكروه وهذا اسم السعر للفلوس نسميه منول كروه وكانو الناس منول يدلعون الدريول الي يسوق سياره قسم بالله كنه يسوق طائره جامبو 777 العملاقه ومن زود تدليع الناس للسواق يجيبون معهم ديك ابو الدجاج:D ويعطونه السواق يطبخه وياكله يخافون يزعل السواق ثمن مافيه الا رجليه لازم يدلع منول ولوهم راكبين في صندوق السياره وحالتهم حاله مطاب وغبار وتغريز ولا غرز يحولون كلهم يحفرون ويدفنون ويدفون السياره الين تطلع بس عندهم منول شي عادي بس لا يزعل الدريول الي هو السواق وترا السيارات في شقراء ذاك الوقت تعد بصابع اليد الوحده يعني مدري هن ثلاث سيارات ولا اربع بس مافيه غيرهن علا اول جيه السيارات
المهم والله يعينا علا المهم :D
كان عفتان واقف بسيارته في ثرمداء يومن اميرثرمداء العنقري ايام بيوت الطين المهم جا يمه شايب من اهل ثرمدا وقال سلام عليكم ياعفتان قال عليكم السلام والشايب هذا الا جا يتكلم اخن يعني كنه يتكلم مع خشمه هذا معنا اخن المهم قال ياعفتان قال سم يبو فلان وش تبي قال معي خطيط يعني رساله نسميها منول خط المهم قال معي خطيط ابيك توصله لوليدي محمد في الرياض تلقاه في الصفات عند قصر الحكم قال عفتان وهو عيار الله يغفر له قال يبو فلان معي شوير لازم اشاوره يطيع ناخذ خطك ولا مايطيع قال الشايب من شويرك قال السياره ويجي عفتان ويطق على رفرف السياره وهو يقول هذا فلان ابومحمد يبينا نوصل خط لولده في الرياض نعم ام لا ثمن قال عفتان ماش يبو فلان عيت السياره الي هي الشوير قال الشايب اجل متا ماطاع الشوير ياعفتان علمني وراح يم بيته ويوم ركب عفتان سيارته ويشغل وتعيي تشتغل ويحاول وعيت لا تشتغل سبحان الله وهو يعرف للسيارات وفكك كلش وكشف على كلش مالقا العله او الخراب مايدري وشذا البلا الي صاب السياره وهي مافيها الا العالفيه قبل وثلاثه ايام وعفتان مغير يفك ويربط مافيه فايده ويذكر الشايب راعي الخط قال والله انه هو السبب يوم اصبحو عقب صلاه الفجر رابع يوم ويروح عفتان يشتكي الشايب على امير ثرمداء العنقري وقاله ياطويل العمر سيارتي لها هلحين رابع يوم ماطاعت تشتغل وهي مافيها الا العافيه بس عقب جيه فلان يعاني راعي الخط ماطاعت تشتغل قال العنقري وشو قايل لك قال عفتان انه جاني عند السياره وقالي معي خط ابيك توصله لولدي محمد في الرياض قال الامير العنقري ونت وش قلتا له قال عفتان وهو يظحك قلت ان معي شوير ونا اقصد سيارتي ثمن قلت يبو محمد عيا الشويرنوصل خطك ونه قالي متا ماوافق شويرك تعال يمي وعطيك الخط قال الامير العنقري تبي سيارتك تشتغل رح يمه هلحين وقله ان الشوير وافق نودي الخط لولدك في الرياض وخذ الخط منه ورح جرب سيارتك هي تشتغل ولا لا والله ويروح عفتان ويطق باب الشايب من عند الباب قال افتحو اناحجاب:D قصدي عفتان عطني خطك اوصله لولدك ويضحك الشايب وهو يقول اجل طاع الشويرهداه الله الشويروهو يضحك الشايب المهم خذ الخط منه وراح لسيارته وول نقره بالسلف ولا السياره تشتغل من احسن مايكون هههههههههههه ول يذا الشايب الي وقف سيارته ثلاثه او اربعه ايام الين خذ الخط منه هذا النضل الاصلي ههههههههههههه الله يكفينا شرهم اهل العيون