المساعد الشخصي الرقمي

مشاهدة النسخة كاملة : عين الطبخ او (( القز ))


ابونايف الروقي
28/11/2006, 08:47 AM
السلام عليكم
مبروك عليكم الخير والامطار ونسال الله العلي القدير ان يجعلها امطار خير وبركه ..

ابي اشتري عين نار او قز ..... ابي شي قوي يطبخ ذبيحه يطبخ الكاتم ... يعني شي ناره قويه واصلي ومايكون كبير عشان الشيل والحط ابيه للطلعات ابي سعره ونوعه وياليت صوره الي عنده معلومه لا يبخل علينا ... ولكم الشكر ....
ابونايف الروقي
28/11/2006, 09:35 PM
السلام عليكم
يعني معقوله ولا واحد يطلع البر معه قز ؟
الزيارات ماشاء الله 61 هههههههههههه ولا واحد يقدر يرد ..
ابونايف الروقي
29/11/2006, 09:24 AM
الزيارات 108 هههههههههههه
القصبي
29/11/2006, 01:46 PM
هلا اخوي مدام انك بتقول ذا الحسي 108 و 100 زيارة ولا احد رد ترى الناس يمكن مايدخلون ولايردون عليك
اتركم يجون لك
تحياتي
هـــ؟؟؟ـــدد
30/11/2006, 02:06 AM
اخويp52
فية عند المقناص عند مخرج 15 بالدائري الشرقي بالرياض
قز بوعينين يصفط جربتة حلو
عمار السفينه
30/11/2006, 03:02 AM
أذكر فيه واحد من الشباب عنده عين صغيره (ماشاء الله) طابخين عليها ذبيحه

سعرها ب 180 ريال بس تستاهل
واذا ماخاب ضني اسمها بريموس
ابونايف الروقي
30/11/2006, 05:47 PM
أذكر فيه واحد من الشباب عنده عين صغيره (ماشاء الله) طابخين عليها ذبيحه



سعرها ب 180 ريال بس تستاهل
واذا ماخاب ضني اسمها بريموس






الاخ هدد شكرا على المرور بس انا ابي عين وحده

الاخ خراب السفينه
شكرا على المرور ممكن تعطيني مواصفات اكثر ومن وين اخذ العين وايش الصناعه ..
system
30/11/2006, 06:11 PM
فيه عين اسمها (كوفيا-KOVIA) الله العالم ان صناعتها كوريه بس نوعيه طيبه انصحك فيها لونها وردي تجي عين وحده وعينين, العين الوحده بتسعين ريال وتاخذ معها وصله علشان تشبكها بالسلندر الازرق ب25 ريال...........

تباع في جميع محلات الرحلات الكبيره مثل برق الحيا والسنيدي.........


ملاحظه:- سهلت الحمل وتنصفط.....اتمنا اني افدتك.
ابونايف الروقي
03/12/2006, 08:55 AM
السلام عليكم

شباب انا لقيت عين مقاسها ممتاز وشكلها اوكي صناعتها كوريه
بس واحد من الشباب يقول انه استخدم مثلها يقول اذا جيت تقصر النار تقب وتطفي ...
وهي شكلها دائريه لها رجول ثلاث والرجل نفسها هي الي يحط عليها القدر ولونها اسود سعرها 85 ريال .
بيرق العزة
03/12/2006, 04:35 PM
عليك بالبريموس و والي مثلها الصيني شفه عند اول محل بمخرج 15 ونت متجه شرق عند اول اشاره على اليمين بعد الهرم 20 ريال وتطبخ قعود لو بغيت
ابونايف الروقي
04/12/2006, 09:22 AM
شكرا جميعا للمرور
الى الان ما شريت ههههههههه
كشته 111
04/12/2006, 09:49 AM
اخي ب 52 , تبي العين الوحدة القوية , اذا رحت لاي محل فول و طلبت فول تاوه , او رحت محل كبدة صاج تلاحظ انه عشان ما يعطل الزبائن , تلقاه حاط تحت المقلاة حقة فول التاوه او صاج الكبده عين وحده والشعله تطلع من الوسط من عين صغيرة علي شكل اسطواني واللهب طوله 5 سم تقريبا , بس نارها قوية ومركزه وتسمع لها صوت قوي كانها عين القز الكبير حق الذبيحة , ولازم تنتبه لانها تعجل الطبخ والحمس والقلي بسرعة ثلاثة اضعاف العين العادية واذا تعودت عليها ما تبي غيرها ,,,

واذا لقيت لها صورة نزلتها ,,,

وسلامتكم والسلام عليكم ,,,
بن نويشر
04/12/2006, 10:04 AM
شف يالطيب .. إذا كنت تبي فعلاً عين قوية ومريحه مثل ما تفضلت .. فما عليك إلا بإحظار الموقد الناري والذي يستخدمة عمال العزل المائي فهو جداً جداً قوي ، وقم بعمل توليف قاعدة له عند حقيين المناقد والذين هم على طريق الملك فهد بجوار سوق عتيقة . وعلى فكرة يمكن شرائه من الصناعية فهو جداً خفيف وشكل أنسيابي . بس تحتاج إلى دبة عاز 25 لكي يخرج شعله قوية . والشاهد الله بأن شفت هالموقد في أحد المطاعم عندما وضع قدر الطبخ وبه ماء ما أخذ إلا دقيقة وبدأ في الغليان .

أتمنى بأن أكون قد وصلت إلى المطلوب
فنجال
04/12/2006, 10:48 AM
اخوي ح52
فيه القز الدائري تراه حلو ولاتنسى ترى قوة الغاز او العين من المحول الازرق .
تحياتي.
ابونايف الروقي
05/12/2006, 08:46 AM
شكرا كشته
شكرا سنيدي
شكرا فنجال

الظاهر اني بقلبها ترهيم وبشتري عين حقت الذبايح الكبيره المربعه الي فيها ثلاث صمامات
1 - صمام للنار الصغيره الي في الوسط
2- صمام للنار الي بعدها اكبر شوي
3- صمام للنار الي على الطرف ..
وبشيل القاعده المربعه حقتها الكبيره ثم برهم لها ارجل تلحيم من تحت صغار ونفس الرجل تكون طالعه من فوق عشان تكون مركبه للقدر .. وشكرا
سداااااح
05/12/2006, 01:59 PM
شف وانا اخوك فيه محل البريه بشرق الرياض عند كلية المعلمين
يرهمون راس الدرافور العادي ويخلونه تقول اوكسحين من قوته