مشكله في ثلاجة الويكو ( الطمره) هل يوجد حل

[بانللي وبس]

السلام عليكم ورحمة الله وبركاته
ياخوان عندي ثلاجة ويكو 50 لتر الكترونية
تعطلت فيها لوحة التحكم ( اللي فيها الأزرار)
ماتفصل الثلاجة والأزرار معلقه ماتعمل
وش الحل معها
هل لوحة التحكم تباع لوحدها وكم قيمتها

[SGL 4200]

تأكد من موديل الثلاجه وان شاءالله تجدها عند السنيدي

[باترول5600]

وعليكم السلام ورحمة الله وبركاته

مثل ماقال اخوي SGL 4200 تأكد من السنيدي

وفيه ناس تلغي الالكتروني وتركب لها مفتاح عادي ( فرار )

الله يسهل امرك وان بغيت شي ... ابشر بعزك حاضرين

[بانللي وبس]

الله يعطيكم العافيه
وأبي امر السنيدي وإن شاء الله تضبط
لاكن افضل اغير اللوحة ولا اركب فرار عادي

[يحب البر]

اخوي
لاتغير اللوحة ولاتركب فرار العملية وما فيها داخلها غبار
فك اللوحة ونظفها وعود رجعها مرة ثانية وادعلي اذا نجحت العملية منت خسران شي
تقبل مروري:good2:

[بواردي الضلع]

وعليكم السلام الامر بسيط مر على محل احمد اللى بالفايزيه على طريق الامير سلطان ويحل مشكلتك

[أبو سهيل]

فك اللوحة ونفخها بمنفاخ لتنظيف الأتربة يجيب نتيجة سبق أن حصلت معي

[راعي الشلفاء]

اسمع العلم ولا توهق وينصبون عليك ويقلون اللوحه خربانه
جبلك بخاخ تنظيف حق الاكترونيات. وبخ اللوحه وحده بوحد ودعلي انا قبل شهر مسويه
بعدين اذا خلصت جب شطرطون. دراهم ولزقه على اطرف اللوحه علشان مايدخل الغبار

وعلمنا. وش يصير عليك. لك التوفيق

[الوافي.]

اذا انجبرت انك تغير اللوحة اشر لوحة فرار افضل من الرقمي

[جي ميل]

حولها يدويه وريح راسك