صدم سيارتك عمدا

[غدر الزمن]

بسم الله الرحمن الرحيم

سؤال اذا جاء واحد وصدم سيارتك عمدا ماذا تفعل؟؟؟؟؟؟؟؟؟؟؟؟؟؟

هذا ماحدث معي يوم الجمعه بين صلاه المغرب والعشاء وانا راكب بسياره بمشي قبل اقفل الباب جاء بالسياره يمشي بهدوء ودف الباب الييييييييييييين سمع طق قواعد الباب
تكسرت بعدها وقف حاولت معه ينزل من السياره والحمدلله لم ينزل قفل الابواب على نفسه وفتح قزاز السواق شوي ويكلمني والمصيبه رجل كبير بالعمر ولو نزل من السياره لا يعلم بما سيحصل الا الله وحده سيارتي جديده شاص 2014 راح علي باب السايق والرفرف من عند الباب والكارثه كررت عليه مرارا وتكرارا انه اقترب من الباب ولم ينفع معه .. جميع الموجودين في الموقف شاهدو وسمعو ماحدث وكلهم شهدو عليه وبعد حضور شركه(نجم) لتخطيط الحادث قالها وبكل برود.انا معي(انسورنش)يعني تامين

الله لا يوفقه ولا يوفق من جاب التامين والله قهرني

[جني صغير]

هذا خلك مراقبه ولما تشوفه فاتح الباب اقشع بابه خله يرجع بابه للرفرف

[y.alharbi]

يمكن احد معطب موترك :eek:

[sgl2002]

خلاص معه تامين وش تسوي


لو مديت يدك عليه يلتغى التامين والخطا يصير عليك ١٠٠٪

[شرق المغيب]

يمكن مخرف اوبه مرض واشي
الله يعينك

فيه ناس تدور العاكس وتصدمه من شان يصير عليه الخطأ 100/100

ويسمكر سيارتهم الخرده ويضبطها لهم

حيالات الله يكفينا شرهم ولاحد يعكس

[You Like Me]

^^^^
يابن الحلال لو عاكس التأمين ما يشمله يعتبر مخالف
وانت تناشب معه ومواعيد ويحضر ما يحضر وآخر شي الشيخ يحكم لك بأقل من نصف تكلفه الاصلاح
وانت وقتها تبي الخلاص بتكره المطارد والمحاكم وبترضى بأي شي

الله يعوض عليك يا صاحب الموضوع
ويكفيك ويكفينا جميعاً شر من فيه شر

[Gm.454]

حسبي الله ونعم الوكيل

[راعي الرود]

.




الحل :

http://www.mekshat.com/pix/upload05/images253/mk31073_95f99ae882.jpg

[laurel_200L]

سيارة ابوية 1980 واخاف عليها من الحكات وانت 2014 وصدم الباب !؟؟؟؟ والله شيء يقهر ما لك الا تردد حسبي الله ونعم الوكيل

[ابوراكان تبوك]

يا رجل والله ارتفع ضغطي من برود هذا الادمي الله يعوضك خير المشكله مو بالتأمين المشكله ان الباب شد بلد اذا الباب معدوم روح التشاليح وغيره بباب ورفرف رشة وكالته ان لقيت 13 او 14 شرط نفس اللون ولاهو قالب من الشمس
وكانك واصلت معاه للتأمين اطلب باب ورفرف شد بلد بس الظاهر حق التحميل عليك من بلد الصنع

[اسعيد بن عيد]

مااصابك لم يكن ليخطئك ومااخطاك لم يكن ليصيبك توكل على اللة واحمد اللة وصلح
سيارتك على التامين.

[هم الشمالي]

قدر الله ومشاء فعل

[مسير عليكم]

دامك سالم الحمد لله

الله يعوضك بطيب منه هذي مصيبه التامين عالم مطفيه النور ومغمض ويصدمك يقول مامن
لاكن لايضيق صدرك عندي لك كابرس 89 تامينه مابعد انتهى كان ودك تبرد حرتك منه:D

[shelboo21231]

الله يعوضك أخي الكريم

للعلم في حال ثبت تعمده التأمين ما يغطي وتتحول القضية إلى جنائية وحق خاص وحق عام ، والقرار لك فيما لو رغبت إصلاح سيارتك بمال التأمين أو لا ، وللعلم شركة التأمين لها الحق في الرجوع على المؤمن له في حال ثبت مسؤوليته عن الحادث

[غدر الزمن]

هذا خلك مراقبه ولما تشوفه فاتح الباب اقشع بابه خله يرجع بابه للرفرف

سنلتقي يوما انا وهو عند الله سبحانه والله لا يسامحه

[غدر الزمن]

.






الحل :


http://www.mekshat.com/pix/upload05/images253/mk31073_95f99ae882.jpg

هذا مهو حل هذا علاج ناجح بس وين يباع

[غدر الزمن]

خلاص معه تامين وش تسوي


لو مديت يدك عليه يلتغى التامين والخطا يصير عليك ١٠٠٪



وهذا ماردني عنه والله يعوض خير

[ابوضيف الله]

الحمد لله ع كل حال والحمد لله انها خسارة بالمال مهي باالانفس
اول شي هذا اللي الله كاتبه لك ولسيارتك
ثاني شي مع انه رجل كبير بالسن مثل ماتفضلت مهو دليل انه عاقل ممكن مريض نفسياً او متعاطي او او او او
زين انه جلس بسيارته وسكر الابواب ع نفسه والدرايش وانك مااستاثمت فيه
ممكن هالحادث الله رادك عن شي اعظم منه مالك الا تقول الحمد لله على مااصابني وانا لله وانا اليه راجعون