مشكلة اختلاط زيت القير بالماء

[العطة]

السلام عليكم ورحمة الله وبركاته

السيارة اكسبلورر
الموديل 2010
العداد 123000
المشكلة: وجود ماء في زيت القير.
المطلوب: طريقة سهلة تنظيف زيت القير من الماء.
سبب المشكلة: تم تغير الاديتر الاصلي لوجود تهريب ماء.
وكان الاديتر الجديد خربان مما تسبب باختلط الماء بزيت القير.
تم تغيبر الاديتر الخربان باديتر سليم وتم تغير زيت القير مع الفلتر.
بعد اسبوعين تم تغير زيت القير لوجود ماء.

الورشة اقترح تنزيل القير لتنظيف القير.
هل فية طريقة اسهل من تنزيل القير.
ولكم جزيل الشكرا

ابوعبدالاله

[يالبى الهلا]

مادام فورد فانصحك تنزل القير لانة الفورد عبارة عن مشاكل مترابطة مع بعض كل خراب يجر معة خراب أكبر فاحرص على إصلاح الخراب اول باول

[ابو فهد...]

فيه حل انك كل ٣٠٠ كيلو تغير زيت القير تكرر التغير مده ٤ مرات او اكثر الين تشوف الزيت صافي ومظبوط وارفق على الموتر لاتحاول انك تشد عليه وباذن الله يظبط

[مسير عليكم]

اذكر ون ستوب او بترومين عندهم جهاز تنضيف مجاري القير

[اابو مياس]

اخوي لاتنزل القير لان الي ينزله مستحيل يرجعه نفس شد بلده والسياره ماشاء الله عليها جديده
رح لمحلات بيع زيوت الجمله وخذ 2 كرتون زيت قير موتر كرفت وغير الزيت اكثر من مره وامش مسافه قصيره ولاتتعدى ال60 وحاول تمرر القير على جميع الغيارات واذا شفت امورك تمام خذ من الوكاله فلتر وزيت ميكرون v وغيرهن

[1824]

انت متأكد ان الخلط وقف وانك مركب كل شيء مظبوط في اهواز الراديتر وغيره الي رايح من القير للراديتر مو معكوس يخلط الماء بالزيت على العموم اذا انت متاكد غير زيت القير مرتين وخلاص فك الصرة والسيارة شغالة وعشق الموتر بكل الغيارات وطفة وهز الموتر بيدك وبيطلع اغلب الزيت بدون اي ضرر بالتوفيق اخي الكريم

[العطة]

السلام عليكم ورحمة الله وبركاته

اشكر الجميع على تفاعلهم مع الموضوع.

ابوعبدالاله

[العطة]

السلام عليكم ورحمة الله وبركاته

لازال البحت جاري عن حل سهل.


ابوعبدالاله